Accessibility links

Алматыдағы «Музейдегі түн» шарасы

Мамырдың 18-і күні және 19-ына қараған түні Алматыдағы екі ірі мәдениет орны – орталық мемлекеттік музей және мемлекеттік өнер мұражайында кәсіби мереке – халықаралық музей күніне арнап «Музейдегі түн» акциясы өтті. Мұндай шаралар осы күні әлемнің көптеген елдерінде өткен. Алматыда алғаш рет «Музейдегі түн» акциясы 2006 жылы Қазақстан орталық мемлекеттік музейінде ұйымдастырылған. Кейін акцияға басқа музейлер де қосылды. Он жылдан бері жыл сайын өткізіліп келе жатқан шараға мыңдаған адам келген. Бұл күні екі музей де келушілерге тегін қызмет көрсетті. Шараға келген қонақтар музейдегі заттармен танысып, шеберлік сабақтарына қатысты, сонымен бірге интерактивті жобалар мен концертті тамашалады.
Түгел оқыңыз

Орталық мемлекеттік музейдің үшінші қабатындағы вестибюльде концерт қойылды. Көрермендерге музей залдарын аралатып, ондағы экспонаттармен таныстыратын экскурсия да осы жерден басталады. Вестибюльдегі сахнаны биыл қазақи оюлармен өрнектелген көне әрі қымбат баулармен безендірген.
1

Орталық мемлекеттік музейдің үшінші қабатындағы вестибюльде концерт қойылды. Көрермендерге музей залдарын аралатып, ондағы экспонаттармен таныстыратын экскурсия да осы жерден басталады. Вестибюльдегі сахнаны биыл қазақи оюлармен өрнектелген көне әрі қымбат баулармен безендірген.

Кәсіби музей мерекесі мен Алматының мың жылдығына арнап «Қазақстан суретшілері шығармасындағы Алматы қаласы» көрмесі ұйымдастырылған. Онда музей қорында сақталған Николай Хлудов, Федор Болкоев, Николай Гаев, Мэлс Ержанов, Николай Соловьев, Жанатай Шарденов, Тұрсын Әбуов, Шаймардан Сариевтердің шығармалары қойылған. Музейге келген әйел мен бала Шаймардан Сариевтің «Желтоқсан. 1986 ж.» суретіне қарап тұр. Суретші 1988 жылы дүниеден өткен. Бұл сурет Совет одағы коммунистік партиясының Алматыда 1986 жылғы желтоқсандағы оқиғаны «қазақ ұлтшылдығы» деп сипаттаған қаулысы әлі күшінде болған кезде жазылған.
2

Кәсіби музей мерекесі мен Алматының мың жылдығына арнап «Қазақстан суретшілері шығармасындағы Алматы қаласы» көрмесі ұйымдастырылған. Онда музей қорында сақталған Николай Хлудов, Федор Болкоев, Николай Гаев, Мэлс Ержанов, Николай Соловьев, Жанатай Шарденов, Тұрсын Әбуов, Шаймардан Сариевтердің шығармалары қойылған. Музейге келген әйел мен бала Шаймардан Сариевтің «Желтоқсан. 1986 ж.» суретіне қарап тұр. Суретші 1988 жылы дүниеден өткен. Бұл сурет Совет одағы коммунистік партиясының Алматыда 1986 жылғы желтоқсандағы оқиғаны «қазақ ұлтшылдығы» деп сипаттаған қаулысы әлі күшінде болған кезде жазылған.

«Музейдегі түн» акциясына арнап «Отта туған өнер» көрмесі әзірленген. Онда қыштан жасалған, солардың арасында фарфор, терракот, шамот және т.б. бұйымдар қойылған. Көрмеде Қытай, Корея, Жапония, Еуропа мен Ресейде жасалған фарфорларды кезіктіруге болады. Сонымен бірге мұнда Алматы мен Қапшағайда әзірленген фарфор заттар бар. Суретте: музейге келгендер совет кезінде Қазақстанда жасалған фарфор бұйымдарды тамашалап тұр.
3

«Музейдегі түн» акциясына арнап «Отта туған өнер» көрмесі әзірленген. Онда қыштан жасалған, солардың арасында фарфор, терракот, шамот және т.б. бұйымдар қойылған. Көрмеде Қытай, Корея, Жапония, Еуропа мен Ресейде жасалған фарфорларды кезіктіруге болады. Сонымен бірге мұнда Алматы мен Қапшағайда әзірленген фарфор заттар бар. Суретте: музейге келгендер совет кезінде Қазақстанда жасалған фарфор бұйымдарды тамашалап тұр.

Мына фарфор ыдыс Қазақстанға украин халқы мен Украина коммунистік партиясы атынан тарту етілген. Музей қызметкерінің көмегімен Азаттық тілшісі бұл сыйлықтың қашан, не үшін тапсырылғанын анықтап білмек болды. Ыдыстағы жазуда украин тілінде «40 жылдықтың құрметіне» берілгені айтылған, бірақ нақты ненің 40 жылдығы екені түсініксіз.
4

Мына фарфор ыдыс Қазақстанға украин халқы мен Украина коммунистік партиясы атынан тарту етілген. Музей қызметкерінің көмегімен Азаттық тілшісі бұл сыйлықтың қашан, не үшін тапсырылғанын анықтап білмек болды. Ыдыстағы жазуда украин тілінде «40 жылдықтың құрметіне» берілгені айтылған, бірақ нақты ненің 40 жылдығы екені түсініксіз.

Тағы

AzattyqTV

XS
SM
MD
LG