Accessibility links

Харьковта қираған ресейлік әскери техника. 28 ақпан 2022 жыл.
Харьковта қираған ресейлік әскери техника. 28 ақпан 2022 жыл.

Украинадағы соғыс. 24-28 ақпан арасында не болды?

Украинадағы соғыс жайлы барлық ақпаратты осы парақшадан таба аласыз.

Ресейдің Украинаға басып кіргеніне төрт күннен асты. Елдің солтүстігінде, шығысында және оңтүстігінде Украина қарулы күштері мен Ресей әскері арасында шайқас жүріп жатыр.

Украина жағы Ресейдің үш мыңнан астам әскери қызметкері қаза тапты дейді. Ресей 27 ақпан күні сарбаздарының опат болғанын алғаш рет мойындады, бірақ нақты санын айтпады. Украина сарбаздары арасында жүздеген адам опат болған, қаза тапқандар арасында бейбіт тұрғындар да бар.

АҚШ, Еуроодақ, Ұлыбритания және көптеген өзге ел Мәскеуге қарсы санкцияны күшейтіп жатыр. Еуроодақ елдері Украинаға шабуылдаушы ұшақтар беретін болды. Ресей президенті Владимир Путин Ресей ядролық қаруын арнайы тәртіпке көшіруді бұйырды.

Еуроодақ Ресей ұшақтарына әуе кеңістігін жауып, Кремльге жақын Sputnik және Russia Today бұқаралық ақпарат құралдарының Еуропа елдеріндегі жұмысына тыйым салмақ.

10:11 24.2.2022

24 ақпанға қараған түні Ресей президенті Владимир Путин мемлекеттік телеарналардан мәлімдеме жасап, Ресей армиясының Украина әскерімен соғысатынын хабарлады.

"Мен арнайы әскери операция бастау туралы шешім қабылдадым. Оның мақсаты – сегіз жыл бойы Киев қорлық көрсетіп, геноцид жасап келген адамдарды қорғау. Бұл үшін біз Украинаны демилитаризация мен денацификация жасауға, оған қоса бейбіт тұрғындарға, соның ішінде Ресей федерациясы азаматтарына да қарсы көптеген қанды қылмыс жасағандарды сотқа тартуға тырысамыз" деді Путин.

10:14 24.2.2022

Ақпарат құралдары Украинаның кейбір қалаларында жарылыс болғанын хабарлап жатыр.

10:15 24.2.2022

Қазақстанның Киевтегі елшілігінде отырған кезекші Киев уақытымен таңертеңгі сағат бесте Азаттық тілшісіне қалада жағдай тыныш екенін хабарлады.

"Елшілік қызметкерлері эвакуацияланған жоқ. Орталықтан (Нұр-Сұлтан) хабар күтіп отырмыз" деді ол.

Қазақстан сыртқы істер министрлігінің ресми өкілі Айбек Смадияров 24 ақпанда таңертең елшілік қызметкерлерін эвакуциялау мәселесін қарастырып жатқанын айты.

– Қазір ойластырып жатырмыз. Ол үшін ұшақ дайындау керек. Қазір ұшақтар ұшып жатқан жоқ. Қазір жүгіріп жүрміз, – деді ол Азаттық тілшісіне.

Ресми мәлімет бойынша, Қазақстанның консулдығында уақытша тіркеуде 517 адам, тұрақты тіркеуде 1113 адам тұр. Олар негізінен Киев қаласы, Киев, Одесса, Харьков, Львов облыстарында тұрады.

10:17 24.2.2022

Әлеуметтік желіде Харьков, Одесса, Донецк, Киев облыстарында жарылыс болғаны туралы видеолар тарады.

Тағы

ПІКІРЛЕР

XS
SM
MD
LG