Мариупольдің атқылауға ұшырауы. 11 наурыз 2022 жыл.

Украинадағы соғыс. 4-10 сәуір арасында не болды?

3 сәуір 2022 жыл, 23:10

Украинадағы соғыс жайлы барлық ақпаратты осы парақшадан таба аласыз.

10 сәуір. Украинадағы соғыстың 46-күні. Негізгі ақпараттар:

Северодонецкіде 10 сәуір таңертең мектеп пен екі тұрғын үй атқылауға ұшырады.
Киевке барған Ұлыбритания премьер-министрі Борис Джонсон Украинаға қосымша әскери көмек беретінін мәлімдеді.
Зымыран соққысы жасалған Краматорск вокзалында қаза болғандар 52 адамға жетті.
Ресей әскері Миргород қаласына зымыранмен соққы жасап, қаладағы инфрақұрылым нысаны қирады. Екі адам зардап шеккен.
BBC: Ресей Украинадағы операцияға жетекшілік еткен қолбасшыны ауыстырды. Оған Украинада соғысып жатқан орыс әскері арасында әлсіз координацияны нығайтып, 9 мамырға дейін соғыстан "қандай да бір нәтиже шығару" жүктелген болуы мүмкін.
БҰҰ босқындар ісі жөніндегі агенттік соғыс басталғалы бері Украинадан 4,3 млн адам босып кеткенін мәлімдеді.
АҚШ Ресей мұнайы импортын тоқтататын заңға қол қойды.
Алматыда Ресей консулдығы алдында Буча қырғыны құрбандарын еске алған белсенділерді полиция ұстап, бірнеше сағаттан кейін босатты.

Зеленский Буча қаласында, марқұмдарды жерлеу, жақынынан айырылған жанның зары, Донбасстан қашқан жұрт. Украинадағы соғыс. 4 сәуірдегі фотолар

Зеленский Буча қаласында, марқұмдарды жерлеу. Украинадағы соғыс. 4 сәуірдегі фотолар

1/10 4 сәуірде Украина президенті Владимир Зеленский Киев облысындағы қатты зардап шеккен Буча қаласына барды. Өткен аптаның аяғында бұл қаланы Украина әскерилері Ресей күштерінен қайтарып алған.

2/10 2 сәуір кешкісін Reuters, AFP, AP ақпарат агенттіктері мен Украина билігі Бучаның көшесінде жайрап жатқан жай киімдегі адамдардың суреттерін жариялады. Киев "Ресей оккупанттары қаладан құр кетпей бейбіт тұрғындарды қырып кетті" деп мәлімдеді. Ал Ресей Бучадағы фотоларды "фейк" дейді.

3/10 Бучада көшеде жайрап жатқан мәйіттерді жинау 3-4 сәуірде де жалғасты.

4/10 Буча басшылығы қалада қаза тапқан 300 адамды бауырластар зиратына жерлегендерін мәлімдеді.

5/10 Қаза тапқан күйеуін жоқтап жылап отырған Буча тұрғыны.

6/10 Ресей әскері Киев облысынан кері шегініп, Донбасқа шабуылды күшейтетінін жариялаған тұста Донбасс аймағынан халық жаппай қаша бастады. 4 сәуірде Донецк облысы Краматорск қаласындағы теміржол вокзалына келген жұрттың қарасы көп.

Донецк облысы Краматорск қаласындағы теміржол вокзалындағы адамдар. — 7/10 Донецк облысы Краматорск қаласындағы теміржол вокзалындағы адамдар.

Донецк облысы Краматорск қаласындағы теміржол вокзалына пойызға отыруға келген адамдар. — 8/10 Донецк облысы Краматорск қаласындағы теміржол вокзалына пойызға отыруға келген адамдар.

9/10 Ресей армиясы Одесса қаласын да зымыранмен атқылады.

10/10 Ресей күштерімен соғыста қаза болған украин сарбазын жерлеу. Львов қаласы.

АҚШ президенті Джо Байден әскери қылмыскерлерді, соның ішінде Ресей президенті Владимир Путинді сотқа тартуға шақырды. Ресейдің Украинаға басып кіруі кезінде жасалған әскери қылмыстардың айғағын жинау керек деді Байден.

"Өткен айда Путинді әскери қылмыскер деп атағаным үшін мені сынағандар болды. Бучада не болғанын көрдіңіздер. Бұл оның қылмыскер екенін растап отыр" деп мәлімдеді Байден.

Германия Ресейдің 40 дипломатын еліне қайтару туралы шешім қабылдады. Берлин олардан тыңшылық жасады деп күдіктенеді. Бұл туралы Германия сыртқы істер министрі Анналена Бербок мәлімдеді.

Еурокомиссия басшысы Урсула фон дер Ляйен әскери қылмыстарды құжаттау үшін Украинаға ортақы тергеу тобын жіберетінін мәлімдеді.

3 сәуірде журналистер мен Украина билігі Киевтің солтүстік-батысындағы Буча қаласының көшесінде ондаған адамның мәйіті жатқанын хабарлады. Қала бір ай бойы Ресей әскерінің бақылауында болған.

Тағы

Accessibility links

Жазылыңыз

Украинадағы соғыс. 4-10 сәуір арасында не болды?

Зеленский Буча қаласында, марқұмдарды жерлеу. Украинадағы соғыс. 4 сәуірдегі фотолар