АҚШ Мексикамен шекарада әскери жаттығу өткізді

АҚШ-тың шекара сақшылары Мексикамен шекара маңында бірнеше әскери жаттығу өткізді. Орталық Америка елдерінің мигранттары АҚШ-қа негізінен шекараның осы бөлігінен өтеді. Әскери дайындық шарасына қатысқан сарбаздар жаттығу кезінде көзден жас ағызатын газ қолданып, жолдарды сым темірмен жапқан. Бұған дейін АҚШ билігі Мексикамен шекарадан заңсыз өтіп, паналатуды сұраған мигранттардың алғашқы тобын елдеріне қайтаратыны туралы ақпарат шыққан. Құқық қорғаушылар АҚШ-тың көші-қон саясатын қатаңдатуын сынап келеді.