Қазанның 11-і күні түске дейін сайлаушылар берген дауыстың 90 пайызы саналып үлгірді. Қырғызстанның орталық сайлау комиссиясы жариялаған алғашқы мәліметтерге қарағанда алда келе жатқан үш партияны жақтаушылар саны шамалас болып тұр.
Қазанның 8-і Азаттық радиосына арнайы баспасөз хаттамасын жіберген «Глобал Уитнесс» ұйымы Владимир Кимнің акция сату әрекетіне Қазақстан президенті мен үкіметі қаншалықты ықпал еткенін білгісі келеді.
Құрметті оқырман! Комменттеріңізді неғұрлым жылдам шығарып, журналистерімізге тікелей сын-ескертпе жолдап, өзге оқырмандармен ашық пікір алмасқыңыз келсе арнайы сілтеме арқылы тіркелуді ұсынамыз.
Revenue Watch Institute ұйымы экономикасы қазба байлықты өндіру саласына тәуелді 41 елдің үкіметі осы сала бойынша ақпарат беруге қаншалықты құлықты екенін бағалап шықты. Қазанның 7-і жарияланған түсім айқындығы индексінде Ресей 3-ші, Түркіменстан ең соңғы орында тұр.
Бұл сауал діни қызметкерлер арасында екі түрлі пікір туғызып отыр. Діни қызметкерлердің бір тобы Қазақстандағы мешіттердің қызметін қадағалау үшін діни басқармаға бағынуы қажет деген пікірді ұстанса, енді бір тобы бұл пікірмен келіспейді. Олар жекелеген мешіттердің өз алдына діни ұйым болып құрылуы ешкімге кедергі келтірмейді дейді.
Тілдерді қолдану мен дамытудың 2011-2020 жылдарға арналған мемлекеттік бағдарламасына сәйкес 2020 жылы Қазақстанда мемлекеттік тілді меңгерген азаматтардың үлесі 60 пайыздан 95 пайызға ұлғаюы тиіс. Алайда осы күнге дейін қабылданған бағдарламалардың іс жүзінде көрінбеуі мәселенің дұрыс жолға қойылмағанын көрсетеді дейді мамандар.
Қазақстан Президентінің іс басқарушысы Сарыбай Қалмырзаев инсульт алды деп хабарлайды ҚазТАГ ақпарат агенттігі беймәлім ақпарат көзіне сілтеме жасай отырып. Қалмырзаевтың көмекшісі бұл мәліметті жоққа шығарады.
Мамандардың айтуынша, соңғы жылдары Қазақстанның телеарналарында ойын-сауық бағдарламалары көбейіп келеді. Жастар клубының дәстүрлі сұхбат айдарының мейманы ақын Тоқтарәлі Таңжарық ойынша қазіргі уақытта ақындар мен қоғамның көзқарасы қабыспай отыр.
Петропавлда қала атауын ауыстыруға қарсылар көбейді. Мәселе баспасөз бетінен шығып, көшелерде көрініс бере бастады. Қала атының қазақшалануына қарсылар көліктеріне, сөмкелеріне, балкондарына, тіпті, киімдеріне дейін сары түсті шүберек байлап алған.
Биыл экранға шыққанына 40 жыл толып отырған аңыз картина «Қыз Жібек» фильмінің жаңартылып, түр-түсі қоюлана түскен нұсқасын көруге келген көрермен санын саусақпен санап шығуға болатын еді. Есесіне фестивальдың байқауына ілінбей қалған Қытайдағы қазақ киногерлері түсірген «Гүлбике» картинасына келген көрермен залға симай кетті.
Ресей президентімен ісі де, сөзі де жараспай келген Мәскеу басшысы қыркүйектің 28-і барлық лауазымынан жұрдай болды. Өз еркімен қызметінен кетпей қойған Юрий Лужковты орнынан алу үшін Дмитрий Медведевке «президенттің сенімінен айрылды» деген арнайы жарлық шығаруға тура келді.
Азаттық радиосының веб-сайтында қазір түрмеде отырған бұрынғы топ-менеджер Мұхтар Жәкішевтің зайыбы Жәмила Жәкішевамен онлайн-конференция аяқталды.
Қыркүйектің 24-і күні Жамбыл облысындағы Мәтібұлақ полигонында Шанхай ынтымақтастығы ұйымына (ШЫҰ) мүше елдер армияларының бөлімшелері «Бейбіт миссия - 2010» деген атаумен әскери жаттығулардың соңғы кезеңін өткізді.
Психолог мамандар адамның аты оның өміріне тікелей әсер ететіндіктен мағыналы есім қойған жөн дейді. Сонымен қатар тарихта есімі қалған ұлы адамдардың атын балаға қоюға әуес болмауға кеңес береді. Балаға ұлы адамдардың есімін қою мамандардың айтуынша, психологиялық тұрғыдан алғанда белгілі бір жауапкершілікті жүктейді.
Қазақстандағы ресми деректерге сүйенсек, елдегі мұсылмандар саны 60 пайызды құрайды. Алматыдағы «Айт-Парк» пікірталас клубында дін мәселесіне қатысты жиын өтті. Оған қатысқан дін өкілдері халықты адастыратын түрлі ағымдар көбейгенін айтты. Сонымен қоса елдегі мешіттерде алауыздық бар екенін мойындады.
Соңғы жылдары мектеп оқушыларының жоғары сынып бағдарламасын аяқтамастан, колледжге оқуға баруы жиілеп кетті. Бұған қатысты Азаттық радиосына сұқбат бергендер мектеп түлектері алдағы тағдырын шешетін Ұлттық бірыңғай тестілеуден сүрінуден қорқады дейді.
Қазақстандық жұмысшылар өз құқықтарының сақталмайтындығына жиі шағымданады. Бірінші кезекте, еңбеккерлер өздеріне тиісті жалақыларын бірнеше айға кешіктіріп беретіндігіне наразы. «Фридом хауз» ұйымы Қазақстанды жұмысшылар құқығын бұзушы елдер қатарына енгізген.
Нұрсұлтан Назарбаев 2012 жылы кезекті президент сайлауына түседі. Бұл туралы «Свобода слова» газетіне берген сұхбатында президенттің саяси мәселелер жөніндегі кеңесшісі Ермұхамет Ертісбаев айтқан.
Соңғы жылдары қазақстандық режиссерлер өздері түсіретін фильмдерге басты кейіпкерді сомдауға шетелден актер шақыруды әдетке айналдырды. Жастар Азаттықта бағдарламасында қазақ киносының жетістіктері мен кемшін тұстары жайында сөз болады.
Қазақстан президентімен көп жыл қызметтес болған Владимир Ни ұзаққа созылған аурудан қайтыс болды. Соңғы жылдары Қазақстанда оның есімі интернетте тараған атышулы «телефон тыңдауларына» қатысты жиі айтылатын.
Тағы
