Accessibility links

Мейірбек пен Сараның айтысы


Мейірбек Сұлтанхан. Астана, 8 шілде 2013 жыл.

Мейірбек Сұлтанхан. Астана, 8 шілде 2013 жыл.

Шілденің 8-9-ы күндері Астанадағы «Қазақстан» орталық концерт залында «Ел, Елбасы, Астана» деген атпен ақындар айтысы өтті. Алғашқы күні айтысқан 20 ақынның арасынан іріктеліп шыққан он адам екінші күні бес жұп болды. Айтыстың екінші күніндегі екінші жұп - Мейірбек Сұлтанхан мен Сара Тоқтамысова.

Сөз бастаған Мейірбек Сұлтанхан «айтыс билік тарапынан қағажу көріп келе жатыр» дей келе «Астана күні» мерекесі қарсаңында айтыс өткізуге орын табылмағанын айтты:

– Астана мерекесі бола қалса,
Қонақтарды шақырып қамданасың.
Әрқайсысына миллиондап доллар шашып,
Азғантай атағына малданасың.
Ет-сорпаңды соларға сораптатып,
Қара халық жалайды қалған асын.
Ал енді айтыс жаса десе болды,
Көкелер, ақша таппай зарланасың
Мерекенің кезінде зал да таппай,
Сахнаны кейін алып малданасың.
Экраннан көрсету былай тұрсын,
Көшеге ілдірмеді-ау жарнамасын.

Ал Сара Тоқтамысова елдегі әлеуметтік мәселелерді былайша суреттеді.

Сара Тоқтамысова. Астана, 8 шілде 2013 жыл.

Сара Тоқтамысова. Астана, 8 шілде 2013 жыл.

– Жарқырап, жұлдыз құсап от тастады,
«Еуродақ» болып топ бастадық.
Орташа банктерді кризистен
Құтқарарда басты біз ап қашпадық.
Шаңырағын банктер тартып алып
Жатқандарға алайда жақтаспадық.
Астанада тұратын үй таба аламай,
Жүргендерге бірақ та жақты ашпадық.
Есесіне шет елден келгендерге,
Бес жұлдызды отельдер сап тастадық.

Қазылар алқасы жеңісті Мейірбек Сұлтанханға берді.
  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG