Джакартада өтіп жатқан Азия ойындарында Қазақстан спортшылары Александра мен Екатерина Немичтер синхронды жүзудің дуэт бағдарламасында қола медальға ие болды. Алтынды Қытай, күмісті Жапония дуэті алды.
- Ертең (29 тамыз) қыздармен бірге командалық жарысқа қатысып, сол жарыста да жүлде алсақ деп жоспарлаймыз, - деді спортшылар.
Александра мен Екатерина Немич - егіздер, Олар - 2014 жылы Инчхонда өткен Азия ойындарының қола жүлдегері. 2017 жылы Будапеште өткен әлем чемпионатында 12-орын, 2016 жылы Рио олимпиадасында 15-орын алған. Олимпиада алдында Екатерина Немичтің жүрегіне операция жасалған еді.
Қазір Қазақстан 7 алтын, 8 күміс, 29 қоламен жалпы есепте 10-орында келеді. Азия ойындары 2 қыркүйекте аяқталады.
Қазақстанның 15 алтыны
Джакартадағы Азия ойындарында Қазақстан 15 алтын, 17 күміс, 44 қола иеленді. Бұл жарыста чемпион атанған қазақстандық спортшылармен таныс болыңыз.
ПІКІРЛЕР