Accessibility links

Түркістанда "әлімжеттік жасаған" оқушылардың ісі сотта қарала бастады


Интернетте тараған әлімжеттік туралы видеодан скриншот.

15 сәуірде Түркістандағы Түркістан облысының кәмелетке
толмағандар ісі жөніндегі мамандандырылған ауданаралық соты Талғат Бигелдинов атындағы мектептің 9-сыныптағы үш оқушысына "әлімжеттік жасаған" қаладағы өзге үш мектеп оқушыларының ісін қарай бастады.

Облыстық сот баспасөз қызметінің мәлімдеуінше, іс көшпелі сот отырысы негізінде 18-мектептің акт залында қарала бастаған.

Іс бойынша кәмелетке толмаған төрт оқушы Қылмыстық кодекстің бұзақылық бабымен айыпталған. Айыпталушылар кәмелет жасқа толмағандықтан олардың аты-жөні жарияланбайды.

"Айыпталушылар Түркістан қаласында адамдар тобымен алдын ала сөз
байласу арқылы бұзақылық жасаған. Кәмелет жасына толмаған
жәбірленушілерге күш қолданған" деп хабарлады баспасөз қызметі.

Тергеу мәліметінше, мектеп оқушылары әлімжеттікке биыл 18 қаңтарда күні ұшыраған.

21 қаңтарда интернетте түркістандық мектеп оқушыларының үш балаға әлімжеттік жасап, оларды ұрып-соғып, "темекімен күйдіреміз" деп қорқытып жатқаны бейнеленген видео тараған. Ертеңінде ішкі істер министрлігінің өкілі төбелеске қатысушылардың бәрін анықтағандарын жариялады.

Жыл басында Қазақстанда жасөспірімдер арасындағы зорлық-зомбылық, әлімжеттік жасау оқиғалары жиілеген. Қаңтар айында әлеуметтік желілерде Түркістан, Қызылорда және Қарағанды қалаларында оқушылардың әлімжеттігі туралы бірнеше видео тараған. Ақтөбеде екі мектептің оқушылары төбелесіп, жоғары сыныптың бір оқушысы пышақтан жарақатынан қайтыс болған.

Қарай отырыңыз: "Әлімжеттік көрген оқушы кімнен көмек сұрарын білмейді"

"Әлімжеттік көрген оқушы кімнен көмек сұрарын білмейді"
please wait

No media source currently available

0:00 0:02:10 0:00

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG