Ауғанстан астанасы Кабулда 13 қарашада болған жарылысты "Ислам мемлекеті" террористік тобының "Хорасандағы Ислам мемлекеті" тармағы мойнына алды.
Өткен сенбіде Кабулдың батысындағы шииттер көп қоныстанған Дешті-Баршы ауданында болған жарылыстан Ариана телевизия желісінде жұмыс істеген тілші Хамид Сейхани мерт болған еді.
"Талибанның" ресми өкілі Забихулла Мужахид жарылыстың салдарынан Дешті-Баршыда өрт шыққанын хабарлаған. Кемінде бір бейбіт тұрғын қаза болған, төрт адам жараланып, ауруханаға түскен. "Талибан" (Қазақстанда тыйым салынған) өкілі оқиғаның жай-жапсары анықталып жатқанын айтқан.
Хазар-шииттер тұратын ауданға ИМ бұған дейін бірнеше рет шабуыл жасаған. Экстремистік топтар шииттерді "жолдан жаңылғандар" деп есептейді.
ПІКІРЛЕР