Accessibility links

2023 жылдың басында Ресейде мұнай өндіру 20%-ға төмендейді


2022 жылдың желтоқсан айында орыс мұнайын Еуропаға тасымалдауға тыйым салу санкциясы күшіне енгеннен кейін, Ресей мұнай өндіруді 20% қысқартады. Қазір Ресей күніне 3%-ға аз мұнай өндіріп жатыр.

Осылай деп Халықаралық энергетика агенттігіне (ХЭА) сілтеме жасап, Bloomberg және The Guardian басылымдары хабарлайды.

ХЭА мәліметінше, Ресей шілде айында тәулігіне 10,8 млн баррель мұнай өндірген. Бұл Украинаға басып кіргенге дейінгі кезеңмен салыстырғанда 0,31 миллион баррельге аз.

Ресей мұнайы мен газ экспортына санкция салынғаннан кейін, Еуропа, АҚШ, Жапония және Оңтүстік Кореяға мұнай тасымалдау тәулігіне 2,2 млн баррельге дейін қысқарған.

Бірақ орыс мұнайы мен газын Үндістан, Қытай, Түркия және басқа елдерге тасымалдау Ресейдің ішкі мәселесін біраз жеңілдеткен.

Еуроодақ 2022 жылдың 5 желтоқсанынан бастап Ресей мұнайы импортын барынша қысқартпақ. Одан кейін екі айдан соң мұнай алуды толық тоқтатады.

"Ресей күніне 2,3 млн баррель өндіретін мұнай өнімдеріне "жаңа үй" табуына тура келеді", - деп атап өткен ХЭА.

Еуроодақ Ресейге Украина аумағына басып кіргеннен кейін, алты айдың ішінде жеті пакет санкция салды. Бірақ олардың бірінде газға эмбарго салынбаған. Бірақ Ресейдің өзі бірқатар Еуроодақ елдеріне газ жіберуді тоқтатты. Енді кейбір мемлекеттердің өзі бас тартты.

ПІКІРЛЕР

XS
SM
MD
LG