Сириядан оралған әйел ДАИШ-ке қосылғанына өкінеді
"Жусан-2" арнайы операциясы кезінде Қазақстанның арнайы қызметі елге жеткізген келіншек Сириядағы ДАИШ тобының («Ислам мемлекеті» экстремистік ұйымы) қол астында болған алты жылы туралы ойламауға тырысады. Үлкені биыл алты жасқа толатын екі ұлдың анасын төркін жұрты қуана қарсы алған. Тілшіміз Жаңагүл Жүрсіннің мақаласын оқи отырыңыз.
Қырымбек Көшербаевтың уәделері мен образдары
2019 жылы алдымен президент әкімшілігінің жетекшісі болған, кейін мемлекеттік хатшылыққа тағайындалған Қырымбек Көшербаевтың саяси портреті - сайтымызда ең көп оқылған мақаланың бірі.
"Назарбаев, кет" деп айғайлаған адамды полиция ұстады
22 наурызда Наурыз мерекесі күні Алматыда халық билікке қарсы наразылыққа шықты. Осы күні полиция жүздеген адамды ұстады. Наразылық шарасынан түсірілген Азаттық сюжеті - ең көп көрілген видео.
Қажыгелдин мен Рысқалиев қатысқан жиында не талқыланды?
Мамырдың 20-21 күндері Парижде өткен конференцияда Қазақстандағы қоғамдық-саяси жағдай талқыланды. Жиынға бір топ қазақстандық белсенді және қазір Еуропада тұрып жатқан бұрынғы премьер-министр Әкежан Қажыгелдин мен Атырау облысының бұрынғы әкімі Бергей Рысқалиев қатысты. Жиынға барған Ермұрат Бапи Парижде қандай мәселелер талқыланғанын Азаттыққа айтып берген еді.
"Қару ескірген сайын қауіпті". Сарапшылар Арыстағы жарылыс жайлы
Маусымның 24-і күні Түркістан облысы Арыс қаласындағы әскери қоймада қару-жарақ пен оқ-дәрі жарылып, төрт адам қаза тапты. Жүзден астам адам зардап шекті. Азаттық тілшісі сөйлескен әскери сарапшылар Арыстағы қоймада совет заманынан қалған қару сақталғанын айтады.
Әкежан Қажыгелдин: "Назарбаев менен кешірім сұрады"
1994-1997 жылдары Қазақстан премьер-министрі болып, 1998 жылы елден кеткен Әкежан Қажыгелдин Азаттыққа берген сұхбатында шетелде бірнеше рет Қазақстанның экс-президенті Нұрсұлтан Назарбаевпен кездескенін айтты.
Қария мен теңіз
2019 жылы Азаттық тілшісі Асылхан Мамашұлы көрерменге "Қария мен теңіз" атты фильмін ұсынды. Фильмде Арал теңізінің шағын бөлігі - Кіші Аралдың тола бастағаны сөз болады. 1950 жылдары Арал теңізінде балық аулаған қария Өмірзақ Оспанов теңіздің тартылғанын да, балықшылардың кәсібін тастап, өзге өңірлерге көшкенін де көрген. Арал ауданы Бөген және Қарашалаң ауылы балықшыларының тыныс-тіршілігі, Кіші Аралды Үлкен Аралдан бөліп тұрған Көкарал бөгетінің бүгінгі күйі – фильмнің негізгі тақырыбы.
"Томирис" фильмі қоғамды әйел басшыға дайындау ма?
Қазақстанда ежелгі көшпелі тайпалардың патшайымы туралы "Томирис" фильмі жарық көрді. Кинотуынды продюсері - бұрынғы президент Нұрсұлтан Назарбаевтың кенже қызы. "Фильм қоғамдық сананы әйел басшының билікке келуіне дайындап жатыр" деген пікір де бар. Киносыншылардың бірі фильмді бұрынғы мемлекет басшысының үлкен қызының "сайлауалды ролигі" деп атады.
Күй-тартыс. Қазақ күйлерін қаншалықты білесіз?
Осы жылы Азаттық өздеріңізге түрлі тест тапсырмаларын ұсынып отырды. Оқырман тарапынан көп шешілген тестіміздің бірі - Күй-тартыс.
Сынақ. Полигон маңындағы өмір
Азаттық Қазақстан аумағындағы Ресей жалға алған әскери сынақ полигондарының маңында тұратын жандардың өмірі жайлы деректі фильм ұсынады. Ресей Қазақстаннан аумағы 86 мың шаршы километрді құрайтын үш полигонды жалға алған. Бұл Австрияның жер көлемінен үлкен. Ресей үш полигонды жалға алғаны үшін Қазақстанға жылына 20 млн доллар төлейді. Ал полигон аумағында тұратын адамдар мемлекеттен айына 10 еуро жәрдемақы алады.
ПІКІРЛЕР