Қазақстанда тағы төрт адам коронавирустан қайтыс болды. Барлығы 60 жастан асқан
Қазақстан денсаулық сақтау министрлігі Қарағанды облысында 62 жасқа шыққан ер адам, Павлодар облысында 63 жасқа шыққан әйел адам, Нұр-Сұлтан қаласында 76 жасқа шыққан әйел адам, Шымкент қаласында 70 жасқа шыққан әйел адам коронавирустан қайтыс болды деп мәлімдеді.
Министрліктің ақпаратынша, өлім-жітімдерді зерттеу жөніндегі комиссия үш марқұмның өлімін коронавирус инфекциясынан қайтыс болған деген шешім қабылдады.
- Алматы қаласы – 10
- Шымкент қаласы – 10
- Нұр-Сұлтан қаласы – 9
- Қарағанды облысы – 5
- Павлодар облысы – 5
- Ақмола облысы – 4
- Атырау облысы – 2
- Қостанай облысы – 2
- Шығыс Қазақстан облысы – 1
- Жамбыл облысы – 1
- Батыс Қазақстан облысы – 1
- Маңғыстау облысы – 1
- Түркістан облысы – 1
- Авторы: Нұргүл ТАПАЕВА
Қазақстанда коронавирустан көз жұмғандар көбейіп барады
Қазақстанда карантин шектеулері жеңілдетіліп жатқанда коронавирус құрбандары көбейіп барады. Кейінгі төрт тәулікте он адам қайтыс болды. Денсаулық сақтау министрі ахуалға байланысты арнайы мәлімдеме жасады. Тұрғындар "билік ақпаратты жасырады" дейді.
- Авторы: Манас ҚАЙЫРТАЙҰЛЫ
Демалысқа барғыңыз келе ме? Коронавирус тестін тапсырыңыз
Қазақстан екі жарым ай карантинде шығынға батқан саланың бірі – туризм. Ел ішінде саяхат ұйымдастыратын компания жетекшісі туроператорлар жұмысы тоқырағанын айтады. Ал Шығыс Қазақстанда курорт аумағына демалысқа бару үшін коронавирус тестін тапсыру қажет.
Денсаулық сақтау министрі карантин кезінде жұрттың митингіге шыққанынан қарсы
Қазақстан денсаулық сақтау министрі Елжан Біртанов 4 маусымда өткен онлайн брифингте жұртты карантин кезінде митингіге шықпауға шақырды.
"Карантин кезінде жұрт көп жиналатын шараларға тыйым салынады. Бұл адамдар үшін қауіпті. Заңды сақтау керек. Пандемия кезінде, эпидемия кезінде бас санитарлық дәрігердің қаулысын сақтау керек. Митинг ұйымдастырушыларға айтарым, мұндай шараларды кейінге шегере тұрған дұрыс. Митинг вирустың жаппай тарауына әсер етеді. Біз бұған қарсымыз" деді министр.
Қазақстан билігін сынаушы, шетелде тұратын оппозициялық саясаткер, "Қазақстанның демократиялық таңдауы" қозғалысының жетекшісі Мұхтар Әблязов пен "Қазақстанның демократиялық партиясын" құрғысы келетін бастамашыл топтың жетекшісі, саясаткер Жанболат Мамай жұртты 6 маусымға билікке қарсы митингіге шақырған.
Әблязов құрған "Қазақстанның демократиялық таңдауы" қозғалысы 2018 жылы елде "экстремистік ұйым" деп танылып, қызметіне тыйым салынған. Ал Әблязов Қазақстан сотының шешімімен келіспейді. Еуропарламент 2019 жылғы наурыздағы резолюциясында ҚДТ-ны "бейбіт оппозициялық қозғалыс" деп атаған.
Мұхтар Әблязовқа Қазақстанда "ақша жымқыру", "қылмыстық топ құру", "адам өлтіруді ұйымдастыру" сияқты бірнеше баппен екі рет сырттай сотталды. Әблязов Қазақстан билігі таққан айыптың бәрін жоққа шығарып, "билікке оппозиция болғаным үшін өш алғысы келеді" деп санайды.
Ал Жанболат Мамай бастаған белсенділер елде "Демократиялық партия" құрғысы келген. Бірақ Мамай билік тарапынан қысымға шағымданған. Биыл ақпанда бастамашыл топ "партияның құрылтай съезін өткізуге билік кедергі жасап, съезге келетін делегаттарды жолдан алып қалды" деп мәлімдеген.
Құқық қорғаушылар елде ықтимал митинг қарсаңында белсенділер қамалып, митинг болады деп белгіленген орындардың қоршауға алынатыны әдетке айналған. Бұл жолы да Қазақстанның түрлі аймағында бірнеше белсенді жазаланды.