"Формула-1" автожарысының бірнеше дүркін чемпионы Михаэль Шумахер желтоқсанның 29-ы күні Францияның Гренобль қаласында шаңғы теуіп жүргенде құлап, бас сүйегін зақымдап алған. Шумахерге шұғыл операция жасалды.
"Шумахер Гренобль ауруханасына жексенбі күні таңертең шаңғыдан құлағаннан кейін жергілікті уақытпен сағат 12:40-та түскен. Ол есінен танып қалып, бас-сүйегі зақымданған. Оның ахуалы сол күйінше мүшкіл" деп хабарлады аурухана өкілі Жан-Марк Гренье журналистерге.
Жексенбі күні таңертең Шумахер Альпі тауының Франция бөлігіндегі Мерибель шаңғы курортының трассаларының бірімен төмен сырғанап келе жатқан кезде құлаған. Ол басымен тасқа соғылып, бас сүйегін қатты зақымдап алған. Құтқарушылар оған сегіз минут өткен соң жеткен. Спортшы әуелі есін білгенімен, көп ұзамай есінен танып қалған.
Курорт әкімшілігі өкілдерінің айтуынша, төтенше оқиға болған кезде әйгілі спортшының 14 жастағы ұлы жанында болған. Спортшының менеджері Шумахердің шлем киіп шаңғы тепкенін айтады.
Ауруханада жатқан спортшыны әйелі мен екі баласы, халықаралық көлік федерациясының президенті Жан Тодт күзетіп отыр.
Михаэль Шумахер бұған дейін 2009 жылы Испанияда мотоцикл авариясына ұшырап, мойны мен белін жарақаттаған еді. Ол 2006 жылы спорттан кетіп, 2010 жылы қайта оралып, "Мерседес" командасы үшін бірнеше рет жарысқа қатысты. 2012 жылдың аяғында екінші рет отставкаға кетті.
Шумахер "Формула-1" жарысының ең табысты спортшысы ретінде саналады.
"Шумахер Гренобль ауруханасына жексенбі күні таңертең шаңғыдан құлағаннан кейін жергілікті уақытпен сағат 12:40-та түскен. Ол есінен танып қалып, бас-сүйегі зақымданған. Оның ахуалы сол күйінше мүшкіл" деп хабарлады аурухана өкілі Жан-Марк Гренье журналистерге.
Жексенбі күні таңертең Шумахер Альпі тауының Франция бөлігіндегі Мерибель шаңғы курортының трассаларының бірімен төмен сырғанап келе жатқан кезде құлаған. Ол басымен тасқа соғылып, бас сүйегін қатты зақымдап алған. Құтқарушылар оған сегіз минут өткен соң жеткен. Спортшы әуелі есін білгенімен, көп ұзамай есінен танып қалған.
Курорт әкімшілігі өкілдерінің айтуынша, төтенше оқиға болған кезде әйгілі спортшының 14 жастағы ұлы жанында болған. Спортшының менеджері Шумахердің шлем киіп шаңғы тепкенін айтады.
Ауруханада жатқан спортшыны әйелі мен екі баласы, халықаралық көлік федерациясының президенті Жан Тодт күзетіп отыр.
Михаэль Шумахер бұған дейін 2009 жылы Испанияда мотоцикл авариясына ұшырап, мойны мен белін жарақаттаған еді. Ол 2006 жылы спорттан кетіп, 2010 жылы қайта оралып, "Мерседес" командасы үшін бірнеше рет жарысқа қатысты. 2012 жылдың аяғында екінші рет отставкаға кетті.
Шумахер "Формула-1" жарысының ең табысты спортшысы ретінде саналады.
