Амангелді КЕҢШІЛІКҰЛЫ

шілде 05, 2005

Ыстықкөлде Қазақстан президенті Нұрсұлтан Назарбаевтың ескерткіші ашылды

Жаз маусымы басталасымен-ақ мыңдаған қазақстандықтардың өз демалыстарын өткізе бастайтындығы белгілі. Орташа табысы бар қазақстандықтардың арасында көршілес Қырғызстандағы Ыстықкөлдің жағалауына барып демалатындар да аз емес. Алайда, сарапшылардың мәліметтеріне жүгінсек, Қырғызстанда биыл көктемде болған саяси сілкіністен соң, Ыстықкөлге баратын қазақстандық туристердің саны күрт азайып кетіпті. Осы жайтқа орай Қырғызстан өкілдері Алматыға арнайы ат басын тіреп, Қазақстан азаматтарын Ыстықкөл жағалауында демалуға үгіттеді.

шілде 04, 2005

Алматы полициясы “Әділетті Қазақстан” қозғалысының белсендісі Маржан Аспандиярованы заң орнына мәжбүрлеп апармақ болды

Шілденің 4-күні таңертең “Әділетті Қазақстан” қозғалысының белсендісі, қазақстандық оппозиция өкілдерінің бірі Маржан Аспандиярованы заң орындары жауапқа тартпақ болған. Осы оқиғаның куәгерлерінің айтуынша, құқық қорғау орындарының қызметкерлері Маржан Аспандиярованы өз үйінен күшпен алып кетуге әрекет жасаған.

шілде 02, 2005

Баспасөзге шолу. 07.02.2005 жыл

Апта соңында жарық көрген тәуелсіз басылымдар “Наурыз банктің” басшысы Оразалы Ержановтың “Время” газетіне берген сұхбатын көшіріп басыпты. Сондай-ақ, мерзімді басылымдарда шілденің бірінен бастап Қазақстандағы барлық зейнеткерлердің зейнетақысына 3 мың теңге қосылып, бюджеттік мекемелер мен мемлекеттік қызметшілердің айлығының 32 процентке көтерілгендігіне байланысты мақалалар жарық көріпті.

шілде 01, 2005

Суретші Еркін Нұразханның “Кімге күлеміз” атты сатиралық сурет альбомының тұсаукесері өтті

Шілденің 1 күні Алматы қаласындағы Әбілхан Қастеев атындағы Мемлекеттік Өнер мұражайында карикатурист-суретші Еркін Нұразханның “Кімге күлеміз” атты сатиралық сурет альбомының тұсаукесері болып өтті. Еркін Нұразханның бұл альбомында оның салған үш жүзге жуық суреті топтастырылыпты.

маусым 30, 2005

Баспасөзге шолу. 06.30.2005 жыл

Бейсенбі күнгі жарық көрген басылымдарда Қазақстанда президент сайлауының қашан өтетіндігінің әлі анықталмай отырғандығы және осы саяси науқанның алдында базардағы бағалардың көтеріліп кеткендігі хабарланыпты. Ал, кейбір оппозициялық бағыттағы басылымдарда билік ауысқан жағдайда, Қазақстандағы саяси ахуалдың қалай дамуы мүмкін екендігіне қатысты сараптама жасалыныпты.

маусым 29, 2005

Баспасөзге шолу. 06.24.2005 жыл

Сәрсенбі күні жарық көрген басылымдарда республикадағы табыс көзінің мөлшері басқа елдермен салыстырғанда анағұрлым жоғары болғандықтан, Қазақстанға заңсыз жолмен келушілердің санының да артып бара жатқандығы айтылыпты. Сондай-ақ сәрсенбі күнгі жарық көрген басылымдарда Қазақстанға келіп жұмыс істеп жатқан шет елдің компаниялардың, 3,5 мың рет еңбек туралы заңнаманы бұзғандығы туралы дерек айтылыпты.

маусым 28, 2005

Қазақстанда тәуелсіз журналистика бар ма?

28 маусым - Қазақстанда баспасөз күні ретінде аталып өтті. Осыған орай 28 маусымда Қазақстан журналистер Одағы 2005 жылғы республикадағы шығармашылық жұмыстардың нәтижесін қорытындылай келе, бірқатар журналистерге Қазақстан журналистер сыйлығының лауреаты атағын берді.

маусым 27, 2005

Президент сайлауынан кейін Қазақстанда жағдай қалай өрбімек?

Маусымның 27-күні Қазақстандағы кейбір саяси партиялар мен қоғамдық ұйымдардың өкілдері, егер де алдағы президент сайлауы әділетсіз өтсе, оның ақыры Қазақстанда үлкен саяси дағдарысқа әкеліп соқтыруы мүмкін екенін мәлімдеді.

маусым 25, 2005

Баспасөзге шолу. 25 маусым 2005 жыл

“Алматы Пауэр Консалитед” акционерлік қоғамының төңірегінде қалыптасқан ахуал апта соңында жарық көрген басылымдардың баса назар аударған тақырыбына айналып отыр. Мерзімді басылымдарда келтірілген мәліметтерге жүгінсек, бүгінгі таңда бұл компанияның кредиторлық қарызы 19 миллиард теңгені құрайды екен.

маусым 24, 2005

Баспасөзге шолу. 24 маусым 2005 жыл

Мерзімді басылымдар Қазақстанда баспасөз күнінің осымен тоғызыншы рет жаңаша тойланып жатқандығына тоқталса, оппозициялық газеттер Қазақстан тәуелсіздік алғанымен ресми билікке қарсы келетін басылымдар мен журналистердің қудалауға ұшырайтындығына тоқталыпты.

маусым 23, 2005

Баспасөзге шолу. 23 маусым 2005 жыл

Бейсенбі күнгі газеттерде алдағы президент сайлауының қашан өтетіндігі туралы түсінбестіктің туындап отырғандығы айтылыпты. Оппозициялық басылымдарда “Нұрсұлтан Назарбаевтың алдағы президент сайлауына қатысуға қақысы бар ма?” деген сауал қойылыпты.

маусым 22, 2005

Баспасөзге шолу. 22 маусым 2005 жыл

Сәрсенбі күнгі газеттер осыдан 64 жыл бұрын басталған совет-герман соғысы тақырыбына айрықша тоқталыпты. Қырғызстанда болып жатқан оқиғалар мен президент Нұрсұлтан Назарбаевтың Атырау облысына жасаған екі күндік сапары да мерзімді басылымдардың назарынан тыс қалмапты.

маусым 21, 2005

Баспасөзге шолу. 21 маусым 2005 жыл

Газеттерде алдағы президенттік сайлаудың қашан өтетіндігі туралы сөз болыпты. Оппозициялық басылымдар Орталық сайлау комиссиясының төрағасы Оңалсын Жұмабековтың президент сайлауы 2006 жылдың желтоқсанында өтеді деген пікіріне күдік келтіріп отыр.

мамыр 28, 2005

Баспасөзге шолу. 28 мамыр 2005 жыл

Оппозициялық басылымдар алдағы президенттік сайлаудың әділ өтетіндігіне күмән келтіріпті. Саясаткер Болат Әбілов егер алдағы президент сайлауы әділетсіз өтсе, Қазақстандағы біріккен оппозицияның халықты алаңға алып шығатындығына уәде беріпті.

мамыр 27, 2005

Баспасөзге шолу. 27 мамыр 2005 жыл

Жұма күнгі газеттерде жабылып қалған “Республика. Деловое обозрение” басылымына қатысты және жастар туралы мақалалар басылыпты.

мамыр 26, 2005

Баспасөзге шолу. 26 мамыр 2005 жыл

Бейсенбі күнгі газеттер АҚШ президенті Джордж Буштың Кавказ бен Орталық Азия елдерін елеулі өзгерістер күтіп отырғандығы туралы өз ойын білдіргендігін жазыпты. Сондай-ақ, саясаткер Алтынбек Сәрсенбайұлының «Асар» партиясының төрайымы Дариға Назарбаеваға жазған ашық хаты жарияланыпты.

мамыр 24, 2005

Баспасөзге шолу. 24 мамыр 2005 жыл

Сейсенбі күні жарық көрген басылымдарда Қазақстандағы адам құқығына байланысты мақалалар жарық көріпті.

мамыр 21, 2005

Баспасөзге шолу. 21 мамыр 2005 жыл

Апта соңында шыққан тәуелсіз газеттер Өзбекстанда болған оқиғаға Қазақстан президенті Нұрсұлтан Назарбаевтың әлі өз бағасын бермегендігіне баса назар аударыпты. Сондай-ақ, басылымдар өзбек президенті Ислам Кәрімовтың Әндіжандағы оқиғаға орай БҰҰ бас хатшысы Кофи Аннанмен телефон арқылы сөйлескендігін хабарлапты.

мамыр 20, 2005

Баспасөзге шолу. 20 мамыр 2005 жыл

Саясаткер Болат Әбілов жұма күнгі жарық көрген тәуелсіз басылымдардың негізгі қаһарманына айналды. Әбілов президент Назарбаевтың атына жолдаған ашық хатында ел басшысының ықпалымен Қазақстанда отбасылық экономиканың құрылып, оның тек бизнеске ғана емес, сонымен қатар бүкіл Қазақстан қоғамына кері әсерін тигізіп отырғандығы туралы ойын білдіріпті.

мамыр 19, 2005

Баспасөзге шолу. 19 мамыр 2005 жыл

Бейсенбі күнгі басылымдарда Өзбекстан президенті Ислам Кәрімовтың Әндіжанда болған оқиғаны мемлекеттің ішкі ісі деп бағалап, халықаралық тұрғыда тергеу жүргізуге қарсылық білдіргендігі айтылыпты.