Жұлдыз ТӨЛЕУ

2008 жылдан бастап дүниеге келген сәбилерге бір жасқа толғанша әлеуметтік қордан жәрдемақы төленеді

Сәрсенбі күні парламент мәжілісінің депутаттары әлеуметтік қамсыздандыру және еңбек мәселелері бойынша Еңбек кодексіне өзгерістер енгізу жөніндегі заң жобасын мақұлдады. Өзгерістерге сәйкес, келесі жылдың бірінші қаңтарынан бастап жүкті әйелдерге және дүниеге келген сәбилерге бір жасқа толғанша мемлекет есебінен жәрдемақы төленеді. Сонымен бірге ауыр жұмыста істейтін жұмысшылардың еңбек ақыларына қосымша әлеуметтік көмекақы да төленетін болады. Бірақ еңбеккерлердің құқығының бұзылмауын қадағалап отыратын қоғамдық инспекторларды енгізу үкімет тарабынан қолдау таппады.

Қазақстан Батыс Еуропа – Батыс Қытай халықаралық дәлізін қайта жаңғыртуды қолға алмақ

Қазақстан әлемдегі ірі жүк тасымалдаушы мемлекеттердің бірі болып саналады. Мамандардың айтуынша, адам басына шаққанда жылына он жеті, он сегіз тонна жүк шетелдерге тасылады екен. Бірақ Қазақстаннан жөнелтілетін жүктердің жүз пайызы тек шикізат. Ал мұнымен Қазақстан эконоикасына пайда келмейді екен. Сол үшін мамандар Қазақстан өндіруші елге айналуы қажет дейді.

«Қуат» компаниясының жұмысшылары Ақорданың алдына ереуілге шықты

Бейсенбі күні «Қуат град Астана құрылыс» жауапкершілігі шектеулі серіктестігінің екі жүзге тарта жұмысшылары президент резиденциясы Ақорданың жанында ереуілге шықты. Олар үш айдан бері жалақыларын ала алмай жүргендіктерін айтып, Ақордаға баратын үлкен жолды бөгеп тұрып алды. Бұл рұқсат етілмеген ереуіл болса да, Астана тарихында бірінші рет полиция жасақтары жұмысшыларға тиіскен жоқ. Олар үш сағатқа жуық наразылықтарын білдіріп, бейбіт тұрғыда тарқады.

Бюджеттен қосымша бөлінген 4 млрд. доллардың қалай жұмсалатын механизмі әлі күнге дейін айқын емес

Мәжіліс депутаты Аманжан Жамалов үкіметтен үлескерлері бар құрылыс компанияларын тығырықтан шығару үшін бөлінген төрт млрд. доллардың пайдалану механизімін түсіндіріп беруін талап етіп отыр. Оның үстіне үкімет құрылысқа үлескерлердің қатысуына тыйым салса, ал бір Астананың өзінде пәтерлерін уақытында ала алмай жүрген үлескерлер саны қаншама?!

Мәжіліс депутаттары мигранттарға әлеуметтік көмек көрсету жөніндегі ТМД елдері арасындағы келісімді бекітті

Сәрсенбі күні Қазақстан парламенті мәжілісінің депутаттары «Еңбек көші-қоны және еңбекші мигранттарды әлеуметтік қорғау саласындағы ынтымақтастық туралы» ТМД елдері арасындағы келісімді бекітті. Келісім шекара маңында тұратын мигранттардың еңбек қызметін жеңілдетуді көздейді.

Үкімет әлеуметтік және денсаулық салаға бөлінуге тиіс қаржыны қысқарту арқылы банктерге беретін 4 млрд. доллар бермекші

Сәрсенбі күні парламент мәжілісінің депутаттары 2008 жылға арналған республикалық бюджеттің жобасын және биылғы бюджетке өзгерістер енгізу жөніндегі заңның жобасын мақұлдады. Үкімет келесі жылы жалпы ішкі өнімнің өсуі 22 пайыздан асады деп жоспарлап, ең төменгі күнкөріс деңгейі он мың теңге шамасында белгілеп отыр. Ал елдегі банктерді тұрақтандыру үшін биылғы жылдың бюджетіне қосымша төрт млрд. доллар бөлгенімен, кейбір депутаттар ол қаржыны әлеуметтік саланы қысқарту арқылы алғанына наразы.

Қазақстанның төрт саяси партиясы биліктен нанның, азық-түлік бағасын төмендетуін талап етуде

Сәрсенбі күні Астанада «Ақ жол», «Ауыл», «Руханият» және Коммунистік халықтық партияларының жетекшілері Қазақстандағы нан, азық-түлік, қызмет көрсету бағаларының қымбаттауына байланысты мәлімдеме жасады. Олар бағаның күрт қымбаттауы елдің алаңдаушылығы мен наразылығын туғызып отыр деп, бағаны өсіруге қарсы акция бастағанын да жария етті. Төрт партияның жетекшілері елдегі ішкі нарықты реттей алмай отыр деп, биліктің «НұрОтан» партиясын сынға алып, үкіметтің отсавкаға кетуін талап етеміз, дейді. Ал «НұрОтан» партиясының паламентегі өкілдері бағаны үкімет реттейді деген сенімде.

Жұмыссыздар қатарына қосылған экс-депутаттардың дені қайтадан парламент қабырғасынан көрінуге дәмелі

Мерзімінен бұрын таратылған үшінші шақырылымдағы Мәжілістің экс-депутаттарына бірінші шілдеге дейін парламент үйіне еркін кіруге рұқсат берілген. Маусым айының жиырма бірінен бастап жұмыссыздар қатарына қосылған экс депутаттардың дені қайтадан төртінші шақырылымда депутат болуға үмітті. Олардың бірі сайлау науқанына кірісіп кетсе, енді бірі білімдерін жетілдіруге шетелге аттанбақ.

Қазақстан президенті мәжілісті таратып, елде жаңадан парламент сайлауы өтетінін жариялады

Қазақстан президенті Нұрсұлтан Назарбаев сәрсенбі күні «Нұр Отан» партиясының парламенттегі фракциясының отырысында осы партияға мүше депутаттардың үндеуін қабылдап, үшінші шақырылымдағы парламент мәжілісін тарату туралы шешім қабылдағанын жария етті. Сонымен бірге, президент жарлығымен Қазақстанда биылғы жылғы 18 тамызда жаңадан мәжіліс сайлауын өткізу белгіленді.

Парламент мәжілісінің бір топ депутаты президент Назарбаевтан үшінші шақырылымдағы мәжілісті таратуды сұрап отыр

Сейсенбі күні парламенттің бірлескен отырысында президентшіл «Нұр Отан» партиясының мүшесі, мәжіліс депутаты Нұрбах Рүстемов Қазақстан президентінің атына үшінші шақырылымдағы мәжілісті мерзімінен бұрын тарату жөнінде үндеу жариялады. Үндеуге елуге жуық депутат - «Нұр Отан» партиясының мүшелері қол қойыпты. Дүйсенбі күні Конституциялық Кеңестің төрағасы Игор Рогов парламент мәжілісін тек президент ғана тарата алады деген шешім шығарған болатын.

Сенат Жер кодексіне жеке меншіктегі жерді күштеп тартып алуға болмайтын заң өзгерісін енгізді

Маусымның 15-күні Қазақстан парламентінің сенаты, өткен мамыр айының аяғында шыққан Конституциялық Кеңестің қаулысына сәйкес, елде жеке меншіктегі жер телімін сот шешімінен өзге ешкім ала алмайтыны туралы заң өзгерістерін Жер кодексіне енгізіп, оны мәжіліске қайтарды.

Алтынбек Сәрсенбайұлы өлімі және Рахат Әлиев

Конституциялық Кеңестің төрағасы парламент депутаттарына «екі мерзімнен артық президент сайлауына түсуге болмайды» деген талапты мүлдем алып тастау жөнінде ұсыныс білдіргендігін айтады

Конституциялық Кеңестің төрағасы Игор Рогов сәрсенбі күні Парламент Сенатында өткен «Конституциялық реформа және Қазақстанда демократиялық үдерістердің тереңдей түсуі» деген тақырыптағы конференциядан кейін, «Азаттық» радиосының тілшісіне берген сұхбатында, Конституцияның 42-бабындағы тұңғыш президентке қатысты өзгерістерге байланысты «мен парламент депутаттарына екі мерзімнен артық президент сайлауына түсуге болмайды деген талапты мүлдем алып тастау жөнінде ұсыныс білдіргем, бірақ депутаттар оны тек бірінші президентке ғана рұқсат берді», деді. Ал жиында сөз алған Жалпыұлттық социал-демократиялық партияның жетекшісі Жармахан Тұқябайдың пікірлерімен Сенат төрағасы Қасым-Жомарт Тоқаев келіспейтіндігін білдірді.

Қазақстанда өндіріс кезінде жарақат алушылардың саны 13,5 пайызға өскен

Сейсенбі күні Парламент Сенаты «Құрылыстағы еңбек қауіпсіздігі мен еңбек гигиенасы туралы 167- конвенцияны ратификациялау туралы» Келісімді бекітті. Қазақстан аталған конвенцияны бекіткеннен кейін еңбек қауіпсіздігі туралы халықаралық шартқа сәйкес жұмыс істеуі қажет. Осыған дейін Қазақстандағы Еңбек Кодексіне сәйкес, жұмысшылардың қауіпсіздігіне арадағы делдал компаниялар жауап беретін. Енді бас компаниялардың өзі қарапайым жұмысшылардың қауіпсіздігін қадағалайтын болады.

Қазақстан парламенті президент Н.Назарбаевтың билік басында мәңгілік отыруына мүмкіндік беретін заң қабылдады

Жұма күні Парламенттің бірлескен отырысында депутаттар Конституцияға өзгерістер мен толықтырулар енгізу жөніндегі конституциялық заңның жобасын тұтастай екінші оқылымда қабылдады. Конституциялық жоба президентке қол қоюға жіберілді. Конституцияға президент енгізген өзгерістерден басқа депутаттар «Қазақстанның тұңғыш президентіне сайлауға түсу құқығы шектелмейді» деген бап енгізді. Мұны комиссия бір ауыздан қолдаған. Ал жалпы конституциялық заңның жобасына екі-ақ адам қарсы болып, бір адам дауыс бермеді.

Конституцияға енгізілетін өзгерістер парламенттің құзырын күшейте ме?

Конституцияға, керісінше, президент билігін үстемдей түсетін баптар енгізілгелі отыр, – дейді Мәжіліс депутаты Болат Әбішов. Қазақстан президентінің сейсенбі күнгі парламентке ұсынған «Конституцияға өзгерістер мен толықтырулар енгізу жөніндегі конституциялық заңының» жобасын қолдарына алған депутат оны жіті қарап шыққаннан соң, осындай қорытынды жасап отыр. Мысалы, әлгі өзгерістерге сәйкес, президент кез-келген уақытта Үкімет басшысы немесе спикерлермен кеңескеннен кейін парламентті таратуға құқылы. Сонымен бірге қазіргі қолданыстағы Конституция бойынша, президент Орталық сайлау комиссиясының төрағасының кандидатурасын ұсынатын болса, енді оны кез-келген уақытта өзі тағайындап, өзі қызметінен босата алады екен.

Парламенттің төменгі палатасы таратылуы мүмкін бе?

Президенттің қатысуымен өтетін парламенттің бірлескен отырыстарына Қазақстанның Үкіметтің емес ұйымдары, саяси партиялардың өкілдері және Елшілерді шақыру дәстүрге айналып келеді. Сарапшылар мұны демократияға бетбұрыс деп бағалап отыр. Ал сейсенбі күнгі президенттің Конституцияға енгізіп отырған өзгерістері мен толықтырулары парламенттің төменгі палатасын таратуға әкеледі дейді сарапшылар. Демек Қазақстан халқын тағы да парламент сайлауы күтіп тұр. Мәжіліс сайлауына Қызылорда облысынан түскен Тоқтар Әубәкіров президент енгізіп отырған пропорционалды сайлау жүйесі Қазақстанға әлі ерте екенін айтады. Ол мажоритарлы сайлау жүйесі Қазақстанда қалу керек деп есептейді:

Қазақстанның Негізгі заңына өзгертулер енгізілмек

Сәрсенбі күні Астанада Қазақстан Парламентінің бірлескен отырысында Мемлекет басшысы Нұрсұлтан Назарбаев Қазақстан Конституциясына өзгерістер мен толықтырулар енгізу жөніндегі конституциялық заңының жобасын ұсынды. Қазақстан қоғамында көптеген күткен бұл оқиғаның басты жаңалығы Мемлекет басшысы президент мерзімін жеті жылдан бес жылға азайтуды ұсынды. Қазақстан басшысы ұсынған өзгерістер Қазақстан парламентіне президенттің біршама құзыретін бергенімен Нұрсұлтан Әбішұлы Қазақстан президенттік басқарудағы мемлекет болып қала беретіндігін айтты.

«Ақ жол» партиясы мен «Әділет» партиясы сайлау блогын құру туралы мәлімдеді

Сейсенбі күні Астанада «Ақ жол» партиясының төрағасы Әлихан Бәйменов пен «Әділет» демократиялық партиясының төрағасы Мақсұт Нәрікбаев алдағы өткізілетін сайлауларда бірігу үшін – «Ақ жол» демократиялық және әділеттілік сайлау блогын құратындығын мәлімдеді. 2005 жылғы президент сайлауы кезінде президент Нұрсұлтан Назарбаевты қолдау блогына қосылған Мақсұт Нәрікбаев енді алдағы сайлаулар алдында президент төрағалық ететін «НұрОтан» партиясын істері коррупцияға айналып жатыр деп айыптады.

Қазақстан алдағы уақытта мұнай өндіру көлемін 80 млрд. тоннаға дейін өсірмек

«Шығыс Қазақстан облысында үлкен мұнай кеніші табылуы мүмкін». Осылай деп дүйсенбі күні Парламент Мәжілісінде Қазақстанның Энергетика және минералды ресурстар министрі Бақтықожа Ізмұхаммедов мәлімдеді. Өйткені Шығыс Қазақстан облысының іргесінде қытай елінің ірі Қарамай мұнай кен орны бар. Энергетика министрі сонымен бірге «Егер Түркіменстанның газын Қытайға тасымалдау жобасы жүзеге асатын болса, Қазақстанның оңтүстік өңірі толығымен газбен қамтамасыз етілетін болады», – деді.