Accessibility links

Қазақстанға қандай латын әліпбиі қажет?


Лингвист Жанат Аймағанов әзірлеген ABCnet жобасы.latin_alphabet/24

AzattyqLIVE хабарында Ахмет Байтұрсынов атындағы тіл білімі институты директорының орынбасары Анар Фазылжанова мен латын әліпбиінің өзіндік нұсқасын жасап ұсынушылардың бірі, филолог Арман Байқадам латын әліпбиіне көшу мәселесін талқылады.

Қазақстан президенті Нұрсұлтан Назарбаев биыл сәуірде "2025 жылға дейін Қазақстан латын әліпбиіне көшуі тиіс" деп мәлімдеген болатын. Білім және ғылым министрі Ерлан Сағадиев биылғы жылдың соңына дейін латын әліпбиінің нұсқасы дайындау үшін арнайы комиссия құрылғаны туралы айтқан.

"Биылғы жылы көңілге қонымды барлық әріпті қабылдау қажет. Бірнеше нұсқа әзірлеп, оны талқылаймыз. Содан кейін латынға көшу жұмыстарының жоспарын түзу керек", - деген министр.

Сонымен бірге Қазақстанда қоғамдық белсенділер, филолог ғалымдар өз бастамаларымен әзірлеген латын әліпбиінің бірнеше нұсқасын ұсынып, түрлі ой-пікірлерін ортаға салып жүр.

Латын әліпбиінің нұсқасы қандай болуы қажет? Латындағы 26 таңба аясындағы әліпби қажет пе, әлде қосымша таңбалар жасалғаны жөн бе? Таңбаларға ноқаттар, өзге қосымша белгілер енгізу дұрыс па? Дыбыстар дәл берілуі үшін нені ескерген жөн? Әліпби авторлары арасындағы басты принципті қайшылықтар неде?

AzattyqLIVE хабарына ​Ахмет Байтұрсынов атындағы тіл білімі институты директорының орынбасары Анар Фазылжанова мен латын әліпбиінің өзіндік нұсқасын жасап ұсынушылардың бірі, филолог Арман Байқадам қатысты.

  • 16x9 Image

    Қасым АМАНЖОЛ

    Қасым Аманжол – Азаттық радиосының тв-продюсері. 1977 жылы Шығыс Қазақстан облысында туған. Әл-Фараби атындағы Қазақ ұлттық университетінің журналистика факультетін, Жүргенов атындағы Өнер академиясының кино және телевидение факультетін аяқтаған. 20 жылдан астам Қазақстанның телевизия саласында істеп келеді. Авторлық бағдарламалардың, деректі фильмдердің авторы. «Шынның жүзі» сұхбаттар циклын, «Анық Абай» деректі сериалын, саясаткер Алтынбек Сәрсенбайұлы жайлы фильмдерді, 2014 жылы Шығыс Украинадағы соғыс пен Қырым туралы фильмдер түсірген. 2015 жылдан бері Азаттықта тікелей эфирлер жүргізіп, тележобалар жасайды. Телетоптың жұмысына продюсерлік істейді.

Пікірлерді көріңіз (4)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG