Жұлдыз ТӨЛЕУ

Авторы: Жұлдыз ТӨЛЕУ

• қыркүйек 21, 2006

  Сауат Мыңбаев: «Мен шын мәнінде жоғары жалақы алатын адаммын»

  «Жұмыс істей бастағанына үш айдың жүзі болған «Самрұқ» мемлекеттік холдингінің басшылары 34 мың доллар жалақы алады». Осылай деп Қауіпсіздік Кеңесінің отырысында Қазақстан басшысы Нұрсұлтан Назарбаев ұлттық компания басшыларын сынға алған болатын. Ал бейсенбі күні кешкісін «Самрұқ» мемлекеттік холдингінің басқарма басшысы Сауат Мыңбаев Парламент депутаттарының алдында үш айда атқарған жұмыстары жөнінде есеп берді. «Самрұқтың» төрағасы «Мен шынында жоғары жалақы алатын адаммын. Бірақ дәл президент айтқандай 34 мың доллар алмаймын», деді.

• қыркүйек 20, 2006

  Балалардың ВИЧ-дертіне шалдығуынан соң, министр мен облыс әкімін қызметінен алу жөнінде Мәжіліс депутаттарының пікірі қарама-қайшы

  Парламент мәжілісі депутаттарының басым бөлігі Оңтүстік Қазақстан облысындағы 60-қа жуық сәбидің қан құю салдарынан қорғаныш тапшылығының қоздырғышы індетін жұқтыруына байланысты қыркүйектің 20-күні президентке Үндеу жолдаудан бас тартты. Бұған дейін депутаттар - Мәжілістің өткен жолғы жалпы отырысында - осы жолы бір ауыздан Үндеу жолдаймыз деп келіскен-тін. Ал Оңтүстік Қазақстан облысынан сайланған он шақты депутат болса облыс әкімі болған Болат Жылқышиевке араша түсуге тырысты. Денсаулық минитсрі Е.Досаев пен ОҚО әкімі Б.Жылқышиев қыркүйектің 20-күні қызметінен алынды.

• қыркүйек 18, 2006

  Оңтүстік Қазақстан облысында ВИЧ індетін жұқтырған балалар қатары күн өткен сайын ұлғая түсуде

  Оңтүстік Қазақстан облысында қан құю салдарынан қорғаныш тапшылығының қоздырғышы індетін жұқтырған сәбилердің саны – 55 ке жетті. Осылай деп Қазақстанның Денсаулық сақтау министрі Ерболат Досаев хабарлады. Ал Парламент депутаттарының Денсаулық сақтау министрі қызметінен кетсін деген талаптарына Ерболат Досаевтың өзі «бұл мәселені тек Қазақстан басшысы ғана шешеді, ол не айтады, соны орындаймын», – деп жауап қайтарды БАҚ өкілдеріне.

• қыркүйек 14, 2006

  Алматыны қаржы орталығына айналдыру жұмыстары басталып кетті

  Қазақстан президентінің 2006 жылғы бірінші ақпанындағы жарлығымен Алматы қаласының аймақтық қаржы орталығы қызметін басқару жөніндегі республикалық агенттік құрылған болатын. Агенттік төрағасы Әркен Арыстанов ақпан-тамыз айларындағы атқарылған жұмыстары барысымен бұқаралық ақпарат құралдары өкілдеріне таныстырды. Қаржы ортылығын құруға байланысты 2006 жылғы республикалық бюджеттен бір жарым млрд. теңге бөлінген болатын. Алматы қаласының аймақтық қаржы ортылығы қызметін басқару жөніндегі агенттіктің төрағасы Әркен Арыстановтың айтуынша, мемлекет қазынасынан бөлінген ақшаның үштен екісі ғимарат алуға және ұйымдастыру жұмыстарына жұмсалынған.

• қыркүйек 14, 2006

  Әлем діндері және дәстүрлі дін жетекшілері екінші рет Астанада бас қосты

  Қыркүйектің 12-күні Астанада таяуда ашылған Бейбітшілік және келісім сарайында әлемдік және дәстүрлі діндер басшыларының ІІ сьезі өтті. Съезді ұйымдастырушылардың мәліметінше, Әлем діндері лидерлерінің құрылтайына 20 елден 43 делегация қатысқан.

• қыркүйек 11, 2006

  Қытайдың Шыңжаң Ұйғыр автономиялық ауданы Қазақстанмен сауда-саттық қарым-қатынас орнатқылары келеді

  Дүйсенбі күні Парламент Мәжілісінің халықаралық істер, қорғаныс және қауіпсіздік жөніндегі комитетінің мүшелері Қытай Халық Республикасы Шыңжаң Ұйғыр автономиялық ауданының саяси кеңесінің мүшелерімен кездесті. Делегацияны төменгі палатаның депутаты, қазақ азаматы Қабыл Оспанұлы бастап келді. Ондағы мақсат 20 млн. халқы бар Шыңжаң ауданы мен Қазақстан арасында сауда-саттық орнату және Шыңжаң кәсіпкерлерінің Қазақстанға кіруіне жол ашу.

• қыркүйек 06, 2006

  Ұлттық теңгенің жаңа бет-бедеріне депутаттар қарсы

  Үстіміздегі жылдың 15- қарашасынан бастап айналымға теңгенің жаңа түрі енбекші. Осыған байланысты Амангелді Айталы, Бекболат Тілеухан және Мұхтар Шаханов бастаған бір топ Мәжіліс депутаттары Ұлттық банктің төрағасы Әнуар Сәйденовтің атына наразылық хат жолдап отыр. Ондағы депутаттардың көтеріп отырған мәселелері «ұлттық теңге неге тек мемлекеттік тіл – қазақ тілінде жазылмайды?». Сонымен бірге депутаттар төл теңгенің бетінен Әл-Фараби бейнесінің жойылуына қарсы екендерін айтады.

• қыркүйек 05, 2006

  АҚШ мемлекеттік хатшысының орынбасары Астанаға іссапармен келмекші

  Үстіміздегі аптаның 8-9 қыркүйек аралығында АҚШ мемлекеттік хатшысының Оңтүстік және Орталық Азия істері жөніндегі көмекшісі Ричард Баучер Астанаға ресми сапармен келмекші. Ресми Астананың мәліметіне қарағанда АҚШ мемлекеттік хатшысы орынбасарының бұл келісінің мақсаты алдағы айлардың бірінде болатын Қазақстан президенті Нұрсұлтан Назарбаевтың АҚШ-қа сапары жөнінде болмақ.

• қыркүйек 02, 2006

  Парламент депутаттары Талдықорғандағы сот шешіміне қатысты әртүрлі көзқараста

  Қазақстан Парламентінің депутаттары тамыздың 31-інде Талдықорған қаласында бұрынғы мемлекеттік шенеунік, кейін оппозицияға кеткен марқұм Алтынбек Сәрсенбайұлы мен оның көмекшілерінің өліміне қатысты сот үкіміне әртүрлі көзқарастарын білдіруде. Бірі – шындықтың беті алда ашылады деп сенсе, енді бірі сот үкімі қатаң болды, бірақ заңды дейді.

• қыркүйек 01, 2006

  Астанада Қазақстан Парламентінің үшінші сессиясы ашылды

  Жұма күні Астанада Үшінші шақырылымдағы Қазақстан Парламентінің үшінші сессиясының ашылу салтанаты өтті. Сессияны Қазақстан президенті Нұрсұлтан Назарбаев ашты. Бұл жолы Мемлекет басшысы депутаттар алдында бір-ақ нәрсені баса айтты. Ол – елде мемлекеттік қызметкерлерді 30 пайызға қысқарту және сапасын жетілдіру. Мемлекет басшысы осы жолы да Қазақстанның 2009 жылы ЕҚЫҰ-на төрағалық етуге мүдделі екенін баса айтқанымен елде жасалар саяси реформалар жөнінде сырт қалды. Бірақ Назарбаев өз сөзінде мемлекеттік шенеуніктердің санын қысқарту арқылы саяси реформаларға жетуге болатынын жоққа шығармады.

• тамыз 23, 2006

  23-тамыз - құл сату құрбандарын еске алу және құлдықты жоюдың халықаралық күні

  Бұл атаулы күнді жыл сайын атап өту туралы шешім ЮНЕСКО атқару кеңесінің 150-сессиясында қабылданған болатын. Сарапшылардың пікірінше, соңғы уақытта Қазақстан адам саудасының құрбандары тасымалданып өтетін транзит елге айналған. Адам саудасымен айналысатын қылмыскерлер көрші Өзбекстан, Қырғызстан елдерінен адамдарды алдап әкеліп Қазақстан арқылы шет мемлекеттерге өткізеді дейді мамандар.

• тамыз 21, 2006

  Қазақстан мен Қытай бірігіп террорлыққа қарсы жаттығу өткізбекші

  Қазақстанның «Экспресс – Қазақстан» ақпарат агенттігінің хабарлауынша, тамыз айының 24-мен 26 аралығында Шанқай Ынтымақтастық Ұйымы шеңберінде Қазақстан мен Қытай мемлекеті арасында террорлыққа қарсы жаттығу өтпекші. Алайда бұл ақпаратты әзірге Қазақстанның Ұлттық қауіпсіздік комитеті растамай отыр. Дегенмен Парламент Мәжілісінің халықаралық істер және қауіпсіздік комитетінің мүшесі, депутат Ерасыл Әбілқасымов Ұйым шеңберінде келісімге сәйкес әскери жаттығулар өткізіп тұру керектігін айтады. Бұл «Америкаға қарсы тұру үшін керек», дейді депутат.

• шілде 14, 2006

  Баспасөзге шолу. 07.14.2006 жыл

  Жұма күні жарық көрген мемлекеттік тілдегі басылымдардың дені Қазақстан басшысы Нұрсұлтан Назарбаевты Ресей президенті Владимир Путиннің Санкт-Петербор қаласында өтетін «үлкен сегіздік» жиынына қонақ ретінде шақыруын «жетелі жетістік» деп бағаласа, ресми орыс тілінде жарық көрген басылымдар шілде түскеннен кейін демалыс орындарының жағдайына мән беріп және қайда барып демалған жөн деген сауалға жауап іздепті.

• шілде 13, 2006

  Баку-Тбилиси-Жейһан мұнай құбырының салтанатты ашылу рәсімі өтті

  Шілденің 13-күні Түркияның Жейһан айлағында Баку-Тбилиси-Жейһан мұнай құбыр желісінің ресми ашылу салтанаты өтті. Салтанатты шараға Түркия президенті Ахмет Нежет Сезер, Әзірбайжан президенті Ильхам Әлиев және Грузия басшысы Михаил Саакашвили қатысты. Сонымен бірге аталмыш шараға Ресей, АҚШ және Қазақстан басшылары да арнайы шақырылған. Биылғы жылдың маусым айында Қазақстан президенті Нұрсұлтан Назарбаев аталған мұнай құбыры арқылы қазақ мұнайын халықаралық базарға тасымалдау жөнінде келісімге қол қойған болатын.

• шілде 12, 2006

  Жол-көлік оқиғасынан зардап шегетіндер саны азаймай отыр

  Ресми деректерге қарағанда жыл сайын Қазақстанда жолаушылар тасымалы көлігі жүргізушілерінің кінәсінен 500-ге тарта жол-көлік оқиғасы орын алады. Соның салдарынан 150-ге жуық жолаушы қаза тауып, кемі 700 адам жарақат алады екен. Ал мамандардың сараптауынша, келеңсіз оқиғалар жол ережесін орындамау, жылдамдықты тиісті деңгейде арттырып, жолдың қарама-ұарсы бөлігіне шығып кетуден туады.

• маусым 29, 2006

  «Отан» партиясының съезінде президентттің саясатын қолдайтын партиялар бірігуі мүмкін бе?

  Шілде айының 4-күні «Отан» партиясының кезектен тыс тоғызыншы съезі өтетіні туралы хабарланып отыр. Өткен аптаның басында президенттің үлкен қызы Дариға Назарбаева елдегі президентшіл саяси күштерді күш біріктіруге шақырған болатын. Қазақстандық сарпашылардың пікірінше, мұның барлығы алда елеулі өзгерістердің болатындығынан хабар береді.

• маусым 28, 2006

  Қазақстан Журналистер Одағының биылғы сыйлығына елдегі оппозициялық басылымның өкілдері де ие болды

  Осыған дейін 28-маусым Қазақстанда журналистер күні ретінде аталып өтілетін. Ал қазір маусым айының соңғы жексенбісі журналистер күні ретінде мерекеленетін болып жүр. Қазақстанның Журналистер Одағы 28-маусым күні қазақстандық қырыққа жуық журналистері төл мерекелерімен құттықтап, сыйлықпен мараппаттады. Оның ішінде оппозициялық баслымның да өкілдері бар. Ал дәл осы күндері Парламент Сенатында елдегі баспасөз туралы заңға түзетулер енгізетін заң жобасы қаралып жатыр. Қоғамда даулы тақырыпқа айналып отырған бұл жоба маусымның 29-күні Сенаттың жалпы отырысында қаралмақшы. Журналистер Одағының төрағасы Сейітқазы Матаевтың айтуынша, қазіргі таңда «екі жарым мыңнан астам журналист президенттің атына хат жолдап, аталған заң жобасына оның вето жариялауын сұрап отыр».

• маусым 27, 2006

  Омбудсмен шетелдік компанияларда Қазақстан азаматының құқығы бұзылып отыр деп есептейді

  ҚР Адам құқықтары жөніндегі өкілетті өкілі Болат Байқадамов шетелдік кәсіпорындарда және шетел қатысатын компанияларда жұмыс істейтін адамдардың құқығын қамтамасыз ету саласындағы ахуалға көңіл аударту мақсатымен Қазақстанның Үкімет басшысы Даниял Ахметовтің атына өтініш білдірді. Адам құқықтарын қорғау жөніндегі ұлттық орталықтың сарапшылары «Омбудсменнің атына келген хаттарда көбінесе шетелдік кәсіпорындарында қолданылатын заңсыз жұмыстан шығару оқиғалары көп» дейді.

• маусым 26, 2006

  Екі компания арасындағы келіспеушілік мемлекеттік деңгейдегі дауға айналып отыр

  «Аэроплан» және «Промстрой-Энерго» компанияларының арасындағы азаматтық-құқықтық келіспеушілік үлкен дауға айналып, оған мемлекеттік деңгейдегі мекемелер араласып отыр. Үстіміздегі жылдың басында жоғарыдағы екі компания арасында сату-сатып алу келіссөздер жүрген. Бірақ «Аэроплан» компанииясы өкілдерінің айтуынша, келіссөздер жүріп, «Промстрой-Энерго» компаниясы «Аэропланнан» Robinson R44 тік ұшағын сатып алып, оларға қаржы аударғаннан кейін, артынша «біз ақша аудардық бірақ бізге ешқандай тік ұшақ берілген жоқ» деп компанияны алаяқтық фактісімен айыптап, сотқа арызданған. Енді бұл іске бас аяғы 12 құқық қорғаушы мекеме араласып жатқан көрінеді.

• маусым 22, 2006

  Британдық сайқымазақ әртіс Борат Сағдиев рөлінде Қазақстан туралы фильм түсіріп жатыр

  Британдық әртіс әрі шоумен Саша Барон Коэннің «Борат» атты толықметражды кинофильмінің жарнамасы таяуда шетелдік телеэкрандарында көрсетіле бастады. Бұл кинофильм американдық прокатқа үстіміздегі жылдың қараша айында түседі деп хабарланып отыр. Британдық әртіс бұл фильмде Қазақстан мемлекеттік телеарнасының журналисі болып ойнайды. Онда оның Америкаға барған сапары суреттеледі екен. Бұған дейін Қазақстан сыртқы істер министрлігі британдық әртістің қылығы Қазақстан туралы теріс түсінік-пікір қалыстырып отыр дегенді айтып, наразылық хат жолдаған болатын.

Тағы