Жұлдыз ТӨЛЕУ

маусым 20, 2006

2005 жылғы бюджет қаржысынан 47 млрд теңге жымқырылған

Маусым айының 20-күні Парламент палаталарының бірлескен отырысында 2005 жылғы республикалық бюджеттің атқарылуы жайында ҚР Үкіметі мен президентке тікелей бағынатын есеп комитетінің есептері тыңдалды. Үкімет 2005 жылғы бюджет 99 пайызға толық орындалды деп отыр. Ал есеп комитетінің есебіне сүйенсек, өткен жылғы бюджет қазынасынан 47 млрд. теңге ұрланса, 50 млрд.тан астам теңге игерілмей қалған. Сарапшылар болса, бюджетті қадағалауды парламентке тікелей бермейінше, мемлекет қазынасынан қыруар қаржы ұрлана береді дейді.

маусым 19, 2006

Дариға Назарбаева президентке қорған болатын жаңа партия құру керек деп есептейді

Маусым айының 19-күні Алматыда өткен «Асар» республикалық партиясының бас қосуында партия төрайымы, президенттің үлкен қызы Дариға Назарбаева қазіргі президентті қолдайтын саяси партияларды күш біріктіруге шақырып, жаңа партия құру қажет деп мәлімдеді.

маусым 07, 2006

Дариға Назарбаева: «Оппозициялық басылымдарды қаржыландыратын Ақорданың маңайындағы адамдар»

Сәрсенбі күні өткен Парламент Мәжілісінің жалпы отырысында «Отан» партиясының мүшелері үкіметтен келіп түскен «Қазақстан Республикасының кейбір заңнамалық актілеріне бұқаралық ақпарат құралдары мәселелері бойынша өзгерістер мен толықтырулар енгізу жөніндегі» заң жобасына қортынды әзірлеуді маусым айының аяғына дейін аяқтау керек деді. Алайда, «Асар» партиясының төрайымы Дариға Назарбаева бастаған топ заң жобасын кері қайтару керек деген мәселе көтерді. Өйткені, аталған заң жобасы Қазақстандағы санаулы оппозициялық басылымды тұншықтыру деп бағалап отыр. Дегенмен заң жобасы жұмысқа қабылданды.

маусым 01, 2006

Мәжіліс депуаты Серік Әбдрахманов: «Енді Транспорт Тауэрдің авторы халық қаһарманы атағын алатын шығар»

Ішкі істер министрлігі қылмыстық кодекске «егер абайсызда адам өліміне, денсаулыққа ауыр немесе орташа зиян келтіруге әкеп соқса, үйлерді, ғимараттарды және автомобиль жолдарын сапасыз салғаны, жөндегені үшін» қылмыстық жауаптылық көздейтін нормалар енгізуді ұсынды. Бұл Парламент Мәжілісінде толықтай мақұлданды. Дегенмен сарапшылар ондай нормалардың басқа да заңдарда бар екенін айтады. Бірақ осы уақытқа дейін сапасыз құрылыс үшін ешкім жазаға тартылған емес деп отыр.

маусым 01, 2006

Алтынбек Сәрсенбайұлының өліміне қатысты қылмыстық істі Алматы облыстық соты қарайтын болды

Маусымның 1-күні Жоғарғы соттың қылмыстық істер жөніндегі алқасының төрағасы Әбдрашит Жүкенов қоғам қайраткері Алтынбек Сәрсенбайұлының өліміне қатысты қылмыстық істі Алматы облыстық соты қарайтын болып шешілді деп мәлімдеді. Алматы облыстық соты бес күннің ішінде сот үдерісінің қашан басталатынын айтуы керек дейді Әбдрашит Жүкенов. Алматы облыстық соты Талдықорған қаласында орналасқандықтан, марқұм Алтынбек Сәрсенбайұлының туған-туыстары Алматы облыстық сотына сот отырысын Алматыда өткізу жөнінде өтініш түсірмек.

мамыр 16, 2006

Қазақстан Омбдусменінің жұмысын қалай жетілдіру керек?

Халықаралық сарапшылар Қазақстандағы Адам құқықтары жөніндегі уәкілдің қызметін жетілдіру қажет деген пікірде. Құқық қорғаушы ұйымдар Омбудсменнің құзыретін заң арқылы кеңейту қажет десе, енді бірі әр саладағы құқық қорғаушы уәкілдің санын арттыру керек дейді.

мамыр 15, 2006

2007 жылдан бастап Қазақстанда интернет тарифі сағатына 0,64 цент болады

Ақпараттандыру және байланыс агенттігінің мәліметі бойынша, қазір Қазақстанның бес пайыз халқы интернет жүйесін пайдаланады. «Электронды Үкімет» жүйесі қалыптасу үшін халықтың кем дегенде 20 пайызы интернетті пайдалану керек екен. Сондықтан да 2007 жылдан бастап интернетті пайдалану сағатына 0,64 цент, шамамен 80 теңге болады деп жоспарланып отыр. Алайда мұның өзі дамыған елдермен салыстырғанда қымбатқа түседі екен.

сәуір 12, 2006

Ермұхамбет Ертісбаев: «Парламентті тарату керек деген сөзді түсімде де айтқан емеспін»

Сәрсенбі күні өткен Қазақстан Парламенті Мәжілісінің жалпы отырысына Мәдениет және ақпарат министрі Ермұхамбет Ертісбаев келді. Оған Парламент Мәжілісінің депутаты, «Асар» партиясының мүшесі Сергей Кисилевтің депутаттық сауалы түрткі болған еді. Өткен наурыз айының ортасында Парижде өткен Еуропарламент пен Қазақстан парламенті арасындағы әріптестік аясындағы кеңесте «Ермұхамбет Ертісбаев саяси реформаны ілгерілету үшін алдымен Парламентті тарату керек деді» деп бұқаралық ақпарат құралдары жазған еді. Енді министр Ертісбаев «мен ондай сөзді айтқам жоқ, тіптен түсімде де айтқан емеспін» деп отыр.

сәуір 06, 2006

Рауан Шаекин: «77 депутат 77 баланы асырап алса, жетім балалар мәселесі шешіле қоя ма екен?!»

Қазақстан Үкіметі Парламент депутаттарының шетелдік азаматтардың қазақстандық балаларды асырап алуларына мараторий жариялау керек деген мәселесімен келсіпейді. Бұл Қазақстан Констиуциясының 14-бабына қарсы келеді екен. Соңғы мәлімет бойынша, осы уақытқа шетелдік азаматтарға 6 мыңға жуық бала берілген. Ал бүгінде Қазақстандағы балалар үйінде әртүрлі жағдайда түскен 17 мыңға жуық жетім балалар тәрбиеленіп жатыр. Білім министрлігінің мәліметінше, олардың 80 пайызының денсаулығы нашар. Ал кейбір депутаттар шетелге бала беріп, өздері пайда табу үшін балалардың көбіне өтірік диагноз қояды дейді.

сәуір 05, 2006

Рахат Әлиев: Алтынбек Сәрсенбайұлының өліміне қатысты шешімді сот айтады

Қазақстанның Сыртқы істер вице-министрі, президенттің үлкен күйеу баласы Рахат Әлиев бұқаралық ақпарат құралдары өкілдеріне марқұм Алтынбек Сәрсенбайұлының өліміне қатысты тергеу жұмысы әділ жүріп жатыр дегенді айтты, сәуірдің 5-күні Астанда өткен Қазақстан мен ЕуроОдақ өкілдерінің отырысынан кейін. Бірақ Ұлттық қауіпсіздік комитетінің бұрынғы қызметкері Арат Нарманбетов Алтынбек Сәрсенбайұлының өліміне қатысты тергеу жұмысына күдікпен қарайды. Ал Еуропалық Кеңестің өкілдері Қазақстанның ресми билігі өздерінің саяси оппоненттеріне Бұқаралық ақпарат құралдарына шығып, еркін ойларын жеткізулеріне мүмкіндік жасау керек деп отыр.

сәуір 04, 2006

Еуропаны Астана арқылы 65 мың теңгеге аралап қайтуға болады

Сейсенбі күні Астанада Германияның Lufthansa халықаралық әуе компаниясының Франкфурт-Астана әуе бағытындағы жаңа рейсі ашылды. Жаңа бағыттағы ұшақпен Германияның бір топ депутаттары, өнер қайраткерлері, журналистері дүйсенбі күні кешкісін Астанаға ұшып келді. Бұған дейін Қазақстан үкіметі халықаралық әуе компаниялар Астанаға көшуі тиіс деген мәселе қойған кезде, Lufthansa әуе компаниясы бірінші болып қарсылық білдірген еді. Енді міне алғашқылардың бірі болып Астанадан жаңа рейсін ашып отыр.

наурыз 15, 2006

Мәжіліс депутаты А.Тшанның ұсынысына әріптестері қарсы болды

Қазақстан Парламенті қоғам қайраткері марқұм Алтынбек Сәрсенбайұлы мен оның көмекшілерінің өлтірілгенінен бір айдан кейін барып құқық қорғау орындарынан қанды оқиғаның ақ-қарасын ашып, қоғамға жеткізуді талап етіп отыр. Бірақ онда да бірен-саран депутаттың жоғарыдағы үндерін көптің дауысы шешіп, қолдамай тастады. Қолдамағандардың пікіріне салсақ, дүрлігіп отырған халықты одан сайын абыржытудың қажеті жоқ. Ал осыдан бірер апта бұрын Алтынбек Сәрсенбайұлы мен Заманбек Нұрқаділовтің өліміне ашық тергеу жұмысын жүргізуді сұрап президентке хат жазған Мәжіліс депутаты Серік Әбдірахмановтың атына Бас прокуратурадан шақырту келген.

наурыз 02, 2006

Қазақстан президенті Н.Назарбаев: «Ержан Өтембаев қылмысын мойындап маған хат жазды»

Қазақстан Президенті Нұрсұлтан Назарбаев бейсенбі күні Сенаттың жалпы отырысына келіп, Ұлттық қауіпсізідк комитетінің төрағалығына Амангелді Шабдарбаевтың кандидатурасын ұсынды. Отырысқа қатысып отырған 34 сенатор бір ауыздан қолдап дауыс берді. Осыдан кейін Қазақстан президенті Нұрсұлтан Назарбаев Алтынбек Сәрсенбайұлының қазасына байланысты тергеу барысындағы жайттар жөнінде өзінің пікірін айтты. Нұрсұлтан Назарбаевтың сөзіне қарағанда Ержан Өтембаев өзінің қылмысын толық мойындап, президентке хат жазған. «Ал Сенат басшылығы жөнінде ешқандай күдіктерің болмасын» деді президент Нұрсұлтан Назарбаев.

наурыз 01, 2006

Қазақстан президенті демократияны тәртіпке бағындырмақ

Мемлекет басшысы Нұрсұлтан Назарбаев кезекті жолдауын Қазақстанның бәсекелестікке қабылетті 50 елдің қатарынан көріну стратегиясына арнады. Ол әсіресе елдің әлеуметтік-экономикалық жағдайына назар аударып, Қазақстан үшін алдымен Дүниежүзілік сауда ұйымына кіру мақсаты тұрғанын айтты. Мемлекет басшысы сыртқы саясатта негізгі басымдықты Ресейменен қарым-қатынасқа бөлетіндігін де жасырмады.

ақпан 27, 2006

Ішкі істер министрінің айтуынша, Алтынбек Сәрсенбайұлының өліміне тапсырыс берген - Ержан Өтембаев

Ішкі істер министрі Бауыржан Мұхаммеджанов марқұм Алтынбек Сәрсенбайұлының және оның көмекшілері Бауыржан Байбосынов мен Василий Журавлевтың қазаларына қатысты қылмыстық іс толықтай ашылды деп мәлімдеді. Сонымен Бауыржан Мұхаммеджановтың айтуынша, қылмысқа тапсырыс беруші Сенат аппаратының жетекшісі болған Ержан Өтембаев. Ол жеке кек алу мақсатында осындай әрекетке барып отыр дейді Ішкі істер министрі. Ал Жармахан Тұяқбай бастаған қоғамдық комиссия Алтынбек Сәрсенбайұлының өліміне қатысты қылмыстық іс толық ашылған жоқ деп отыр.

ақпан 20, 2006

Қазақстанда Омбудсменнің рөлі қандай болуға тиіс?

Былтырғы жылы Қазақстан президентінің «Адам құқықтары уәкіл қызметін қамтамасыз етушілердің құқығын кеңейту» жөніндегі жарлығына сәйкес Парламент Мәжілісінде қылмыстық пен азаматтық кодекстерге өзгерістер енгізу жөніндегі заң жобасы талқыланып жатыр. Заң жобасына сәйкес адам құқықтарын қорғау жөніндегі уәкіл кез келген сот отырысына қатысып, азаматтардың құқықтарын қорғауға мүмкіндік ала алады. Бірақ Қазақстанның бас прокуратурасы Адам құқықтары уәкіл қызметін қамтамасыз етушілер сот отырысында тек бақылаушы ретінде қатысу керек деп отыр. Алайда Адам құқықтарын қорғау жөніндегі ұлттық орталықтың өкілдері мұнымен келіспейді.

ақпан 16, 2006

Қазақстан Парламенті депутат Тоқтар Әубәкіровтың ұсынысымен ғана Алтынбек Сәрсенбайұлын үнсіз еске алды

Ақпанның 15-күні Алматыда жұртшылық оппозиция қайраткері марқұм Алтынбек Сәрсенбайұлын ақтық сапарға шығарып салып жатқанда Астанадағы Парламент үйінде депутаттар мен Үкімет мүшелері Мәжіліс депутаты Тоқтар Әубәкіровтың әріптестеріне жасаған ұсынысынан соң бұрынғы мемлекеттік шенеунік Алтынбек Сәрсенбайұлын еске алып бір минут үнсіздік жариялады. Осыдан кейін не депутаттар, не министрлер Парламент мінберінде Алтынбек Сәрсенбайұлының өлімі жөнінде ләм-мим деп тіс жармады. Ал сол күні Астана полицейлері демократиялық күштер өкілдерінің Алтынбек Сәрсенбайұлы бұрын қызмет істеген мекемесінің алдына барып, марқұмды еске алмақ болған әрекеттерін күштеп басты. Астанадағы бұрынғы Үкімет үйінің алдына жиналған 100-ге жуық адамды полиция адамдары жан-жаққа қуып, белсенділік танытқандарды автокөлікке мәжбүрлеп тиеп әкетті.

ақпан 15, 2006

Алтынбек Сәрсенбайұлының өлімі ресми Астананың нән ғимараттарында өзара әңгіме күйінде ғана қалып отыр

Көптеген жылдар мемлекетте жоғары лауазымды қызметтер атқарған, ресми тіркелмген «Нағыз Ақ жол» партиясының тең төрағасы болған Алтынбек Сәрсенбайұлының жұмбақ өліміне қатысты Астанадағы шенеуніктерді айтпағанда халық сайлаған Парламент депутаттарының дені түсініктеме беруден бас тартты. Ал марқұм Алтынбек Сәрсенбайұлымен бірге қызмет істеген бұрынғы әріптестері ол ел үшін жаралған азамат болған деген пікір білдірді.

ақпан 09, 2006

Қазақстанның кәсіподақ ұйымдары билік тауар бағасы мен коммуналдық тарифтердің бағасын реттемесе, Үкіметтің отсавкаға кетуін талап етпек

Соңғы бір айдың ішінде Астанада коммуналдық төлем ақылардың бағалары 32 процентке қымбаттады. Ал азық-түлік тауарлар бағасы республика бойынша 8 пайызға өсті. Сонымен қатар барлық аймақтарда қоғамдық көлікте жол жүру бағасы бірнеше пайызға артып отыр. Ал үстіміздегі жылы бюджеттік қызметкерлердің айлық табысы мен зейнеткерлердің зейнетақысына қосылған ақша небәрі 2-3 мың теңгені құрайды. Қазақстанның кәсіподақ Федерациясы билік елдегі баға саясатын ретке келтірмесе, онда Үкіметтің отставкаға кетуін талап етеміз, деп отыр.

ақпан 08, 2006

Денсаулық сақтау министрлігі медицина ғылымын түбегейлі реформаламақ

Қазақстанда медицина және фармацевтика салалары түбегейлі реформалауды қажет етеді. Мұндай тұжырымды денсаулық сақтау министрлігі айтып отыр. Олар жүргізілген зерттеулер нәтижесіне сүйеніп, қазірде елде медицина ғылымына бой ұратын жастар өте аз екенін айтады. Қазақстанда медицина ғылымы докторларының орта жасы 58-ді құрап отыр екен. Сондықтан денсаулық сақтау саласындағы ендігі міндет медицина саласы бойынша жас мамандарды көптеп шетелге жіберу мәселесі тұр екен. Алайда медицина саласында жұмыс істеп жатқан жас мамандар шетелге барып білімді жетілдіру қол жетпейтін арман деп біледі.