Азаттық 19 - 24 мамыр аралығында Қазақстанда және әлемде болған кейбір оқиғалар туралы апталық сурет баян ұсынады.
Апта бейнелері: 19 - 24 мамыр
1
19 мамыр күні Ресей президенті Владимир Путин Украинамен шекарада жаттығу өткізіп жатқан әскерге базаларына қайтуға бұйрық берді. Бұған дейін НАТО "Ресей Украинамен шекараға әскер шоғырландырды" деп алаңдаушылық білдірген еді. 7 мамыр күні Ресей президенті Владимир Путин әскердің шекарадан әкетілгенін мәлімдегенімен, НАТО мен АҚШ өкілдері әскер қарасының азаймағанын айтты.
Апта соңында, яғни 24 мамыр күні Ресей басшылығы "40 мың әскерді Украина шекарасынан әкетуге бірнеше апта керек" екенін хабарлады. Батыс елдері Ресейді шекараға әскерін шоғырлап, Украинаның шығысындағы жағдайды ушықтырып отыр деп айыптайды.
Суретте: Украина шекарасында тұрған Ресейдің әскери техникасы мен жойғыш ұшақтарының ғарыштан түсірілген фотосы.
Апта соңында, яғни 24 мамыр күні Ресей басшылығы "40 мың әскерді Украина шекарасынан әкетуге бірнеше апта керек" екенін хабарлады. Батыс елдері Ресейді шекараға әскерін шоғырлап, Украинаның шығысындағы жағдайды ушықтырып отыр деп айыптайды.
Суретте: Украина шекарасында тұрған Ресейдің әскери техникасы мен жойғыш ұшақтарының ғарыштан түсірілген фотосы.
2
Қазақстан президенті Нұрсұлтан Назарбаев 19 мамырда мемлекеттік сапармен Қытайға барды. Назарбаев Шанхайда Қытай президенті Си Цзиньпинмен, қытайлық бірқатар компаниялардың жетекшілерімен кездесіп, инвестициялық келісімдер жасасты. Бұдан өзге, Нұрсұлтан Назарбаев Қытайда өткен Азиядағы өзара іс-қимыл және сенім шаралары кеңесінің 4-саммитіне қатысты. Саммитте сөйлеген Назарбаев Азияда ЕҚЫҰ сияқты балама ұйым құру ұсынысын жасады.
Суретте: Қазақстан президенті Нұрсұлтан Назарбаев (оң жақта) Азиядағы сенім шаралары және өзара ықпалдастық кеңесі жиынында Ресей президенті Владимир Путинмен (ары қарап тұрған адам) сөйлесіп тұр. Шанхай, 20 мамыр 2014 жыл.
Суретте: Қазақстан президенті Нұрсұлтан Назарбаев (оң жақта) Азиядағы сенім шаралары және өзара ықпалдастық кеңесі жиынында Ресей президенті Владимир Путинмен (ары қарап тұрған адам) сөйлесіп тұр. Шанхай, 20 мамыр 2014 жыл.
3
20 мамыр күні Таиланд армиясы елде әскери жағдай жариялады. Бірақ әскерилер билікті басып алу әрекеті жоспарын жоққа шығарды. Армия басшылығы бұл шешімін елде үкіметке қарсылық акциялары мен тәртіпсіздіктер жалғасып жатқан тұста "тұрғындардың қауіпсіздігін күшейту қажеттігінен туындады" деп түсіндірді. Бірақ 22 мамыр күні Таиланд мемлекеттік телеарнасынан сөйлеген қолбасшы "армия елде тәртіп орнатып, реформалар жүргізетінін" мәлімдеді. 23 мамырда Таиланд армиясының құрлықтағы әскерінің қолбасшысы генерал Прают Чан-Оча биліктің әскерилер қолына өткенін жариялады. Таиландта үкіметке қарсы шерулер басталған былтырғы қараша айынан бері 30-ға тарта адам қаза тапты.
Суретте: Бангкок көшесіндегі солдаттар. 20 мамыр 2014 жыл.
Суретте: Бангкок көшесіндегі солдаттар. 20 мамыр 2014 жыл.
4
20 мамыр күні Астана уақытымен сағат 23.08-де Ресей Астрахан облысындағы Капустин Яр полигонынан "Тополь" РС-12М құрлықаралық баллистикалық зымыранын атты. Бұл жолы да Қазақстанның Сарышаған полигонындағы шартты нысананы көздеп атылған зымыран оған дәл тиген. Ресейдің Сарышаған полигонына кезекті рет зымыран атқаны 21 мамыр күні әлеуметтік желілерде қызу талқыланды.
Суретте: Орал қаласынан көрінген зымыранның ізі. Орал, 20 мамыр 2014 жыл.
Суретте: Орал қаласынан көрінген зымыранның ізі. Орал, 20 мамыр 2014 жыл.
5
20-21 мамыр күндері Қазақстанда жер мен баспананы мемлекет қажетіне алуға байланысты екі наразылық шарасы өтті. Бірінші акцияда Алматы облысы Кемертоған ауылы тұрғындары үйлерінің болашақта жол құрылысы жобасына байланысты сүрілетініне наразылық білдірді. Жаңа жоба бойынша Алматы қаласына қарайтын бұл аумақта айналма жол салынбақ. Ал 21 мамыр күні Астанада жиырмадан аса адам үйлерін сүріп алып тастауға, жер телімдерін "мемлекет мұқтаждығы" үшін алуға қарсылық білдіріп митинг өткізді. Ұйымдастырушылар жиын өткізуге жергілікті биліктен рұқсат алған. Азаматтар тұрғын үйге деген құқығы бұзылмауын, өздерін жалғыз баспаналарынан айырмауды талап етіп, халықты жерлері үшін күресуге және бірігуге шақырды.
Суретте: Астана тұрғындарының наразылық митингісі.
Суретте: Астана тұрғындарының наразылық митингісі.
7
Каир соты 21 мамырда Египеттің бұрынғы президенті Хосни Мүбәракты "мемлекет қаржысын жымқырды" деп айыптап, үш жылға соттады. Сот бұрынғы президентпен бірге оның екі ұлы - Гамаль және Алааны да "мемлекет қаржысын жымқырды" деп айыптап, әрқайсысын төрт жылға бас бостандығынан айыруға үкім шығарды. 86 жастағы Хосни Мүбәрак "билікті асыра пайдаланды", "2011 жылы өзін биліктен кетірген халық толқулары кезінде шерушілерді қырғынға ұшыратуға сөз байласты" деген айыптар бойынша тағы бір іспен сотқа тартылып жатыр.
8
22 мамыр күні Қытайдың Шыңжаң ұйғыр автономиялық ауданының орталығы Үрімжі қаласында болған екі жарылыстан 31 адам қаза тауып, 90 адам жараланды. Пекиннің мәлімдеуіне қарағанда, шабуылды бес жанкешті жасаған.
Пекин "исламшыл экстремистер мен шетелдік топтар қолдайтын ұйғыр сепаратистерінен қауіп төніп тұрғанын" айтып, аймақта қауіпсіздік шараларын күшейткен. Бірақ сыншылар "Пекин өзі жүргізіп отырған қатаң саясаты мен қауіпсіздік шараларын ақтау үшін қауіп деңгейін тым асыра көрсетеді" дейді.
Суретте: полиция жарылыс болған жерді қоршап тұр. Қытай, Үрімжі, 22 мамыр 2014 жыл.
Пекин "исламшыл экстремистер мен шетелдік топтар қолдайтын ұйғыр сепаратистерінен қауіп төніп тұрғанын" айтып, аймақта қауіпсіздік шараларын күшейткен. Бірақ сыншылар "Пекин өзі жүргізіп отырған қатаң саясаты мен қауіпсіздік шараларын ақтау үшін қауіп деңгейін тым асыра көрсетеді" дейді.
Суретте: полиция жарылыс болған жерді қоршап тұр. Қытай, Үрімжі, 22 мамыр 2014 жыл.
9
22 мамыр күні Алматы қаласындағы қонақүйлердің бірінің конференц-залында Еуразия Одағына қарсы қоғамдық тыңдау өтті. Форумға оппозициялық саясаткерлер мен қоғамдық белсенділер қатысты. Олар 29 мамырда Еуразия экономикалық одағы туралы келісімге қол қойғалы отырған Қазақстан президенті Нұрсұлтан Назарбаев халықтың бір бөлігінің наразылығы мен қарсылығына қарамағанын айтады. Форумды ұйымдастырған Жанболат Мамай мен Инга Иманбайды бір күн бұрын ҰҚК шақырып, қандай шара өткізгелі жатқандарын тергеген.
Суретте: (солдан оңға қарай) қоғамдық тыңдауға қатысқан белсенділер Рысбек Сәрсенбай, Төлеген Жүкеев және Жанболат Мамай.
Суретте: (солдан оңға қарай) қоғамдық тыңдауға қатысқан белсенділер Рысбек Сәрсенбай, Төлеген Жүкеев және Жанболат Мамай.
10
Украина президентінің міндетін атқарушы Александр Турчиновтың мәлімдеуінше, 23 мамыр күні Донецк облысында сепаратистер жасаған түнгі шабуылдан Украина армиясының 13 сарбазы қаза тапты. Мұның алдында қорғаныс министрлігі Луганск облысындағы шабуылда украин сарбазының қаза тапқанын хабарлаған еді. Украина әскері елдің шығысында ресейшіл сепаратистерге қарсы операциялар бастаған алты аптадан бері мұндай ірі шығынға ұшырамаған.
Украина премьер-министрі Арсений Яценюк Ресейді "25 мамыр күні өтетін президент сайлауы қарсаңында жағдайды ушықтырып отыр" деп айыптайды.
Суретте: ресейшіл қарулы адам Донецк маңында жүк көлігін тоқтатып, тескеріп жатыр.
Украина премьер-министрі Арсений Яценюк Ресейді "25 мамыр күні өтетін президент сайлауы қарсаңында жағдайды ушықтырып отыр" деп айыптайды.
Суретте: ресейшіл қарулы адам Донецк маңында жүк көлігін тоқтатып, тескеріп жатыр.
11
23 мамыр күні Астананың 15 шақты тұрғыны баспаналары мен жер телімдерінің "мемлекет қажетіне" алынуына қарсылық білдіріп, парламент үйі алдында акция өткізді. Олар бұдан соң Ақорданың алдына барып бір-бірін шынжырмен байлады. Бірақ полицейлер наразы тұрғындарды бір-бірімен шынжырмен таңылған күйі көліктерге отырғызып алып кетті. Сол күні наразы азаматтардың бірі Әбдірақым Бейсенді 10 тәулікке қамау туралы сот үкімі шықты. Бейсен бұл жазасына қоса 37 мың теңге айыппұл да төлеуі керек. Оған "билік өкіліне бағынбады" және "рұқсат етілмеген митингіге қатысты" деген айыптар тағылған. Наразылық шарасына қатысқаны үшін ұсталған өзге жеті адам босатылған, бірақ оларға қатысты сот 29 мамыр күні өтпек.