Ескендір ЕРТАЙ

тамыз 25, 2005

Нұрсұлтан Назарбаев: «АҚШ, Франция секілді дамыған елдерге қарағанда Қазақстанда сыбайлас жемқорлық деңгейі төмен»

Қазақстан Президенті Нұрсұлтан Назарбаев халықпен тікелей эфир арқылы жүздесуінде Қазақстан коррупцияға ең шырмалған мемлекеттердің бірі деген әңгімені үзілді-кесілді жоққа шығаратынын мәлімдеді. Сонымен қатар, әр деңгейдегі 350-дей әкімнің сыбайлас жемқорлыққа батқаны үшін жауапқа тартылғанын жасырған жоқ.

тамыз 16, 2005

Астанада кәмелетке толмаған қаңғыбас балалардың саны 473-ке жеткен

Астанада қорғансыз қалған, нақты тұрағы жоқ балалар мен кәмелетке жасы толмаған қаңғыбастар көбейіп барады. Бүгінгі таңда олардың тізімге алынғандарының өзі 473-ке жеткен. Ал, Астанадағы жасөспірімдерді уақытша оқшаулау және бейімдеу орталығында бұрыннан орын жетіспейді.

тамыз 11, 2005

Қазақстанда құс тұмауының жаңа ошақтары анықталып отыр

Қазақстанда құс тұмауы Ақмола мен Қарағанды облыстарына да жеткені мәлім болып отыр. Қазір қауіпті дерттің алдын-алу шаралары қолға алынып жатыр. Астанаға жақын Үшсарт ауылында 2745 үй құсының көзі жойылып, залалсыздандырылған. Ақмола облысындағы құс базары – Қорғалжын қорығы толық оқшауландырылып, оған барар жолдардың барлығына күзет қойылды.

тамыз 10, 2005

Ата-аналар мен талапкерлер мемлекеттік грант бойынша кімдердің оқу алатындығын біле алмай отыр

Қазақстанның білім және ғылым министрлігі жанынан құрылған комиссия тамыздың 5-10-аралығында мемлекеттік грант арқылы жоғарғы оқу орындарында оқитандарды анықтауы тиіс болатын. Алайда, республиканың түкпір-түкпірінен келген ата-аналар мен талапкерлер университеттердің қабылдау комиссиясының шешімін күтіп, сарылып жүр.

тамыз 01, 2005

Қазақстан мен Қытай арасында жолаушылар мен жүк тасымалының 12 бағыты ашылады

Қыркүйек айының 1-інен бастап Қытай мен Қазақстан арасында жолаушылар мен жүк тасымалының жаңа бағыттары ашылмақ. Олар Қазақстанның және Шыңжаң Ұйғыр автономиялық өлкесінің қалаларын байланыстыратын болады.

шілде 29, 2005

Парламент Сенатының депутаттығынан үміткер ретінде тіркелген 46 адамның 31-і «ОТАН» партиясының мүшелері

Шілденің 29-ы күні 24-сағатта Парламент Сенаты депутаттығына ұсынылған кандидаттарды тіркеу аяқталады. Сенат депутаттығына кандидат ретінде өз кандидатурасын ұсынған 78 адамның 47-і тіркеуден өтіп, 32-сі әртүрлі себептермен өтпей қалды. Ал тағы 12 адам өз кандидатураларын қайтарып алған.

шілде 28, 2005

Қостанай облысының сегіз ауданындағы 740 мың гектар бидай алқабына күйе түcуіне байланысты төтенше жағдай қалыптасып отыр

Қазақстанның ең астықты аймақтарының бірі - Қостанай облысының сегіз ауданында төтенше жағдай қалыптасып отыр. Егін алқаптарының өсімдік ауруына шалдығуынан биылғы өнімнің 30 пайызы жарамсыз болып қалуы мүмкін дейді мамандар.

шілде 27, 2005

Қазақстандағы ЮНИСЕФ өкілі Елена Сельченок: «Қазақстанда балаларға қатысты зорлық-зомбылықтың алдын-алу және онымен күресудің тиімді жүйесі жоқ»

Ресми деректерге қарағанда, Қазақстанда тұрмыстық қылмыстардың 85 пайызы отбасында жасалады екен. Бұдан көбінесе балалар зардап шегеді, бірақ, оларға қатысты зорлық-зомбылық оқиғалары назардан тыс қалып қояды дейді халықаралық ЮНИСЕФ ұйымының Қазақстандағы өкілі Елена Сельченок.

шілде 26, 2005

Бүкіләлемдік үйлесімділік жорығына қатысушы желаяқтар Қазақстанның жеті қаласы арқылы үш мың шақырымды жүгіріп өтпек

Бұл күндері Қазақстан жерінен «Бүкіләлемдік үйлесімділік жорығы» атты алаулы эстафетаның қазақстандық кезегі өтіп жатыр. Барлығы 130 елді қамтитын эстафетаның келесі кезегін тамыздың 4-і күні қазақстандықтардан ресейліктер қабылдап алмақ.

шілде 25, 2005

Астанадағы ірі кәсіпкер «Закон и правосудие» апталығын сотқа берді

Астананың ең ірі кәсіпкерлердің бірі Ерсайын Манаев «Закон и правосудие» апталық газетін өзінің ар-ожданына тиді деп сотқа берді. Газетте кәсіпкер Е.Манаевтың «Гарант» сауда орталығынан жалға орын алып отырған ұсақ кәсіпкерлердің арыз-шағымы бойынша мақала жарық көрген болатын.

шілде 22, 2005

Қазақстанда алғашқы жарты жылда тіркелген сыбайлас жемқорлық салдарынан бюджетке 20 миллиард 600 миллион теңге шығын келген

Шілденің 22-күні Қазақстанның коррупциялық және экономикалық қылмыстарға қарсы күрес агенттігінің жауапты қызметкерлері елдегі кейбір мекеме-компанияларға қатысты бірқатар ірі қылмыстық әрекеттері бар істерді жариялады. Кейбір сарапшылар мен саясатшылар мұны президенттік сайлау қарсаңындағы пиар акция ретінде бағалап отыр.

шілде 21, 2005

Сарыағаш ауданы аумағынан сасыр шайырын жинап жүрген 40 шетелдік азамат ұсталды

Қазақстандағы дәрілік шөптер шетелдіктердің де назарын аударуда. Оңтүстік Қазақстан аумағында дәрілік шөптерді заңсыз жинаған бір топ шетелдік азаматтар (ауғанстандықтар мен тәжікстандықтар) ұсталып отыр. Олар жаз маусымында осы аймақта өсетін сасыр шөбінен 20 тонна шайыр жинамақ болған. Дәрілік шикізаттың бұл түрінің бір граммы Пәкістан мен Үндістанда үш долларға бағаланатын көрінеді.

шілде 20, 2005

Қазақстандағы 14 қоғамдық бірлестік «Қазақстанның халықтық одағына» бірігуде

Қазақстандағы 14 қоғамдық бірлестік пен саяси ұйымдар «Қазақстанның халықтық одағы» атты блок құру жөнінде меморандумға қол қойды. Олардың арасында «Асар», «Руханият», «Қазақстанның патриоттары партиясы», «Жастар таңдауы» бірлестігі сияқты ұйымдар бар.

шілде 18, 2005

Астанадағы қатаң режимдегі ЕЦ-166/10 түзеу мекемесінде мешіт ғимараты пайдалануға берілді

Қазақстан абақтылары мен түзеу мекемелерінде ғибадатханалар көбейіп келеді. Бүгінде мешіттердің саны ғана жиырмаға жуықтапты. Астанадағы қатаң тәртіптегі ЕЦ-166/10 түзеу мекемесінде де жаңа мешіт ашылып отыр.

шілде 14, 2005

Қазақстан Президенті кейбір заңдарға ұлттық қауіпсіздік мәселелері бойынша өзгерістер мен толықтырулар енгізу туралы заңға қол қойды

Қазақстан президенті Нұрсұлтан Назарбаев «Қазақстан Республикасының кейбір заңнамалық актілеріне ұлттық қауіпсіздік мәселелері бойынша өзгерістер мен толықтырулар енгізу туралы» заңға қол қойды. Аталған заңның қоғамда үлкен айтыс-тартыс тудырып отырғаны мәлім. Саясатшылар мен саясаттанушылардың кейбірі «Демократияны шектейтін бұл заңға Президенттің вето қоюы мүмкін» деген болжамдар айтқан болатын.

шілде 12, 2005

Қазақстанда сыбайлас жемқорлықтың жемсауы қайтсе бітеледі?

Қазақстан Президентінің тапсырмасымен елдегі барлық мекемелердің нормативтік-құқықтық актілері тексерілмекші. Бас прокуратура, Әділет министрлігі және қаржы полициясы бар - барлығы 36 мемлекеттік органның өкілдері республиканың барша облыстарында құжаттарды тексереді. Олардың айтуынша, басты мақсат - жемқорлықпен күрес.

шілде 11, 2005

Қазақстан аумағында есірткі қылмысы өршіп отыр

Ресейдің есірткі айналымын бақылау жөніндегі қызметі Орта Азиядан Ресейге ірі көлемде героин алып өтпек болған, құрамы жеті адамнан тұратын топты әшкереледі. «Интерфакс» ақпарат көзінің хабарлауынша, шілденің 9-ында Ресейлік заң адамдары Қазақстаннан Ресей аумағына «Камаз» автокөлігіне бал салынған бидонға жасырылған, жалпы салмағы 2,5 центнер героин ұстаған.

шілде 06, 2005

Қазақстанда ауыл мектептерінің 60 пайызы Интернетке қосылады

«Қазақтелеком» ашық акционерлік қоғамы, Қазақстанда шалғай ауылдардағы байланыс желісі жүргізілмеген мектептерді телефон және Интернет торабына қосу ісі жүзеге асырылып жатқанын хабарап отыр. Соның нәтижесінде ауылдық жерлердегі мектептердің 60 пайызы Интернетке қосылмақ. Мамандар компьютерді қазақ тілінде сөйлетіп алмайынша, мұның пайдасы шамалы шамалы болады деген пікірде.

шілде 05, 2005

Оңтүстіктік археологтар екі жылда 585 тарихи-мәдени ескерткіштерді рәсімдеді

Қазақстанда «Мәдени мұра» бағдарламасы аясында ашық аспан астындағы тарихи-мәдени ескерткіштерді түгендеу жүргізіліп жатыр. Мысалы, 1994 жылы Қазақстанның оңтүстік өңірлерінде 109 тарихи ескерткіш болса, 2005 жылдың шілдесіне дейін олардың саны 694-ке жетті. Алайда, археологтар иен жатқан жерлерді игеру барысында ондай ескерткіштердің жойылып кетуі мүмкін екендігін айтып дабыл қағуда.

маусым 29, 2005

Бішкектен Астанаға көкөніс әкелген 12 автокөліктің иелері зиян шегіп қалатын түрі бар

Маусымның 29-ында Астанаға Қырғызстаннан көкөніс тиеген алғашқы керуен келді. Қырғызстандықтар Қазақстан базарына ауыл шаруашылығы өнімдерін, әсіресе, жеміс-жидек шығаруға үлкен талпыныс танытуда. Бірақ, Астанадан үлкен пайда табамыз деп келген қырғызстандықтар бұл жолы зиян шегіп қайтатын болды.