Амангелді КЕҢШІЛІКҰЛЫ

тамыз 02, 2005

Қазақстанда азық-түлік өнімдерінің бағасы қымбаттағаны байқалады

Қазақстан Республикасының статистикалық агенттігі маусым айында азық-түлік өнімдері бағаларының 0,1 процентке қымбаттағандығын хабарлады. Олардың айтуынша маусым айында қант 7,3, күріш 1,7 ал ет өнімдері 0,6 процентке көтерілген.

шілде 29, 2005

Кеңес әскерінің қатарында Ауғаныстандағы соғысқа қатысқандар бірлескен құрылтайын өткізді

Шілденің 29-ында Алматыдағы Әскерилер үйінде Ауғаныстан соғысы ардагерлерінің басын біріктіру мақсатында ұйымдастырылған тұңғыш құрылтай өтті. Бұл құрылтайға Қазақстанның барлық облыстарынан өкілдер қатысып, «Қазақстан Республикасындағы Ауғаныстан соғысы ардагерлерінің қауымдастығы» құрылып, оның төрағасы болып генерал Бақытжан Ертаев сайланды. Құрылтайға қатысушылар бүгінгі таңда Ауғаныстан соғысына қатысқан ардагерлерге үкімет тарапынан көрсетіліп жатқан қамқорлықтың аз екендігін айтып, ол проблемаларды бірігіп шешудің қажеттілігіне тоқталды.

шілде 28, 2005

Баспасөзге шолу. 07.28.2005 жыл

Экс-министр Алтынбек Сәрсенбайұлы мен «Хабар» агенттігінің соттасуы бейсенбі күнгі жарық көрген тәуелсіз басылымдардың басты назар аударған тақырыбына айналыпты. Экс-министр Алтынбек Сәрсенбайұлы кейбір тәуелсіз басылымдар арқылы мемлекеттік емес құрылтайшылардың телерадикомпанияны дамыту үшін соқыр тиын да салмағандығын, оның есесіне «Хабар» жекшелендірілгеннен кейін оған мемлекет тарапынан 280 миллион теңге бөлініп тұрғандығын хабарлапты.

шілде 27, 2005

Баспасөзге шолу. 07.27.2005 жыл

Сәрсенбі күнгі жарық көрген басылымдарда Алматы қаласының мамандандырылған ауданаралық экономикалық сотына Қазақстанның бас мүфтиі Әбсаттар қажы Дербісалының атынан арыз-шағымның түскендігі айтылыпты. Онда бас мүфти Қазақстан мұсылмандар одағының мемлекеттік тіркеуін заңсыз деп тануын сұрапты. «Наурыз банк» төңірегіндегі дау-дамай да мерзімді басылымдардың баса назар аударған тақырыптарының біріне айналып отыр.

шілде 26, 2005

Қазақстанда Ауғаныстан соғысы арадагерлері қауымдастығы құрылмақшы

Сарапшылардың айтуынша, үстіміздегі жылы өтуі ықтимал президент сайлауының алдында елде түрлі бірлестіктер мен саяси ұйымдардың дүниеге келуі көбейе түседі. Алайда, сейсенбі күні «Ауғаныстан соғысы ардагерлері қауымдастығын» құратындарын және 29 шілдеде осы мақсатты жүзеге асыру үшін, Құрылтай өткізетіндерін мәлімдеген запастағы генерал-майор Сәбит Тауланов, бұл бірлестікті ұйымдастырушылар өз алдына ешқандай да саяси мақсат қойып отырған жоқ деп мәлімдеді.

шілде 25, 2005

Билік орындары оппозициялық партияның алғашқы құрылтайына 1000 адамның қатысқанына күмән келтіріп отыр

Шілденің 23-күні Алматыда құрылтайын өткізген “АЛҒА” партиясын әділет орынлдары тіркеуден өткізбей қоюы мүмкін. Себебі, осы құрылтайға қатысқан адамдардың саны заңға сәйкес шамада болды ма, жоқ па деген сауалға әділет орындары дүдәмал пікірін айтып отыр. Бұл күмән Қазақстанның саяси сахнасына жаңадан қосылмақ болған оппозициялық партияның тағдырын екіұдай ететін түрі бар.

шілде 23, 2005

Орта Азия елдерінен АҚШ-тың әскери базалары әкетіле ме?

Қазақстандық кейбір сарапшылардың айтуынша, Орта Азия мемлекеттерінен АҚШ-тың әскери базаларын әкету туралы ұсыныстардың жасалуына Шанхай Ынтымақтастық Ұйымының қатты ықпалы болып отыр. Мамандардың пікіріне сүйенсек, келешекте Өзбекстаннан АҚШ-тың әскери базасы әкетілсе де, Қырғызстан мемлекеті үшін мұндай қадам тиімді емес.

шілде 22, 2005

Шекараны делимитациялау кезеңі сәтті аяқталды ма?

Қазақстан мемлекеті шекараны белгілеу ісін бастағаннан бері, осыған қатысты Сыртқы Істер Министрлігінің атына түрлі сындардың айтылып келгендігі белгілі. Атап айтқанда, кейбір бұқаралық ақпарат құралдарында Қазақстан мемлекетінің өзінің көптеген жерлерінен айырылып қалғандығы туралы мақалалар жарық көрді. Бірақ, мұндай көзқарастармен келіспейтін Қазақстанның Сыртқы Істер Министрлігінің ресми өкілдері, шілденің 22-күні осы айтылып жүрген әңгімелердің шындыққа үйлеспейтіндігіндігін мәлімдеп, делимитация процесінің сәтті аяқталғандығын хабарлады.

шілде 21, 2005

Баспасөзге шолу. 07.21.2005 жыл

Бейсенбі күнгі жарық көрген газеттерде Орта Азия елдеріндегі ахуал кеңінен сөз болыпты. Мерзімді басылымдар Орта Азия елдерінің кейбір басшыларының осы аймақтан АҚШ-тың әскери базаларының әкетілуінің талап етіліп жатқандығына айрықша назар аударыпты. Кейбір басылымдар мұндай талаптардың қойылуын 6-7 шілдеде Шанхай Ынтымақтастық Ұйымына мүше елдердің бас қосуының болып өткендігімен байланыстырыпты.

шілде 20, 2005

Баспасөзге шолу. 07.20.2005 жыл

Мерзімді басылымдар Пәкістан мен Ауғаныстан шекарасында қаза тапқан содырлардан Қазақстан құжаттарының табылғандығына баса назар аударыпты. Жексенбі күні Пәкістанның әскери өкілі генерал-лейтенант Шавкат Сұлтан қаза тапқан содырлардың төртеуінің Қазақстан азаматтары екендігін айтса, дүйсенбі күні ол қаза тапқандардың барлығының да Қазақстан азаматтары екендігін ресми түрде мәлімдеген. Солтүстік Қазақстан облысының әкімі Тайыр Мансұров та сәрсенбі күні жарық көрген кейбір басылымдардың басты қаһарманына айналыпты.

шілде 18, 2005

“Мемлекеттік тіл – менің тілім” атты республикалық конкурстың мақсаты не?

Қазақстан Республикасы Мәдениет, ақпарат және спорт министрлігінің Тіл комитеті мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, өзге ұлт өкілдері жастарының арасында қазақ тілін білу деңгейін көтеру және оны оқып-үйренуге деген ықыласы мен қызығушылығын арттыру мақсатында “Мемлекеттік тіл – менің тілім” атты республикалық конкурс өткізбекші.

шілде 15, 2005

Баспасөзге шолу. 07.15.2005 жыл

Мерзімді басылымдарда Үкімет басшысы Даниял Ахметовтың екінші деңгейлі банктер және “Қазақстан ипотекалық компаниясы” Акционерлік Қоғамының басшыларымен кеңес өткізгендігі хабарланыпты. Осы мәселеге басты назар аударған мерзімді басылымдарда соңғы жылдары Қазақстанда енгізілген мемлекеттік ипотекалық несие жүйесінің тым баяу жылжып келе жатқандығы баяндалыпты. Кейбір сарапшылардың айтуынша, халықтың басым көпшілігінің ипотекалық несиені төлейтін мүмкіншілігі жоқ.

шілде 14, 2005

Баспасөзге шолу. 07.14.2005 жыл

Мемлекет басшысының күйеу баласы Рахат Әлиевтің Қазақстанға қайтып оралып, Сыртқы Істер Министрінің бірінші орынбасары қызметіне тағайындалуы тәуелсіз баслымдардың басты назар аударған тақырыптарының біріне айналыпты. Мұны кейбір басылымдар жақындап қалған президент сайлауымен байланыстырып отыр. Қырғызстанда өткен президенттік сайлау да бейсенбі күнгі жарық көрген басылымдардың басты назарына айналып, ол сайлауға түрлі баға берген мақалалар жарық көріпті.

шілде 13, 2005

Баспасөзге шолу. 07.13.2005 жыл

Жаңадан сайланған Қырғызстан Президенті Құрманбек Бәкиевтің келешекте Бішкектегі “Манас” аэропортынан американдық әуе базасының шығарылуы мүмкін екендігін мәлімдегендігіне мерзімді басылымдар айрықша назар аударыпты. Сондай-ақ сәрсенбі күнгі жарық көрген басылымдар Қазақстандағы білім беру жүйесіндегі өзгерістерге де айрықша тоқталып өтіпті.

шілде 12, 2005

Бішкектегі “Манас” аэропортынан АҚШ-тың әскери базалары әкетіле ме?

Қырғызстан Республикасының жаңадан сайланған президенті Құрманбек Бәкиев, дүйсенбі күні бұқаралық ақпарат құралдарының өкілдерімен кездескен кезінде, Қырғызстанда орналасқан американдық әуе базаларына қатысты өз ойын білдірді. Қ.Бәкиев бұл мәселе жақында Қазақстан астанасында өткен Шанхай Ынтымақтыстығы Ұйымына мүше елдер басшыларының кезекті саммитінде өте орынды қозғалды деп мәлімдеді.

шілде 11, 2005

Қырғызстанда өткен президенттік сайлаудың Қазақстанға тигізетін әсері қандай болмақ?

Алдын-ала алынған мәліметтерге сүйенсек, Қырғызстанда өткен президенттік сайлауға сайлаушылардың 74,6 проценті дауыс беруге келген. Республиканың оңтүстігіндегі Баткен, Ош және Жалал-Абад облыстарының өкілдері айрықша саяси белсенділік танытып, бұл облыстарда сайлаушылардың 86-88 проценті дауыс берген. Дауыс беру барысын 947 халықаралық және 15 мыңдай жергілікті бақылаушылар қадағалапты. Қырғызстандағы президент сайлауы туралы ақпараттар тарату үшін 107 БАҚ атынан 281 шетелдік журналистер қатысқан.

шілде 09, 2005

Баспасөзге шолу. 07.09.2005 жыл

Апта соңында жарық көрген басылымдарда Қазақстан Президенті Нұрсұлтан Назарбаевтың 65 жасқа толғандығына орай әртүрлі мақалалар жарық көріпті. Лондонда орын алған жарылыстар да сенбі күнгі жарық көрген мерзімді басылымдардың назарынан тыс қалмапты. Қазақстандық басылымдарда теракт салдарынан қаза тапқандардың санын анықтау мүмкін болмай отырғандығы айтылыпты.

шілде 08, 2005

Баспасөзге шолу. 07.08.2005 жыл

Лондонда орын алған террористік актілер Қазақстанда жұма күні жарық көрген мерзімді басылымдар назар қойған тақырып болыпты. Қазақстандық басылымдардың хабарлауынша, лаңкестік оқиғадан кейін Лондонның орталығындағы теміржол вокзалдары мен метро стансаларының бәрі жабылып, қоғамдық көлік пен метропоездардың қозғалысы тоқтатылған. Барлық ауруханалар төтенше жағдай тәртібіне көшірілген.

шілде 07, 2005

Баспасөзге шолу. 07.07.2005 жыл

Мерзімді басылымдарда Орта Азия елдерінде болып жатқан оқиғаларға қатысты сараптама мақалалар жарық көріпті. Кейбір басылымдар енді үш күннен кейін Қырғызстанда өтетін президент сайлауына көбірек көңіл бөлсе, кейбір газеттер Шанхай Ынтымақтастық ұйымының аясында өткен саммитте мемлекет басшысы Нұрсұлтан Назарбаев пен Өзбекстан Президенті Ислам Кәрімовтың арасында өтуге тиіс келіссөздің не себептен болмай қалғандығына айрықша назар аударыпты.

шілде 06, 2005

Баспасөзге шолу. 07.06.2005 жыл

Мерзімді басылымдар Қазақстан Президенті Нұрсұлтан Назарбаевтың туғанына 65 жыл толғандығына айрықша тоқталыпты. Ал, Қырғызстан Республикасы Ыстықкөл ауданында Қазақстан Президенті Нұрсұлтан Назарбаевтың 65 жылдығына орай қоладан жасалған ескерткіш ашылыпты. Сонымен қатар, Қырғызстан мемлекетінде 10 шілде күні өтуге тиіс президент сайлауы да мерзімді басылымдардың баса назар аударған тақырыптарының біріне айналыпты.