Амангелді КЕҢШІЛІКҰЛЫ

қараша 03, 2005

Баспасөзге шолу. 11.03.2005 жыл

Бейсенбі күнгі қазақстандық басылымдарда оппозиция атынан бірегей үміткер Жармахан Тұяқбайдың өзі мен оның өкілдері Қазақстанның қай түкпіріне барса да, оларға қарсы түрлі кедергілердің жасалып жатқандығы баяндалыпты. Жармахан Тұяқбай Есіл қаласына барғанда кәмілетке толмаған балалар “Әділетті Қазақстан” қозғалысының бағдарламаларын жыртып, жиын өтіп жатқан жердің шырқын бұзыпты. Оппозициялық бағытты ұстанатын басылымдарда Америка Құрама Штатында өтетін, жүртшылықтың арасында “Қазақгейт” деген атауға ие болған сот процесіне байланысты мақалалар жарық көріпті.

қазан 29, 2005

Әлихан Бәйменов туралы сарапшылар пікірі екіге жарылып отыр

Сенбі күні Қазақстан Республикасы Президенттігіне кандидаттардың бірі “Ақ жол” партиясының төрағасы Әлихан Бәйменов Алматы қаласының жұртшылығын өзінің бағдарламасымен таныстырды. Соңғы уақыттары Қазақстанда Әлихан мырзаға байланысты сарапшылар тарапынан түрлі пікірлердің айтылып жүр. Олардың арасында Ә.Бәйменов бұл сайлауға оппозициядан түскен Жармахан Тұяқбайға тиесілі дауыстарды бөліп жіберу үшін қатыстырылып отыр дейтіндер де, мұндай пікірмен келіспейтіндер де бар.

қазан 28, 2005

Қашықтықтан білім беру жүйесінің тиімділігі қандай?

28 қазан күні Алматы қаласында “Қашықтықтан білім беру: проблемалары мен дамытудың жолдары” атты халықаралық конференция болып өтті. Конференция жұмысына НАТО ұйымының ақпараттық және коммуникациялық қауіпсіздік жөніндегі кеңесінің төрағасы Хенк ван Линде мырза қатысты. Конференция жұмысы кезінде Орта Азия елдерінде қашықтықтан білім беруді дамытудың жолдары талқыға салынды.

қазан 27, 2005

Баспасөзге шолу. 10.27.2005 жыл

Бейсенбі күнгі жарық көрген басылымдарда Қазақстан Республикасы Орталық сайлау комиссиясы Қазақстан Республикасы президенттігіне кандидаттарды тіркеуді аяқтағандығын хабарлапты. Оппозициялық күштердің атынан алдағы сайлауда бағын сынағалы отырған ҚР Президенттігіне кандидаттардың бірі Жармахан Тұяқбай Қазақстандағы авторитарлық билікпен күресу үшін сайлауға түсуге бел буғандығын мәлімдепті.

қазан 21, 2005

Қазақстанда оппозициялық басылымдарға қарсы тағы да сот басталды

Жұма күні Алматы қаласындағы мамандандырылған ауданаралық сотта “Свобода слова” және “Жұма таймс/Дата недели” тәуелсіз басылымдарына қатысты Алматы қаласы аумақтық сайлау комиссиясының төрағасы Дәулет Байделдиновтің шағым арызы бойынша сот ісі қаралды.

қазан 18, 2005

Оппозиция басшылары жауапқа тартылып жатыр

Қазақстанда оппозиция өкілдері жауапқа тартыла бастады. Егер де осы уақытқа дейін экс-депутат Төлен Тоқтасынов, саясаткер Әміржан Қосанов сынды оппозиция басшылары жауапқа тартылса, енді “Әділетті Қазақстан” қозғалысы президиумының мүшелері Болат Әбілов пен Ораз Жандосовқа қатысты да істер қаралды. Атап айтқанда, 17 қазан күні кешке төрт полиция қызметкері Болат Әбіловке “Заңсыз шеруді ұйымдастырды” деген құжатты табыс етіп, Алматы қаласындағы ауданаралық әкімшілік сотқа жеткізген. Баспасөз өкілдері жіберілмеген үш сағатқа созылған соттан кейін, Болат Әбілов айыпты деп танылып, оған ең кіші 50 айлықтың көлемінде айыппұл салынған.

қазан 17, 2005

17 қазан - дүниежүзілік кедейшілікке қарсы күрес күні

Қазақстан Орта Азия елдеріндегі шикізат қоры мол мемлекеттердің бірі болып табылады. Кейбір сарапшылардың айтуынша, осыған қарамастан Қазақстанда кедейшілік жойылмай, керісінше күн өткен сайын қатты белең алып барады. Мұның себебі неліктен?

қазан 15, 2005

Биліктегі кадрлық өзгерістердің себебі не?

Мемлекет басшысы Нұрсұлтан Назарбаевтың апта соңында билікте кадрлық өзгерістер жасап, Ішкі Істер Министрі қызметіне Бауыржан Мұхамеджановты, ал Зауытбек Тұрысбековты мемлекеттік қызмет жөніндегі агенттіктің төрағасы қызметіне тағайындауы қоғамда түрлі пікір туғызды. Сарапшылардың арасында биліктегі мұндай кадрлық өзгерісті алдағы келе жатқан президент сайлауымен де, Ішкі Істер Министрі болған Зауытбек Тұрысбековтың өз қызметін атқара алмағандығымен де байланыстырып жатқандар бар. Соңғы уақыттары бұқаралық ақпарат құралдарының бетінде Ішкі Істер Министрі қызметін атқарған Зауытбек Тұрысбековтың атына көптеген сындардың айтылып келгендігі белгілі. Әсіресе, Зауытбек Тұрысбековтың Грузия мен Украинадағы түрлі-түсті төңкерістер Қазақстанда қайталанбауы үшін Ішкі істер министрлігіне қосымша қару-жарақ сұрап премьер-министр Даниял Ахметовке жазған хаты қоғамда үлкен дүрлігіс туғызған еді.

қазан 14, 2005

Орталық Азиядағы интернет-сайттарға қойылатын тосқауылдар көп

Еуропадағы Ынтымақтастық пен қауіпсіздік ұйымының Орталық Азиядағы бұқаралық ақпарат құралдарына арнап өткізген жетінші конференциясының, 14 қазандағы екінші күнінде осы елдердегі интернет басылымдардың мәселесі талқыланды. Конференция жұмысына қатысушылардың айтуынша, Орталық Азия елдерінде интернет-басылымдардың дүниеге келуі осы елдерде тұратын азаматтардың ресми басылымдарда айтылмайтын ақпаратты алуына мүмкіншілік туғызған. Дегенмен интернет-басылымдардың кеңінен дамуына қойылып жатқан тосқауылдар да аз емес екен.

қазан 13, 2005

Баспасөзге шолу 10.13.2005 жыл

Бейсенбі күнгі жарық көрген басылымдарда Қазақстанға ат басын тіреген АҚШ-тың мемлекеттік хатшысы Кондализа Райстың ресми сапарына байланысты сараптамалық мақалалар жарияланыпты. Қазақстандық сарапшылар, Кондализа Райстың Орталық Азияға жасаған сапарын, Вашингтонның осы аймақтарды уысынан шығарып алмауға тырысып жатқан саясатымен байланыстырыпты. Ал, кейбір тәуелсіз басылымдарда АҚШ-тың мемлекеттік хатшысы Кондализа Райспен кездесуге жиналып жатқан жерінен Президенттікке үміткер Жармахан Тұяқбайды қолдау жөніндегі қоғамдық штабтың жетекшісі Төлен Тоқтасыновты 12 қазан күні кешкісін қаруланған полицияның арнайы жасағының алып кеткендігіне байланысты түрлі жорамалдар жасалыныпты.

қазан 12, 2005

Баспасөзге шолу. 10.12.2005 жыл

Сәрсенбі күнгі жарық көрген басылымдар Қазақстанда бензин бағасының күрт көтеріліп кеткендігіне баса назар аударыпты. Ресми мәліметтерге жүгінсек, дүйсенбі күні Шымкенттің кейбір жерлерінде 1 литр бензиннің бағасы 200 теңгеге шейін көтерілген. Сарапшылар болса Қазақстандағы бензин бағасының қымбаттауын әлемдегі болып жатқан жағдайлармен байланыстырып отыр.

қазан 09, 2005

Қазақстан президенті Н.Назарбаев ядролық әлеуетті қысқарту жөніндегі шартты қайта қарауды ұсынды

Қазақстан Республикасы әлемдегі ең алғашқы елдердің бірі болып ядролық қарудан бас тартқан мемлекеттердің бірі. Алайда Қазақстан уран өндірісі саласынан дүниежүзі бойынша Австралиядан кейін екінші орынды иеленеді. Ал, жоғары байытылған уранды бейбіт мақсатпен қатар, ядролық қару жасау үшін де пайдалануға болады. Терроризм қаупі қатты белең алған тұста, осы шикізат көзінің лаңкестердің қолына түсіп кетпеуі, бүгінгі уақытта өркениетті елдердің алдаңдаушылығын туғызып отыр. 8-қазан күні шет елдің және Қазақстанның ресми өкілдері мен халықаралық ұйымдардың басшыларының қатысуымен Өскемен қаласында өткен халықаралық симпозиумда ядролық қару жасауда қолданылатын материалдарды жою және олардың қауіпсіздігін қамтамасыз ету, лаңкестер ол материалдарды пайдалана алмаулары үшін қолдан келгеннің бәрін жасау қажеттілігі талқыланды.

қазан 07, 2005

Баспасөзге шолу. 10.07.2005 жыл

Апта соңында жарық көрген тәуелсіз басылымдарда ресми биліктің Қазақстандағы оппозиция басшыларының бірі Ғалымжан Жақияновты түрмеден босатқысы келмей отырғандығы айтылыпты. Ғалымжан Жақияновты мерзімінен бұрын түрмеден босату мәселесін Әділет Министрлігі тағы бір ай кейінге шегеріпті. Ғалымжан Жақияновқа жергілікті тұрғындармен сөйлесуіне толық еркіндік берілгенімен, бұқаралық ақпарат құралдары немесе халықаралық ұйымдардың өкілдерімен қарым-қатынас жасауға қатаң тиым салыныпты.

қазан 06, 2005

Баспасөзге шолу. 10.06.2005 жыл

Бейсенбі күнгі басылымдар ресейлік “Финанс” журналының келешекте Қазақстан мен Ресейдің қосылуы мүмкін екендігі туралы жорамал жасағандығына баса назар аударыпты. Ресейдегі “Политика” қорының президенті Вячеслав Никонов БАҚ-тарға берген сұхбатында бұл арандату мақсатында ойдан шығарылған ақпарат дегенді айтыпты. Мұндай ақпараттың пайда болу себебін Вячеслав Никонов алдағы уақытта Қазақстанда өтетін президент сайлауымен байланыстырыпты.

қазан 05, 2005

Баспасөзге шолу. 10.05.2005 жыл

Сәрсенбі күнгі жарық көрген басылымдарда ұстаздар күнінің аталып өткендігіне орай мақалалар жарық көріпті. Кейбір басылымдар ұстаздар күнін көру үшін шамадан тыс жұмыс жасайтындығын мысалға келтіріп, бұл олардың денсаулығына да, оқу сапасына да қатты әсер ететіндігіне айрықша тоқталыпты. Алматы қаласының әкімі Иманғали Тасмағамбетов те сәрсенбі күнгі жарық көрген басылымдардың басты кейіпкеріне айналыпты.

қазан 04, 2005

Қазақстан мектептеріндегі білім сапасы қандай?

Сейсенбі күні Алматы қаласында Қазақстан Республикасы білім және ғылым қызметкерлерінің форумы болып өтті. Форум жұмысына негізінен республиканың әр аймақтарынан келген білім және ғылым саласының мамандары қатысты.

қазан 01, 2005

“Ардагерлер” үйіндегі қариялардың жағдайы қалай?

Біріккен Ұлттар Ұйымының Бас Ассамблеясы 1-қазанды қарттар күні ретінде жариялағаннан бері бұл күн Қазақстанда да аталып келеді. Тарихи деректерге жүгінсек, қазақ ежелгі дәуірден бері қарияларды, әсіресе өзінің ата-анасын ерекше құрметтеп отырған халық. Алайда сарапшылар соңғы уақыттары қарияларға деген құрметтің төмендеп бара жатқандығын айтады. Олардың келтірген деректеріне жүгінсек, көптеген азаматтар өздерінің ата-аналарын жасы ұлғайғаннан кейін қарттар үйіне апарып орналастырады екен.

қыркүйек 30, 2005

Байқоңыр аймағында тұратын Қазақстан азаматтарының конституциялық құқығы сақталып отыр ма?

Ресми ақпарат бұлақтарының хабарлауынша, Ресей мемлекеті таяу уақытта Байқоңыр аймағында тұратын қазақстандық азаматтардың конституциялық құқығының сақталу мәселесін шешуге уәде берген. Қазақстан Республикасының әділет министрі Зағипа Бәлиева Мәскеу қаласына іссапармен барғанда бұл туралы оны Ресей Федерациясының әділет министрі Юрий Чайка хабардар етіпті.

қыркүйек 29, 2005

Баспасөзге шолу. 09.29.2005 жыл

Тәуелсіз басылымдарда сөз бостандығы тақырыбы көбірек сөз болыпты. “Время принт” баспаханасы тәуелсіз басылымдарды басудан бас тартқаннан кейін, алты бірдей газеттің басшыларының аштық жариялапты. Астанада Дүниежүзі қазақтарының III құрылтайының басталғандығы да бейсенбі күні жарық көрген мерзімді басылымдардың назарынын тыс қалмапты.

қыркүйек 28, 2005

Баспасөзге шолу. 09.28.2005 жыл

Сәрсенбі күнгі жарық көрген басылымдарда алдағы Президент сайлауының қалай өтетіндігіне байланысты түрлі болжамдар жасалыныпты. Кейбір басылымдардың хабарлауынша, алдағы Президент сайлауынан оппозиция шеттетіліп қалуы ықтимал. Өйткені Парламент Мәжілісінің өткен сәрсенбідегі жалпы отырысында депутат Трошихин Орталық Сайлау Комиссиясы мен Бас прокуратураға Жармахан Тұяқбайды сайлау науқанын алдын-ала бастап жіберді деп айып тағыпты. Орталық сайлау комиссиясы бұл мәселені тексеріп, оның нәтижесін айтуға уәде беріпті.