Амангелді КЕҢШІЛІКҰЛЫ

қыркүйек 27, 2005

Қазақстанда тұңғыш рет ер адамдарға арналған дағдарыс орталығы ашылды

Күні бүгінге шейін Қазақстанда тек әйелдердің ғана дағдарыс орталықтары болып келсе, енді ер адамдарға арналған осындай орталық құрылды. Сарапшылардың айтуынша, қазіргі уақытта көптеген отбасылардың бақытсыздыққа ұшырауы, көп жағдайда ер адамдардың қоғамдағы өз орнын таба алмауынан болады екен.

қыркүйек 24, 2005

Қарағандылық студенттер өз наразылығын айтып, университет басшысына ашық хат жолдады

Евней Бөкетов атындағы Қарағанды Мемлекеттік Университетінің журналистика кафедрасының ұстаздары Мартбек Тоқмырза мен Мейрамхан Жәпектің, осы білім ордасында өткізілген конкурстан өтпей қалуы көпшілік тарапынан әр түрлі пікір туғызғандығы туралы “Азаттық” радиосынан хабарланған болатын. Ал, аптаның аяғында, “Азамат kz” басылымында екі оқытушының ұстаздық қызметке өтпей қалуына өз қарсылықтарын білдірген бір топ студенттің Қарағанды Мемлекеттік Университеті ректорының атына жазған ашық хаты жарияланды. Ашық хат авторлары Қарағанды мемлекеттік университеті басшылығының, ұстаздыққа өтпей қалған Мартбек Тоқмырза мен Мейрамхан Жапектің білім дәрежесі туралы студенттердің ой-пікірлерімен санаспағандығына наразылық білдіріпті.

қыркүйек 23, 2005

Алматыда өндіріс орнындағы жарылыстан алты адам зардап шекті

Бейсенбі күні кешке Алматыдағы “Перфект” атты автокөлікке техникалық қызмет көрсету стансасында дәнекерлеу жұмыстары кезінде жарылыс болып, түрлі жарақат алған алты адам ауруханаға жеткізілген. Жұма күні “Азаттық” радиосына түсініктеме берген Алматы қаласындағы төтенше жағдай жөніндегі департаменттің ресми өкілі, бұл оқиғаның орын алуына қарапайым техникалық қауіпсіздік ережелерінің сақталмауы себеп болған деп хабарлады.

қыркүйек 22, 2005

Баспасөзге шолу. 09.22.2005 жыл

Ақын Олжас Сүлейменов бейсенбі күнгі жарық көрген мерзімді басылымдардың басты қаһарманына айналыпты. Ақынның Алматыда іс қағаздарын мемлекеттік тілге көшіруде асығыстық танытуға болмайды деп айтқан пікірі кейбір зиялы қауым өкілдерінің наразылығын туғызыпты. Ал, оппозициялық басылымдарда Олжас Сүлейменовке “биліктің сөзін сөйлеп, сойылын соға бастады” деген айыптар айтыла бастапты. Ақын Олжас Сүлейменовтің өзі мерзімді басылымдарға берген сұхбатында өтпелі кезеңде Қазақстан немесе Ресей секілді көпұлтты мемлекеттерде авторитарлық билік сақталуы тиіс деген ойын білдіріпті.

қыркүйек 20, 2005

Қазақстанда тәуелсіз басылымдар тәркіленіп жатыр

20 қыркүйек күні “Әділетті Қазақстан үшін” қозғалысының өкілдері “Азаттық” радиосына Қазақстанның кейбір аймақтарында оппозициялық бағытты ұстанатын басылымдардың тәркіленіп жатқандығын хабарлады. Олар заң орындарының қызметкерлері заңды негізде тіркелген тәуелсіз басылымдарды ешқандай да негіз-себепсіз тартып алып, оны бөлшек саудада еркін сатуға жол бермей отырғанын айтты.

қыркүйек 17, 2005

Қазақстан Республикасының Бас прокуратурасы бұқаралық ақпарат құралдарын бақылайтын болады

16 қыркүйек күні ҚР Бас прокуратурасы елде президент сайлауы қарсаңында мемлекеттік лауазымды қызмет атқаратын адамдардың жеке ар-ұжданына тиетін ақпараттар жариялаған бұқаралық ақпарат құралдарына жауапкершілікті күшейту туралы мәлімдеме таратты. 17 қыркүйек күні осы мәселеге байланысты “Азаттық” радиосына пікір білдірген кейбір сарапшылар бұл оқиғаны Президент сайлауының алдындағы тәуелсіз басылымдарға қарсы қысымды күшейту мақсатында жасалып жатқан шара ретінде бағалады.

қыркүйек 16, 2005

Қазақстан мен Ресейде есірткі саудасы өршіп барады

Сарапшылар бүгінгі таңда Қазақстанның заңсыз есірткі тасымалы өтетін мемлекеттердің біріне айналғанын айтып отыр. Мамандардың деректеріне жүгінсек, Қазақстан арқылы заңсыз тасымалданатын есірткі заттарының басым бөлігі Ресейге өтеді екен. Қыркүйектің 16-күні Қазақстан Республикасының Ұлттық Қауіпсіздік комитеті Ресейдің федеральдық қызметімен, Есірткі заттарының заңсыз тасымалымен күресу үшін, өзара ынтымақтыстық туралы келісімге қол қойылғандығы туралы ақпарат таратты. Осыған орай “Азаттық” радиосына сұхбат берген кейбір сарапшылар, Қазақстанда заңсыз есірткі тасымалының азаймауының салдарынан, әсіресе қазақ жастарының арасында нашақорлар саны жыл өткен сайын артып келе жатқанын айтады.

қыркүйек 15, 2005

Баспасөзге шолу. 09.15.2005 жыл

Бейсенбі күнгі мерзімді басылымдар алдағы өтетін Президент сайлауына кеңірек тоқталыпты. Орталық Сайлау Комиссиясының басшысы Оңалсын Жұмабеков алдағы Президенттік сайлауға қатысуға ниет білдірген он үміткерді тіркейтіндігін хабарлапты.

қыркүйек 14, 2005

Баспасөзге шолу. 09.14.2005 жыл

Сәрсенбі күнгі мерзімді және кейбір электронды басылымдарда жарық көрген мақалаларда алдағы Президент сайлауының қалай өтуі мүмкін екендігіне байланысты түрлі болжамдар жасалыныпты. Кейбір сарапшылар, Конституция бойынша бір азаматтың тек екі мерзімге Президент болып сайлануға құқысының бар екендігіне қарамастан, он бес жыл бойы билік басындағы Нұрсұлтан Назарбаевтың тағы да жеті жылға сайланатындығын сөз қылыпты.

қыркүйек 13, 2005

Қазақстанда халықаралық ұйымдардың жұмысына бақылау күшейту қажет пе?

Мемлекет басшысы Нұрсұлтан Назарбаевтың 12 қыркүйек күні Азаматтық форум барысында сөйлеген сөзінде, Парламент пен Үкіметтің шетелдік және қазақстандық үкіметтік емес ұйымдардың ҚР Конституциясы мен заңдарын орындауын қатаң бақылайтын болатындығын мәлімдеуі қоғамда түрлі пікір туғызды.

қыркүйек 12, 2005

“Қазақстандағы сайлаушылар лигасы” атты жаңа қауымдастық құрылды

Алматыда 12 қыркүйек күні Қазақстандағы бірқатар үкіметтік емес ұйымдардың өкілдері алдағы республика президенті сайлауының қарсаңында тәуелсіз мониторинг жүргізу үшін “Қазақстандағы сайлаушылар лигасы” қауымдастығын құрғандығын мәлімдеді.

қыркүйек 10, 2005

Баспасөзге шолу 09.10.2005 жыл

Апта соңында жарық көрген тәуелсіз басылымдарда Қазақстандағы оппозиция көшбасшыларының бірі Ғалымжан Жақияновтың төңірегіндегі болып жатқан оқиғалар сөз болыпты. Оппозициялық бағытты ұстанатын кейбір басылымдарда Қазақстан заңнамасына сәйкес Ғалымжан Жақияновтың түрмеден босатылуы тиіс екендігі айтылып, билік тарапынан оны болдырмау үшін түрлі қитұрқы әрекеттердің жасалып жатқандығы хабарланыпты.

қыркүйек 09, 2005

“Отан” партиясының кезектен тыс VIII құрылтайы өтті

Қыркүйектің 9-күні Алматыдағы “Республика” сарайында таңертеңгі сағат тоғыздан бастап, “Отан” партиясының кезектен тыс сегізінші құрылтайына дайындық жұмыстары басталды. Әсіресе, “Отан” партиясының жейделерін киіп алған жастар, құрылтай басталмай жатып-ақ, Қазақстан Президенті Нұрсұлтан Назарбаевты қарсы алуға айрықша дайындалды. Қолдарына жалаушаларын ұстап алған олар, “Отан!”, “Нұрсұлтан!” деп жарыса ұрандап, айғайлаумен болды.

қыркүйек 08, 2005

Баспасөзге шолу. 09.08.2005 жыл

Бейсенбі күнгі жарық көрген басылымдарда, Қазақстан Республикасы президенттігіне үміткерлерді тіркеудің басталғандығы хабарланып, қазіргі уақыттағы болып жатқан саяси оқиғаларға байланысты мақалалар жарық көріпті. Ұлыбританияның біріккен корольдігі мен Солтүстік Ирландияның төтенше әрі өкілетті елшісі Джеймс Шарп - Еуропа Одағының Қазақстандағы демократия мәселесіне қатты алаңдаушылық танытып отырғандығын мәлімдепті.

қыркүйек 07, 2005

Баспасөзге шолу. 09.07.2005 жыл

Сәрсенбі күнгі жарық көрген басылымдар, Жаңа Орлеандағы Катрина дауылынан зардап шеккендердің тағдырына айрықша назар аударыпты. Қазақстан Президенті Нұрсұлтан Назарбаев АҚШ экс-президенті Билл Клинтонмен кездесуі кезінде АҚШ-тағы табиғат апатынан зардап шеккендерге қаржылық жағынан қолдау көрсетуге уәде беріпті.

қыркүйек 06, 2005

“Ақ жол” партиясы елде президент сайлауымен бір мезгілде референдум өткізу туралы бастама көтерді

Қыркүйектің 6-күні Алматыда «Ақ жол» саяси партиясының төрағасы Әлихан Бәйменов бұқаралық ақпарат құралдары арқылы жоғарғы билікке арнап, елде алдағы президент сайлауымен бір мезгілде қоғамды демократияландыру жайлы бүкілхалықтық референдум өткізу туралы мәлімдеме жасады.

қыркүйек 03, 2005

Сайлау алдында тіл де саяси ойынның құралына айналды

Қазақстан тәуелсіздік алғаннан бері қоғамда тіл мәселесі күн тәртібінен түспей келе жатқан өзекті тақырыптардың бірі болып келеді. Өткен жылы мемлекет басшысы Парламент депутаттарының алдында екі сағат бойы тек мемлекеттік тіл - қазақ тілінде сөйлегенде, кейбір сарапшылар президент сайлауының алдында Нұрсұлтан Назарбаевтың мемлекеттік тіл саясатына байланысты қатқыл қадамдарға баруы мүмкін екендігі туралы сәуегейлік жасаған еді. Алайда, биылғы тамыз айының 24-күні республика жұртшылығымен тікелей эфир арқылы сұхабаттасқан Қазақстан Президенті мемлекеттік тіл мәселесіне тоқталған жоқ. Ал, қыркүйектің 2-күні Түркістанда зиялы қауым өкілдерімен кездескен Н.Назарбаев тіл саясатында ұстамдылықтың қажет екендігін айтып, тіл білмегені үшін ешкімді де жазғыруға болмайтынын мәлімдеді.

қыркүйек 02, 2005

Алматыда жер телімдері сатылды

Қыркүйектің 2-күні Алматы қаласындағы кейбір бос жер телімдерін сатуға байланысты, осымен үшінші рет аукцион өткізілді. Бастапқы бағасы 150 мың теңгеден жоғары болған кейбір жер телімдері ашық өткізілген аукцион барысында 36 миллион теңгеге сатылды.

қыркүйек 01, 2005

Баспасөзге шолу. 09.01.2005 жыл.

Бейсенбі күнгі жарық көрген басылымдар Қазақстан президенті Нұрсұлтан Назарбаевтың республика жұртшылығымен тікелей зфир арқылы сұхбаттасқандығына айрықша назар аударыпты. Қазақстан Президенті тікелей эфир арқылы республика жұртшылығымен сұхбаттасқан кезде, оның атына 23 мыңнан астам азаматтардан сауал келіп түсіпті. Президент әкімшілігі таратқан мәліметтерге жүгінсек, ол сауалдардың 60-70 проценті зейнетақы, еңбекақы және әлеуметтік көмекпен байланысты екен.

тамыз 30, 2005

Алматы қаласында Конституцияның 10 жылдығы мерекеленді

Жыл сайын 30 тамыз күні Алматы қаласындағы “Республика” алаңында Конституция күнін мерекелеу дәстүрге айналды. Сейсенбі күні де осы дәстүр бұзылмай, Алматы қаласының кейбір тұрғындары Конституция күніне орай ұйымдастырылған мерекелік шараны тамашалау үшін Республика алаңына жиналды.