Жұлдыз ТӨЛЕУ

Авторы: Жұлдыз ТӨЛЕУ

• желтоқсан 21, 2006

  Түркіменбашы туралы қазақстандық саясаткерлердің пікірлері

  Бейсенбі күні Түркіменстан президенті Сапармұрат Ниязов жүрек ауруынан қайтыс болғаны туралы хабар тарады. Түркіменбашы 1991 жылдан бері елін басқарып келген. Түркімен елі оны мәңгілік президент етіп те сайлаған еді. 15 жыл елін басқарған Түркіменбашының есімі тарихта қалай қалады?

• желтоқсан 12, 2006

  Баспасөз заңы жөнінде белсенділік танытып жүрген Парламент депутаты Дариға Назарбаева бұрынғы ақпарат министрінің қазасына қатысты ештеңе айтқысы келмейді

  Журналистер конгресі төрағалығына қайта сайланған Парламент Мәжілісінің депутаты, президенттің үлкен қызы Дариға Назарбаева сейсенбі күні таяуда парламентке ұсынған «Бұқаралық ақпарат құралдары туралы» заң жобасын толықтыру үшін қайта шақырып алғанын мәлімдеді. Сонымен бірге журналистер конгресі қоғамдық телеарнаның тұжырымдамасын да әзірлеп жатқан көрінеді. Алайда оны қаржыландыру мәселесі сұрақ күйінде қалып тұр дейді. Журналистер конгресінің өкілдері.

• желтоқсан 08, 2006

  Қастандықпен өлтірілген оппозиция қайраткері мен серіктеріне қатысты істі қараған Жоғарғы Сот Алматы облыстық сотының үкімін күшінде қалдырды

  Жұма күні Қазақстанның Жоғарғы Сотында белгілі қоғам қайраткері, оппозициялық саясаткер Алтынбек Сәрсенбайұлы мен оның көмекшілерін өлтірді және тапсырыс берді деп Алматы облыстық сотының үкімімен жазаланғандардың апелляциялық шағым-арызына байланысты сот үкімі шығарылды. Жоғарғы Соттың шешіміне сәйкес, сотталушылардың жазалары сол күйінде қалдырылды. Алматы облыстық сотының үкімі әділетті деп танылды. Ал қастандықпен кісі өлтіруге тапсырыс берген деп сотты болып отырған Ержан Өтембаевтың әйелі Людмила Тен болса қамауда отырған жұбайының Астанадағы бұл сот отырысының басталып, аяқталғанын да білмегенін айтады.

• желтоқсан 07, 2006

  Рустам Ибрагимовтың адвокаты Нұрлан Устемиров алдыңғы сот үкімі күшінде қалса, шындықты айтатындығын мәлімдеді

  Бейсенбі күні Қазақстан Республикасының Жоғарғы Сотында белгілі қоғам қайраткері Алтынбек Сәрсенбайұлы мен оның көмекшілері Бауыржан Байбосын және Василий Журавлевті өлтірді және тапсырыс берді деп сотталғандардың апелляциялық арызына байланысты сот отырысы аяқталды. Сот үкімі желтоқсанның 8-іне қалдырылды. Ал мемлекеттік айыптаушы Алматы облыстық сотының үкімімен толық келісетіндігін айтып, сот төрешісінен сотталушылардың жазаларын жеңілдетпеуін сұрады.

• желтоқсан 06, 2006

  Рустам Ибрагимов Бас прокурор мен Ішкі істер министрі өзімен бірнеше рет кездесіп, қысым жасағанын мәлімдеді

  Астанада Жоғарғы Сотта белгілі қоғам қайраткері, оппозиционер Алтынбек Сәрсенбайұлы мен оның серіктері Бауыржан Байбосын және Василий Журавлевті қастандықпен өлтіруге қатысқан деп танылып, Алматы облыстық соты үкімімен сотталғандардың апелляциялық шағымы бойынша сот отырысы өтіп жатыр. Сәрсенбі күнгі сот отырысында, облыстық соттың үкімімен өлім жазасына кесілген Рустам Ибрагимов өзінің кісі өлтірмегенін және өзіне тергеу барысында Республиканың Бас прокуроры мен Ішкі істер министрінің тікелей қысым жасағанын мәлімдеді.

• желтоқсан 05, 2006

  Жоғарғы Сотта Алтынбек Сәрсенбайұлы және оның көмекшілерінің өліміне қатысты сот мәжілісі басталды

  Сейсенбі күні Қазақстанның Жоғарғы Сотында қоғам қайраткері Алтынбек Сәрсенбайұлы және оның көмекшілерінің өліміне қатысы бар деп сотталғандардың апелляциялық арыз-шағымына байланысты сот отырысы басталды. Алматы облыстық соты кісі өлтіруге тапсырыс беруші деп Ержан Өтембаевты 20 жылға, үш адамды өлтірген деп Рустам Ибрагимовті өлім жазасына және қылмыстық іске қатысы бар деген Виталий Мирошников, Алымжан Газиев, Еділ Абикенов, Нұркен Едигеев, Расхан Еспембетов, Ерлан Ералиев, Асылан және Ерғали Касымовтар әртүрлі жазаға тарту туралы үкім шығарған болатын. Жоғарғы Сотта өткен сот отырысының алғашқы күні жәбірленуші жақ, мемлекеттік айыптаушы және сотталушы жақтардың өтініштері қаралды.

• қараша 14, 2006

  Астанада АҚШ елшілігі ресми түрде ашылды

  Сейсенбі күні Астанада АҚШ елшілігінің ресми ашылу рәсімі өтті. Ашылу салтанатына Қазақстан президенті Нұрсұлтан Назарбаев, АҚШ Мемлекеттік департаменті Шетелдегі ғимараттарды басқару бюросының директоры генерал Чарльз Э. Уиллямс және Қазақстанның саяси күштерінің лидерлері, қоғамдық ұйымның өкілдері қатысты.

• қараша 10, 2006

  АҚШ елшілігі Алматыдан Астанаға қоныс аударды

  Жұма күні АҚШ-тың Қазақстандағы Төтенше және өкілетті елшісі Джон Ордвей қазақстандық бұқаралық ақпарат құралдары өкілдеріне таяуда салынып біткен АҚШ елшілігін аралатып көрсетті. Елшіліктің ресми ашылуы қарашаның 14-де Қазақстан президентінің қатысуымен өтеді деп жоспарланып отыр. Джон Ордвей сонымен бірге таяуда АҚШ-те өткен парламент сайлауы жөнінде өзінің пікірін білдірді.

• қараша 09, 2006

  Парламентте Оңтүстік Қазақстан облысында балалар арасында вич-инфекциясы індетінің үдеуіне байланысты құрылған комиссияның күші жойылды

  Бейсенбі күні депутаттар Оңтүстік Қазақстан облысында балалар арасында вич-инфекциясы індетінің үдеуіне байланысты Парламент Мәжілісінде құрылған комиссияның күшін жойды. Оңтүстік Қазақстан облысынан сайланған кейбір депутаттар бұл мәселеге енді қайтып оралмауын сұрады. Ал Шымкенттен сайланған Амалбек Тшанов өзінің жерлес депутаттарына ренжіп отыр. Өйткені оңтүстіктен сайланған депутаттар келер жылғы бюджеттен Оңтүстік Қазақстан облысына вич-инфекциясымен ауырған балаларға қосымша қаражат бөлуге қарсы болыпты.

• қараша 08, 2006

  Мәжіліс депутаты Амангелді Айталы: «Ер мен әйелдің тең құқығы дегеннен гөрі, Қазақстанға көп әйел алу мәселесі маңыздырақ болмақ»

  Сәрсенбі күні бір топ депутаттар «Әйелдер мен ерлердің тең құқықтары мен бірдей мүмкіндіктері туралы» заң жобасын Мәжілістің қарауына енгізді. Мәжілістегі әйел депутаттардың айтуларына қарағанда, Қазақстанда мемлекеттік және қоғамдық өмірдің барлық салаларындағы гендерлік пен әріптестік ынтмақтастыққа жағдай жасайтын нормативтік құқықтық акті жоқ. Алайда Парламент Мәжілісінің депутаты Амангелді Айталы Қазақстанның демографиялық проблемаларын шешу үшін гендерлік саясаттан гөрі көп әйел алу туралы мәселе маңыздырақ дейді.

• қараша 07, 2006

  Шәмшінің «Менің Қазақстаным» әні жазылғанына биыл 50 жыл толды

  300-ге тарта музыкалық туынды жазып кеткен Қазақстанның халық әртісі Шәмші Қалдыаяқовтың «Менің Қазақстаным» әнінің жарыққа шыққанына биыл 50 жыл толды. Кеңес Одағы заманында тың игеру жерлерін Ресейге қосудан сақтап қалған «Менің Қазақстаным» әні бүгінде Қазақстанның мемлекеттік ән ұраны. Алайда, Қазақстанның кейбір аймақтарында ән ұранды кез-келген той-жиындарда айтқызуға тыйым салыпты.

• қараша 02, 2006

  Қаржы полициясы Болат Әбіловке қарсы қылмыстық істе саяси астар жоқ дейді

  «Бутя Капитал» инвестициялық – жекешелендіру қорының қаражаттарын талан-таражға салу фактісі бойынша қор акционерлерінің бұрынғы басшылары Болат Әбілов, Бауыржан Қарабековтарға қатысты қылмыстық істі тергеу жұмысы аяқталып, іс сотқа берілді. Таяуда Алматы қаласындағы Алмалы аудандық соты қылмыстық іске байланысты шешімін жариялайтын болады. Қазақстанның экономикалық қылмысқа және сыбайлас жемқорлыққа қарсы күрес агенттігінің төраға орынбасары Рүстем Ыбырайымов хқарашаның 2-күні осылай деп хабарлады. Ал оппозиция белсенділері бұл істің саяси астары бар деп бағалайды. Таяуда Болат Әбіловті қорғау мақсатында қоғамдық комитет құрылған болатын.

• қазан 24, 2006

  Назарбаев қазақ әліпбиін латынға көшіруді қайта талқылауды ұсынды

  Астанада Бейбітшілік пен келісім сарайында Қазақстан халықтары Ассамблеясының он екінші сессиясы өтті. Онда халықтар ассамблеясының төрағасы, президент Нұрсұлтан Назарбаев Қазақстан халқының барлығы мемлекеттік тіл – қазақ тілін білуі керек деген міндеттеме қойды. Сонымен бірге елдегі саясатқа өзге ұлт өкілдері де араласуы қажет деп, ал парламентке халықтар ассамблеясынан арнайы квота бөліну жөнінде мәселе көтерді.

• қазан 18, 2006

  ВИЧ-инфекциясын жұқтырған сәбилер жемқорлықтың құрбаны болып отыр, дейді Шымкентке барып келген депутаттар

  Оңтүстік Қазақстан облысында қан құю салдарынан балалардың жаппай ВИЧ-инфекциясын жұқтыруына байланысты Парламент Мәжілісінің депутаттары арнайы комиссия құрып, Шымкентке барып келді. Комиссияның қорытындысы жөнінде сәрсенбі күні өткен Мәжілістің жалпы отырысында депутат Серік Әбдірахманов таныстырды. Жалпы Шымкентке барып келген комиссия мүшелері орын алған ахуалдың астарында коррупция тұрғандығын айтады.

• қазан 17, 2006

  Ресми Астана лаңкестік пен экстремизмге қарсы күрестің құралын мәдениет мен рухтан іздеп отыр

  17-қазан Рухани келісім күнінде Астанаға жиналған әлемнің мәдени өкілдері саясат лаңкестікке қарсы күрестің құралы бола алмайды деп топшылайды. Сондықтан да экстремизм мен лаңкестікпен енді мәдениет адамдары күресіп көрмекші.

• қазан 11, 2006

  «Ақ жол» партиясының басшысы Ә.Бәйменовтің Парламент мүшесі ретінде жұмысқа кірісуін бірқатар депутаттар құптамай отыр

  Екі жылдан кейін ғана Қазақстан Парламенті Мәжілісі мүшелерінің саны Конституцияға сай келіп отыр. Сәрсенбі күні «Ақ жол» партиясының төрағасы Әлихан Бәйменов 77-ші депутат болып Мәжілістің жалпы отырысына қатысты. Қазақстан Конституциясының 50-ші бабында Мәжіліс 77 депутаттан тұрады деп жазылған. Әлихан Бәйменовтің депутат болып келуін бірқатар әріптестері қош көрсе, енді бірі «парламентке келгісі келсе келетін тәлпіштерді заң арқылы орындарына қою керек» деп отыр.

• қазан 03, 2006

  Орталық сайлау комиссиясы «Ақ жол» партиясының төрағасы Әлихан Бәйменовке Мәжіліс депутаты куәлігін берді

  Парламент Мәжілісінің сайлауы өткеннен кейін екі жылдан соң «Ақ жол» партиясының төрағасы Әлихан Бәйменов депутаттық мандатын пайдаланатын болды. Сейсенбі күні Орталық сайлау комиссиясы тиісті қаулы қабылдап, Әлихан Бәйменовқа Парламент Мәжілісінің депутаты деген куәлік берілді.

• қазан 02, 2006

  Келесі жылы Қазақстанда парламент сайлауы өтуі мүмкін бе?

  Орталық сайлау комиссиясына 2007 жылдың республикалық бюджетінен төрт жарым миллиард теңге бөлініп отыр. Бұл биылғы жылмен салыстырғанда бес есеге көп. Үкімет бөлінген қаржыға да түсініктеме береді. Онда бұл қаржының мәслихат, сенат және мәжіліс сайлауларын өткізуге арналғаны айтылған. Алайда Қазақстан Конституциясына сәйкес мәжіліс сайлауы 2009 жылы өтуі тиіс. Демек келесі жылы Қазақстанда кезектен тыс парламент сайлауы өтуі мүмкін бе?

• қыркүйек 28, 2006

  Қайрат Келімбетов: «Қазына» қоры басшыларының еңбек табыстары 5 мың доллардан аспайтын болады

  «Қазына» орнықты даму қорының басқарма басшысы Қайрат Келімбетов даму институттарының акция пакеттері толығымен өзі басқаратын қордың қарамағына берілгенін хабарлады. Қайрат Нематұлының айтуынша, қордың қазынасында 1,5 млрд. АҚШ доллары бар. Болашақта инвестициялық қаражат 3-5 млрд. долларға жетуі керек дейді. Ал «Қазына» қорына кіретін даму институттарының басшылары осыған дейін алып келген жоғары еңбек ақыларының бонустарын қорға қайтаратын болады, – дейді Қайрат Келімбетов.

• қыркүйек 27, 2006

  Мәжіліс депутаттары ұлттық компания табыстарын зерттеу үшін комиссия құрды

  Парламент Мәжілісінің депутаттары ұлттық компаниялар басшыларының шын мәнінде қанша еңбек ақы алатындығын тексеретін комиссия құрды. Комиссия қорытындысын 2006 жылдың 1-желтоқсанына дейін жариялайтын болды. Депутаттардың комиссия құруына Қазақстан президентінің қауіпсіздік кеңесінде сөйлеген сөзі себепкер болып отыр. Онда мемлекет басшысы ұлттық компания басшыларының, мысалы «Қазақтелеком» басшысы 365 мың доллар жалақы алатындығын айтып сынға алған болатын.

Тағы