Амангелді КЕҢШІЛІКҰЛЫ

Баспасөзге шолу. 19 қаңтар 2005 жыл.

Сәрсенбілік басылымдар Қазақстан мен Ресей арасында шекараны делимитациялау мәселесінің аяқталғандығын атап өтіпті. Сондай-ақ келесі жылы Қазақстанда оппозициялық партиялар мен тәуелсіз басылымдарға қысым күшейе түсетіндігі туралы болжам жасапты.

Баспасөзге шолу. 18 қаңтар 2005 жыл.

Сейсенбілік газеттер өткен аптада қазақ-өзбек шекарасында болған қақтығыс салдарынан бір өзбек азаматының қаза тауып, тағы бір өзбек азаматының жараланғандығы туралы жазған. Кейбір сарапшылар бұл оқиға екі ел арасындағы жағдайдың ушығуына түрткі болуы мүмкін деген жорамал жасапты.

Баспасөзге шолу. 15 қаңтар 2005 жыл.

Апта соңында шыққан газеттерде Алматыдағы мамандандырылған экономикалық соттың шығарған “Қазақстанның демократиялық таңдауы халықтық партиясын” жабу туралы шешіміне байланысты мақалалар жарияланған. Оппозициялық газеттер мұны Қазақстанда мерзімінен бұрын өтуі мүмкін президенттік сайлаумен байланыстырған.

Баспасөзге шолу. 14 қаңтар 2005 жыл.

Жұма күні жарық көрген басылымдарда Ирактың Васит провинциясында болған жарылыстан қаза тапқан қазақ жауынгері Қайрат Құдабаевтың денесінің Қазақстанға жеткізілгендігі туралы мақалалар жарық көріпті.

Баспасөзге шолу. 13 қаңтар 2005 жыл.

Бейсенбілік тәуелсіз басылымдар Алматының мамандандырылған экономикалық соты шығарған “Қазақстанның демократиялық таңдауы” халықтық партиясын жабу туралы шешіміне АҚШ елшілігі мен кейбір халықаралық ұйымдардың алаңдаушылық танытқанын жазыпты.

Баспасөзге шолу. 12 қаңтар 2005 жыл.

Сәрсенбілік басылымдар Ресей президенті Владимир Путиннің Қазақстанға жоспардан тыс жұмыс сапарына айрықша назар аударыпты. Ал Ирактың Васит провинциясындағы жарылыстың алдын-ала ойластырылған террористік шабуыл болуы мүмкін екендігі туралы болжамдар айтылыпты.

Баспасөзге шолу. 11 қаңтар 2005 ж.

Мерзімді басылымдарда Ирактағы бітімгершілік күштер қатарында жүріп қаза тапқан капитан Қайрат Құдабаев және жарақат алған төрт қазақстандық азамат туралы мақалалар жарық көрді.

Баспасөзге шолу. 8 қаңтар 2005 жыл.

Мерзімді басылымдарда “Қазақстанның демократиялық таңдауы халықтық партиясын” мәжбүрлеп тарату туралы шыққан сот шешіміне орай Алматы қалалық прокуратурасы баспасөз құралдарына түсініктеме бергендігі айтылыпты.

Баспасөзге шолу. 7 қаңтар 2005 жыл.

Жұма күнгі баспасөз Алматының ауданаралық экономикалық соты “Қазақстанның демократиялық таңдауы халықтық партиясы” қоғамдық бірлестігін жабу туралы шешім шыққанын хабарлапты. Сондай-ақ басылымдар Қазақстан ұлттық банкінің экс-төрағасы Григорий Марченконың қаржы саласына қайта оралғанын жазыпты.

Баспасөзге шолу. 6 қаңтар 2005 жыл.

Мерзімді басылымдарда Алматыда “Қазақстанның демократиялық таңдауы” халықтық партиясына қарсы алдын-ала сот тыңдаулардың болып өткендігі, сол сияқты Заманбек Нұрқаділовтың жауапқа тартылуы мүмкін екендігі баяндалыпты.

Ресейдің Қазақстандағы жылы қалай өтті?

2004 жыл Ресейдің Қазақстандағы жылы болып жарияланғаны белгілі. Бұл екі елдің арасындағы қарым-қатынастың жақсаруына ықпал етті ме?

Мерзімді басылымдарда жаңа жыл барысында болып жатқан жаңылықтарды хабарлаған және өтіп бара жатқан жылды қорытындылаған мақалалар жарық көріпті.

Апталық басылымдар өткен жылдың оқиғаларын қорытындылыпты. Сондай-ақ мерзімді басылымдарда жаңа жыл қарсаңында Оңтүстік-Шығыс Азияда орын алған жер сілкінісінің салдарынан Тайландта жүрген қазақстандық азаматтардың жарақат алғандығы және кейбіреуінің хабар-ошарсыз кеткендігі туралы хабарлапты.

Баспасөзге шолу. 12. 25. 2004

Тәуелсіз басылымдарда Алматы қаласының жаңадан тағайындалған әкімі Иманғали Тасмағамбетовтың қатысы бар деп айтылып жүрген “Қазақстан темір жолындағы” миллиондаған доллар қаржының қалай талан-таражға түскендігі туралы айтылыпты. Сондай-ақ апта соңында жарық көрген басылымдарда “ТұранӘлем” банкі басқармасының төрағасы Ержан Тәтішовтың қазасына байланысты түрлі жорамалдар жасалыныпты.

Баспасөзге шолу. 12. 24. 2004

Тәуелсіз басылымдарда “Қазақгейт” тақырыбы сөз болыпты. Экс-премьер Әкежан Қажыгелдин таяуда Александр Машкевич жетекшілік ететін “Еуразиялық топ” өкілдерінің Қазақстан Президенті Нұрсұлтан Назарбаевқа Америка Құрама Штатындағы “Қазақгейт” сот процесіне байланысты оқиғаға араласып, оны шешіп беруге уәде бергендерін хабарлапты.

Баспасөзге шолу. 12. 23. 2004

Тәуелсіз басылымдарда Шығыс Қазақстан облысы жұртшылығының жаңадан тағайындалған әкім Виктор Храпуновты аса қуанышты сезіммен қарсы алмағандығы және Алматы қаласының экс-әкімінің талай заңсыздықтарға жол бергендігі туралы деректер келтіріліпті. Сондай-ақ мерзімді басылымдарда “ТұранӘлем” банкі басқармасының төрағасы Ержан Тәтішовтың өз ажалынан қаза тапқандығының күмән туғызатын тұстарының көп екендігі айтылыпты.

Баспасөзге шолу. 12. 22. 2004

Сәрсенбі күні жарық көрген басылымдарда “ТұранӘлем” банкі басқармасының төрағасы Ержан Тәтішовтың қазасына байланысты түрлі жорамалдар айтылыпты. Сондай-ақ мерзімді басылымдарда Ержан Тәтішов қаза тапқан көлікте, қылмыстық топтың басшыларының бірі болған деген бейресми ақпараттың пайда болғандығы хабарланыпты.

Баспасөзге шолу. 12. 21. 2004

Мерзімді басылымдарда Алматы қаласының жаңадан тағайындалған әкімі Иманғали Тасмағамбетовке көптеген проблемаларды шешуіне тура келетіндігі айтылыпты. Сондай-ақ сейсенбі күнгі мерзімді басылымдарда “Тұран Әлем” банкі басқармасының төрағасы Ержан Тәтішовтың жұмбақ өлімі туралы әр түрлі болжам жасалыныпты.

Баспасөзге шолу. 12. 18. 2004

Мерзімді басылымдарда Қазақстан тәуелсіздігі туралы мақалалар жарық көріпті. Оппозициялық бағытты ұстанатын басылымдарда “Қазақгейт” сот процесінің кейінге қалдырылғандығы хабарланыпты.

Баспасөзге шолу. 12. 17. 2004

Мерзімді басылымдарда желтоқсан қанды қырғын оқиғасы туралы мақалалар жарық өріпті. “Деловая неделя” апталығының бірінші бетінде жарық көрген бас мақалада Қазақстан мемлекетінің тәуелсіздік алғанына мүшел жас толғандығын атап өтіпті.