Азаттық радиосы

Авторы: Азаттық радиосы

• қараша 02, 2017

  Өзбек "содырдың" ата-анасы да тергеліп жатыр

  АҚШ прокурорлары Нью-Йоркте велосипед теуіп жүрген адамдарды қазанның 31-і күні көлікпен таптаған өзбекстандық иммигрантқа «терроризм» айыбын тақты. Шабуыл кесірінен сегіз адам мерт болған еді. ФБР Саиповтың "серігін" тапқандарын хабарлады. Ал Нью-Йорк билігі қарашаның 5-і күні өтетін марафонның қауіпсіздігіне алаңдайды.

• қараша 01, 2017

  Чайковскийдің ескерткішін алып тастамақ

  Жұртқа танылғанына біраз болған Игорь Чайка (Мәскеу облысы губернаторының экс-кеңесшісі, Ресейдің бас прокуроры Юрий Чайканың баласы. – ред.) «Зальцбургте - Моцарт , ал Клинде Чайковский туған» деген уәжбен Мәскеу облысындағы Клин қаласын «Зальцбургке айналдыруға» жуырда ғана уәде еткен болатын. Жергілікті билік бұл мәселені өзгеше жолмен шешіп, қала орталығынан Чайковскийдің ескерткішін алып тастауды ұйғарған.

• қараша 01, 2017

  Өзбек "содыр" ұсталған соң тексеріс күшейді

  Нью-Йорктегі сегіз адам қаза тапқан "террорлық шабуылды" жасады деген күдіктінің АҚШ-қа Өзбекстаннан көшіп келгені анықталды. Ол қала көшесінде жүрген адамдарды көлікпен таптаған. АҚШ президенті Дональд Трамп иммигранттарды жаппай қатаң тексеруге бұйрық берді.

• қазан 31, 2017

  Украина Манафорттың істі болғанына қуанды

  АҚШ президенті Дональд Трамптың сайлау науқанын басқарған Пол Манафортқа Вашингтон айып тақты. Украинаны Янукович басқарған кезде оның кеңесшісі болғаны үшін Манафортты ұнатпайтын Украина азаматтары қазанның 30-ы күні қабылданған ФБР шешіміне қуанып жатыр.

• қазан 31, 2017

  Шекарадағы "жаңа кедергілер"

  Қырғызстан кәсіпкерлері Қазақстанның бақылау бекеттеріндегі күшейтілген режимге шекарадан өткеннен кейінгі негізсіз тексерулер қосылды деген шағым айтады. Ал Қазақстандағы тексеруші органдар қырғыз тасымалдаушылдары тарапынан заң бұзылып жатқанын хабарлады.

• қазан 30, 2017

  Трамп сайлау штабының экс-басшысы істі болды

  АҚШ президентінің сайлау штабын басқарған кәсіпкер Пол Манафортқа Украинамен заңсыз бизнес жасау және салықтан жалтару айыбы тағылды.

• қазан 30, 2017

  "Адамдарды үрейде ұстау үшін сабайды"

  Бір жыл бұрын Ильдар Дадин Карелиядағы №7 түзету колониясында (ИК-7) отырған тұтқындарды ұрып-соғуға қатысты сұмдық жайттарды жария етудің сәті түскен болатын. Дадин – Ресейдегі "митингілерде бірнеше мәрте заң бұзу" бабы бойынша сотталған жалғыз адам. Оның мәліметтері БАҚ беттеріне жарияланып, көп ұзамай Дадинді Карелиядан этаппен ауыстырып жіберген. Кейін оны мүлде босатып қоя берді. Ол кезде Ильдарға келіншегі Анастасия Зотованың көмегі көп тиген еді. Енді ол адам құқығын қорғау қозғалысымен бірлесіп «Территория пыток» жобасында жаза өтеу орындарындағы зорлық-зомбылық проблемасымен айналысып жүр.

• қазан 30, 2017

  Басшылардың марапатқа бөленген балалары

  2017 жылы қазанның 27-сі күні Түркіменстанның Тәуелсіздік күні мерекесінде әскери қызметкерлер осы елдің президенті Бердімұхаммедовтің әкесінің атындағы медальмен марапатталды. Марапатталғандар арасында Түркіменстан президенті Гурбангулы Бердімұхаммедовтің баласы, майор Сердар Бердімұхаммедов те бар. Орталық Азия елдерінде мемлекет басшыларының балалары жиі марапатталады. Қазақстан президенті Назарбаевтың екі қызы Дариға Назарбаева мен Динара Құлыбаева "Парасат" ордендерімен, күйеубаласы Тимур Құлыбаев "Барыс" орденімен марапатталған.

• қазан 27, 2017

  Жаңа әліпбимен таныстыңыз ба?

  Қазақстан президенті "Қазақ тілі әліпбиін кириллицадан латын графикасына көшіру туралы" жарлық шығарды. Қазақстандықтар жаңа әліпби нұсқасы туралы қандай пікірде? Азаттық тілшілері осы сауалды Қазақстанның бірнеше қаласының тұрғындарына қойып көрді.

• қазан 27, 2017

  "Қазақ шекарасынан өтпейтін жол салу қажет"

  Қырғыз президенті Алмазбек Атамбаев "қазақ-қырғыз шекарасындағы кейінгі оқиғалар Қытай-Қырғызстан-Өзбекстан теміржол желісін жедел арада жобалап, салу қажеттігін көрсетті" деп мәлімдеді. Қырғыз лидері "кейінгі оқиғалардың Еуразия экономикалық одағынан көп үміт күтпеу керек екенін де аңғартқанын" айтты.

• қазан 27, 2017

  Ресей тұтқынынан шыққан екі белсенді

  Ресей аннексиялаған Қырымда сотталып, түрмеге қамалған Қырым татарлары Меджлисі төрағасының орынбасарлары, Украина азаматтары Ахтем Чийгоз бен Ильми Умеровті Түркияға ұшақпен жеткізді. Мәскеудің оларды қандай шартпен қамаудан босатқаны әлі анық емес. Екеуі жұма күні Киевке баруы тиіс.

• қазан 26, 2017

  Қырғыз-өзбек шекарасынан өткізу артты

  Қырғызстан шекара қызметі Өзбекстан шектеулерді алып тастағаннан кейін қырғыз-өзбек шекарасындағы тексеру бекеттерінде жолаушылар мен көліктерді өткізу үш есеге көбейгенін айтады.

• қазан 26, 2017

  ЕАЭО-дағы "қазақ-қырғыз дауын" түрліше бағалайды

  Қазанның 25-і күні Арменияда өткен ЕАЭО үкіметаралық кеңесі отырысында Қазақстан премьер-министрі Бақытжан Сағынтаев Қырғызстанды Қытайдан әкелінген тауарларды жасырып, ЕАЭО-ның кедендік және салықтық заңнамасын бұзып отыр деп айыптады. Қырғызстан экономика министрі Артем Новиков «ондай проблема ЕАЭО-ның барлық елдерінде бар» дейді. Қазақстан шекарасынан қырғыз тауарларын тиеген жүк көліктерін өткізу проблемасы ЕАЭО жиыны өткен Ереванда да шешілмеді.

• қазан 25, 2017

  "Жарты құдайға" айналған Си Цзиньпин

  Қытай коммунистерінің қазанның 24-і күні аяқталған 19-съезінде Қытай коммунистік партиясының жарғысына ҚКП бас хатшысы, ҚХР төрағасы Си Цзиньпиннің есімі мен саяси идеялары енгізілді. Партияның ресми баспасөзі жазғандай, съездің ашылу рәсімінде сөйлеген әрі үш жарым сағатқа созылған бағдарламалық сөзі "тарихқа енген" Қытайдың қазіргі басшысы осылайша көзі тірісінде ҚХР-дың жаңа тарихындағы айтулы екі тұлға - Мао Цзедун мен Дэн Сяопинмен теңесті.

• қазан 25, 2017

  Әлішер Саиповтың музей-үйі

  Қырғызстанның Ош қаласында журналист Әлішер Саиповтың музей-үйі ашылды. Билікті сынайтын мақалаларымен танымал журналисті 2007 жылы 24 қазанда Ошта атып өлтіріп кеткен еді.

• қазан 24, 2017

  Бишімбаевтың адвокаттары мен тергеушілерінің дауы

  Қазанның 24-і күні Астанада коррупция айыбымен тергеліп жатқан бұрынғы ұлттық экономика министрі Қуандық Бишімбаевтың адвокаттары тергеушілер таққан айыптармен келіспейтіндерін мәлімдеді. Олар "істе дәлелдер жоқ, жауапкершіліктен құтылғысы келген бір кісі бар пәлені Бишімбаевқа жауып отыр" дейді. Ал қазанның 19-ы күні коррупцияға қарсы ұлттық бюро тергеушілері Бишімбаевтың "қылмыстары дәлелденгені" туралы брифинг берген еді.

• қазан 24, 2017

  Оралмандар Қытайда қамаудағы туыстарының дерегін білуді сұрады

  Оралмандар Қытайда қамаудағы туыстарының дерегін білуді сұрады

• қазан 24, 2017

  Қазақстан СІМ Қайрат Әбдірахманов Қытайда қысым көрген қазақтар мәселесі туралы

  БАҚ өкілдерінің Қытайда қысым көрген қазақтар туралы сауалына жауабында Қазақстан сыртқы істер министрі Қайрат Әбдірахманов "қазақ диаспорасының шетелдегі мүдделерін, олардың құқықтарын қорғау – біздің тікелей міндетіміз" деп мәлімдеді.

• қазан 24, 2017

  Кәсіпкерлер шығынын кім өтейді?

  Шекарадағы жағдайдың кесірінен зардап шеккен кәсіпкерлерге өтемақы төлеу мәселесін Қырғызстан үкіметі әзірше шешкен жоқ. Өткен аптада экономика министрлігі шығындарды есептейтінін хабарлаған.

• қазан 23, 2017

  Әйел зорлайтындарды жақтаушылар

  Жыныстық бопса жасады деп айыпталып жатқан Харви Вайнштейннің айналасында өрбіген жанжал барған сайын күшейіп барады, бірақ халқының көпшілігі әлгі айыптауға сенбейтін бір ел бар. Ресейліктер Голливуд продюсерінің екіжүзді өміріне қатысты қым-қиғаш пікірлер жазған. Ол пікірлер америкалықтардың ақылына сыймаған. Foreign Policy осындай қорытынды жасайды.

Тағы