Амангелді КЕҢШІЛІКҰЛЫ

Авторы: Амангелді КЕҢШІЛІКҰЛЫ

• маусым 28, 2008

  Баспасөзге шолу. 28.06.2008 жыл

  Сенбілік басылымдардың бетінде негізінен Қазақстандағы баспасөз күніне байланысты мақалалар жарық көріпті. Сондай-ақ Қазақстан халқы Ассамблеясы төрағасының орынбасары Ералы Тоғжановтың Достық үйінде ұлт зиялылары және қоғамдық ұйым жетекшілерімен кездескендігі де газет назарынан тыс қалмапты.

• маусым 27, 2008

  Баспасөзге шолу. 27.06.2008 жыл

  Жұма күнгі газеттерде Қазақстанның жылжымайтын мүлік базарындағы баға жайы, елдегі үлескерлер проблемасы, күнтізбеге жаңадан енген «Астана күні» мейрамы, кейбір ресейлік танымал Интернет-сайттардың қазақтілді бет жасауға ықылас танытып отырғаны жайында мақалалар басылыпты.

• маусым 26, 2008

  Ыстықкөлде ескерткіші бар Нұрсұлтанның

  Қазақстанда жаңа мереке күні пайда болды. Мерекелер туралы заңға өзгертулер енгізіліп, Мемлекет басшысы Нұрсұлтан Назарбаев 26 маусымда оған қол қойды. Енді 6 шілдеде қазақстандықтар президенттің туған күнімен қатар, Елорда күнін тойлайды. Осыдан үш жыл бұрын ғана Ыстықкөлде, Назарбаевтың 65 жылдық мерейтойының қарсаңында оған арнап ашылған ескерткіштің ашылу салтанаты өткен еді.

• маусым 14, 2008

  Баспасөзге шолу. 14.06.2008 жыл

  Сенбі күнгі басылымдарда түрлі саяси-мәдени шаралардың өткендігі, президенттің саяси мәселелер жөніндегі кеңесшісі Ермұхамет Ертісбаевтың «Рейтер» агенттігіне де Қазақстанда парламент сайлауының мерзімінен бұрын өтуі мүмкін екендігі туралы сұхбат бергені жазылыпты. Сонымен қатар 1 шілдеге шейін студенттерге тиесілі жеңілдіктің қалдырылатындығы мен президенттің бұрынғы күйеу баласы Рахат Әлиевтің ісіне қатысты болып жатқан оқиғалар да назардан тыс қалмапты.

• маусым 12, 2008

  Баспасөзге шолу. 12.06.2008 жыл

  Бейсенбі күнгі басылымдарда қырғыз жазушысы Шыңғыс Айтматовтың дүние салғандығына байланысты мақалалар жарық көрді. Сондай-ақ, газеттер Қазақстан президенті Нұрсұлтан Назарбаевқа қатысты айтылған қауесетті жоққа шығарыпты.

• маусым 11, 2008

  Шыңғыс Айтматов дүниеден озды

  Сейсенбі күні кешкі сағат алтыдан кейін бірқатар ақпарат құралдары қырғыз жазушысы Шыңғыс Айтматовтың денсаулығының күрт нашарлап кеткендігін хабарлаған болатын. Екі сағат өткеннен кейін жазушы, 80 жасқа қараған шағында, Германиядағы Нюрнберг емханасында дүние салды.

• маусым 10, 2008

  Жоғарғы сот Шаңырақ ісін қарауды бастады

  2008 жылдың 10 маусымында Астана қаласындағы Қазақстан Республикасының Жоғарғы сотында «Шаңырақ оқиғасы» бойынша ұзақ мерзімге бас бостандығынан айырылған төрт азаматтың адвокаттарының берген аппеляциялық шағым-арызы бойынша сот алқасының отырысы басталды. Сот ісі Алматы мен Астана қалаларының арасын байланыстырған телекөпір арқылы өтіп жатыр. Осыдан бір ай бұрын, бұл іс бойынша негізгі куәгерлері ретінде тергеу жұмысына және сотқа қатысқан ағайынды Айбатыр мен Бауыржан Ибрагимовтер бұрынғы берген айғақ жауаптарынан бас тартып, өздеріне полиция тергеушілері қысым көрсетіп, жалған мәлімет беруге мәжбүрлегенін мәлімдеген болатын.

• маусым 06, 2008

  Баспасөзге шолу 06.06.2008 жыл

  Жұма күнгі жарық көрген басылымдар Қазақстандағы Ұлттық бірыңғай тестілеудің қалай жүріп жатқандығына баса назар аударыпты. Сондай-ақ кейбір басылымдар Білім министрі Жансейіт Түймебаевтың Ұлттық бірыңғай тестілеуге байланысты жасаған мәлімдемесін осы саланың вице-министрі Күләш Шәмшединованың жоққа шығарғандығына тоқталыпты.

• сәуір 21, 2006

  Қазақ кітаптарына сұраныс бар ма?

  21 сәуір - Халықаралық кітап және авторлық құқық күні. Мамандардың айтуынша, соңғы жылдары Қазақстанда кітапқа деген халықтың сұранысы күрт төмендеп кеткен. Сарапшылар мұның ең басты себебін заман сұранысына жауап бере алатын рухани туындылардың жазылмай жатқандығымен байланыстырып отыр. 21 сәуір күні Қазақстан Жазушылар Одағында өткен жыл қорытындысында да осы мәселе кеңінен сөз болды.

• сәуір 20, 2006

  Баспасөзге шолу. 04.20.2006 жыл

  Тәуелсіз басылымдарда президенттің қызы Дариға Назарбаеваның бастамасымен өтіп жатқан 5 медиафорум қарсаңында шетелдік ақпарат құралдарында Қазақстан туралы жағымсыз ақпараттардың таратылғандығы айтылыпты. Белгілі саясаткерлер Заманбек Нұрқаділов пен Алтынбек Сәрсенбайұлының қазасы туралы ақпарат медиафорумға келетін қонақтар өкілдік ететін ақпарат құралдарында түгелдей дерлік жарияланыпты. Ұлттық қауіпсіздік комитетінің бұрынғы басшысы генерал Нартай Дүтбаев болса өзінің бұл өлімге президенттің отбасы мен оның мүшелерінің қатысы болуы мүмкін екендігі туралы болжамды Мемлекет басшысына жеткізбегендігін мәлімдепті.

• сәуір 19, 2006

  Коммуналдық тарифтердің бағасы көтерілетін болды

  Сәуірдің 15-күні “Тұтыну базарындағы бағаны тұрақтандыру туралы» үкімет қаулысы жарияланған болатын. Осыған байланысты премьер-министр Даниял Ахметов тарапынан қала және аймақ әкімдеріне арнайы тапсырмалар да берілген еді. Алайда Алматы қаласында 1 мамырдан бастап кейбір комуналдық төлемдердің бағасы көтеріледі.

• сәуір 18, 2006

  Қазақстандық азық-түлік тауарларының бағасын қалай арзандатуға болады?

  18 сәуір күні Қазақстандағы бірқатар кәсіпорын басшылары республикада шығатын азық-түлік өнімдерінің бағасы төмен болуы үшін қосымша құн салығын азайту қажеттілігі туралы ұсыныс жасады.

• сәуір 17, 2006

  Қазақстандағы ұшақтарды жаңарту көзделіп отыр

  2006 жылдың 1 сәуірінде жүргізілген тексеру барысында Қазақстан ұшақтарының 60 проценті ұшуға жарамды деп танылды. Осыған орай қазіргі уақытта 206 ұшақ пен 46 тікұшақтың қызмет көрсетуі тоқтатылды. Көлік және коммуникация министрлігінің мәліметіне сүйенсек, 2007 жылдан бастап Қазақстан азаматтары жаңа ұшақтардың қызметін пайдалана бастайды. Өйткені 2007 жылдан бастап осы уақытқа шейін қызмет көрсетіп келген АН-24, ЯК-40, ТУ-134 ұшақтарын пайдаланудан алып тастау көзделініп отыр.

• сәуір 13, 2006

  Баспасөзге шолу. 04.13.2006 жыл

  Бейсенбі күні жарық көрген мерзімді басылымдар белгілі саясаткер Алтынбек Сәрсенбайұлы мен оның екі көмекшісінің озбырлықпен қлтірілгендігіне екі ай өткендігіне байланысты мақалалар жарық көріпті. Кейбір басылымдарда Алтынбек Сәрсенбайұлы мен оның екі көмекшісін өлтіруге қатысы болуы мүмкін күдіктілердің бірі ретінде қамауға алынған Ибрагимовтың барлық кінаны өз мойнына алудан бас тартып отырғандығы баяндалыпты.

• сәуір 12, 2006

  Алтынбек Сәрсенбайұлы мен оның екі көмекшісінің озбырлықпен өлтірілгендігіне екі ай толды

  Белгілі саясаткер Алтынбек Сәрсенбайұлы мен оның екі көмекшісінің озбырлықпен өлтірілгендігіне міне екі ай өтті. Оқиға орын алғаннан кейін азғантай мерзімнің ішінде полиция қызметкерлері Алтынбек Сәрсенбайұлын өлтіруге қатысы болуы мүмкін қылмыскер ретінде сенат аппаратының жетекшісі Ержан Өтембаевты тұтқынға алғанымен, оның бұл қылмысты ұйымдастырғаны қоғамда үлкен күмән туғызып келеді.

• сәуір 10, 2006

  Таразда “Әділетті Қазақстан” қозғалысының белсендісі Әлібек Жұмабаевтың үстінен қозғалған іс бойынша сот жалғасып жатыр

  Өткен жылдың 28 қараша күні тұтқынға алынып, содан бері қамауда жатқан Тараз қаласындағы Жармахан Тұяқбайдың сайлау науқанына қатысқан белсенді Әлібек Жұмабаевқа қатысты сот процесінің басталғанына бірнеше күн болды. 10 сәуір күні Әлібек Жұмабаевтың жақтастары, атап айтқанда “Әділетті Қазақстан” қозғалысының өкілдері сот жұмысына разы еместіктерін білдіріп, мұның артында биліктің саяси қитұрқы әрекеті жатқандығын айтып, мәлімдеме жасады. Егер сот Әлібек Жұмабаевты айыпты деп тапса, ол 4 жылдан 10 жылға шейін бас бостандығынан айырулы ықтимал екен.

• сәуір 06, 2006

  Баспасөзге шолу. 04.06.2006 жыл

  Бейсенбі күні жарық көрген мерзімді басылымдарда белгілі саясаткер Алтынбек Сәрсенбайұлының өліміне байланысты түрлі сұхбаттар жарияланыпты. Кейбір сарапшылар егер де тергеу жұмыстары теріс жолмен кетсе, халықтың арасында Алтынбек Сәрсенбайұлының өліміне Президенттің өзінің қатысы болуы мүмкіндігі туралы күдіктің пайда болатындығын айтыпты.

• сәуір 05, 2006

  “Алға” партиясы неге тіркелмей жатыр?

  Қазақстан Республикасы Әділет Министрлігінің тіркеу комитеті “Алға” партиясын тіркемей қойғандығына байланысты сәуірдің 3-і мен 4-інде Астана қалалық сотында тыңдау өтіп жатыр. Қазақстан Республикасы Әділет Министрлігінің тіркеу комитеті тексеру жүргізгенде тізімде көрсетілген “Алға” париясының 30 мың мүшесі болмай шыққан деп отыр. Ал, 5-сәуір күні “Алға” партиясын ұйымдастыру комитеті сот кезінде дәйексіз деректердің келтірілгенін, бұл мәліметтердің шындыққа үйлеспейтіндігін айтып, мәлімдеме жасады.

• сәуір 04, 2006

  Мәскеудің “Чистые пруды” бульвары Абай ескерткішімен толықты

  4 көкекте Мәскеудің “Чистые пруды” бульварында” Мемлекет басшысы Нұрсұлтан Назарбаевтың Ресей Федерациясына ресми сапары барысында қазақтың ұлы ақыны Абай Құнанбаев ескерткішінің ашылу салтанаты болды. Ескерткіштің ашылу салтанатына екі елдің басшылары Нұрсұлтан Назарбаев пен Владимир Путин, сондай-ақ Қазақстан мен Ресейдің зиялы қауым өкілдері, мемлекет және қоғам қайраткерлері, Мәскеуде оқитын қазақстандық студент жастар қатысты.

• сәуір 03, 2006

  Қазақстан президентінің Ресейге ресми сапары басталды

  3 көкек күні Қазақстан Президенті Нұрсұлтан Назарбаевтың Ресей Федерациясына ресми сапары басталды. Қазақстанның Сыртқы Істер Министрлігінің баспасөз қызметінің хабарлауынша, сапар барысында екі елдің басшылары бірнеше маңызды құжатқа қол қоймақшы. Мемлекет басшысы Нұрсұлтан Назарбаев соңғы екі жылдың ішінде Ресей Федерациясына Орта Азия елдерінің ішіндегі мемлекет басшыларының арасында ең көп сапар шеккен президент болып саналады. Мемлекет басшысының Ресейге жиі сапар шегуі Қазақстанда түрлі пікір туғыза бастады.

Тағы