Амангелді КЕҢШІЛІКҰЛЫ

Авторы: Амангелді КЕҢШІЛІКҰЛЫ

• наурыз 31, 2006

  “Халық дабылы” қозғалысы конференция өткізді

  31 наурыз күні Алматыда Қазақстан Жазушылар Одағында өткен “Халық дабылы” қозғалысының конференциясында бас қосқан қоғам өкілдері ұлт мәселесін шешудің қандай жолдары бар деген мәселені талқыға салды.

• наурыз 30, 2006

  Баспасөзге шолу. 03.30.2006 жыл

  Бейсенбі күні жарық көрген мерзімді басылымдар мен кейбір интернет парақтарында Мемлекет басшысы Нұрсұлтан Назарбаевтың үлкен күйеу баласы Рахат Әлиевтің Ұлттық қауіпсіздік комитетінің запастағы полковнигі Арат Нарманбетовты сотқа бергендігіне байланысты мақалалар жарық көріпті. Сондай-ақ кейбір басылымдар үкіметтегі болған соңғы өзгерістерге баса назар аударыпты.

• наурыз 29, 2006

  Алматы қаласында үлкен көлемде есірткі ұсталды

  Қазақстан Республикасы Ұлттық қауіпсіздік комитетінің баспасөз қызметі Алматыда қазақстандық бір азаматтың автокөлігінен 92 килограм апиынның табылғандығы туралы ақпарат таратты. 29-наурызда бұл мәселе бойынша “Азаттық” радиосына түсініктеме берген Ұлттық Қауіпсіздік Комитетінің ресми өкілі қазіргі уақытта осы іске байланысты тергеу жұмыстарының жүріп жатқандығын хабарлады.

• наурыз 28, 2006

  Қазақстанда заңсыз жолмен жарылғыш заттарын сатушылар көбейіп барады

  Алматы қалалық қылмыстық іс жөніндегі коллегиясының шешімімен заңсыз қару-жарақ пен есірткі сатқаны үшін Тәжікстанның бір азаматы және Ресейдің екі азаматы 10 жылға бас бостандығынан айырылды. Бұл туралы 27-наурызда ҚР Ұлттық Қауіпсіздік Комитеті ресми түрде мәлімдеді. Ұлттық қауіпсіздік комитетінің Алматы қалалық департаментінің баспасөз қызметінің хабарлауынша, осы жауапқа тартылған азаматтар тұрған Алматыдағы пәтерден түрлі жарылғыш заттар, 500 грам героин мен діни мағынадағы әдебиеттер табылған. Ұлттық қауіпсіздік комитетінің Алматы қалалық департаментінің ресми өкілі «Азаттық» тілшісіне, әлгі сотталған азаматтардың біреуінің кезінде Шешенстанда Ресей Федералдық күштеріне қарсы күрескен азаматтардың бірі болғандығын хабарлады.

• наурыз 24, 2006

  Қырғызстандағы төңкеріске бір жыл толды

  22-наурыз күні Қырғызстан Республикасының Президенті Құрманбек Бәкиев “2006 жылдың 24-наурыз мерекесі күні туралы” атты Жарлыққа қол қойған болатын. Аталмыш жарлыққа сәйкес 24-наурыз Қырғызстанда халықтық революция күні ретінде аталып, демалыс күні болып белгіленген еді. Алайда, Алматыдағы мыңдаған қырғыздар 24-наурызды халықтық революция мейрамы күні ретінде атап өте алмады.

• наурыз 23, 2006

  Баспасөзге шолу. 03.23.2006 жыл

  Бейсенбі күні жарық көрген басылымдарда Мемлекет басшысының қызы Дариға Назарбаеваның белгілі саясаткер Алтынбек Сәрсенбайұлының өліміне байланысты «Караван» апталығында жарық көрген мақаласының қоғамда түрлі пікір туғызып жатқандығы айтылыпты. Сондай-ақ мерзімді басылымдарда Наурыз мейрамына байланысты мақалалар көбірек орын алыпты.

• наурыз 20, 2006

  Қазақстанда ВИЧ/СПИД дерті нашақорлар мен жезөкшелер арасында жиі кездесіп отыр

  2002 жылы дүниеге келген ғаламдық қор негізінен туберкулез, малерия және СПИД секілді ғасыр індетіне айналған ауруларға қарсы құрылған болатын. 2003 жылы осы ауруларға қарсы күресті жүргізу үшін ғаламдық қордан Қазақстанға 22,3 миллион доллар бөлініпті. 20 наурыз күні осы жоба бойынша СПИД-ке қарсы жұмыс істеп жатқан бейүкіметтік ұйымдардың өкілдері қандай істердің атқарылғандығы жөнінде есеп берді. Соңғы алынған мәліметтерге жүгінсек, Алматы қаласында ВИЧ инфекциясын жұқтырғандар негізінен нашақорлар болса, Оңтүстік Қазақстан облысында осы аурудың жыныс қатынасы арқылы тарауы ұлғайғаны байқалған.

• наурыз 17, 2006

  Оппозиция мен билік келісімге келе ала ма?

  2006 жылдың 15 наурызында Еуропа Кеңесі парламенттік ассамблеясының Париждегі кеңсесінде Қазақстандағы жағдайға байланысты тыңдау болып өтті. Бұл тыңдауда Қазақстан билігі мен оппозиция өкілдері ұлттық келісімге келудің қандай жолдары бар екендігіне байланысты өз ойларын ортаға салды. Жұма күні осы тыңдаудан кейін Қазақстанға қайтып оралған оппозиция басшысы Жармахан Тұяқбай “Азаттық” радиосына берген түсініктемесінде елде болып жатқан соңғы оқиғаларға қарамастан қоғамды демократияландыруға байланысты билікпен келіссөз жүргізілу мүмкіндігін жоққа шығарған жоқ.

• наурыз 16, 2006

  Баспасөзге шолу. 03.16.2006 жыл

  Бейсенбі күні жарық көрген бірқатар тәуелсіз басылымдарда белгілі саясаткер Алтынбек Сәрсенбайұлы мен оның екі көмекшісінің озбырлықпен өлтірілгендігіне қырық күн толатындығына орай мақалалар топтамасы ұйымдастырылыпты. Мәжіліс депутаты Амалбек Тшанның сәрсенбіде күн тәртібін бекітіп алар тұста заң орындары жетекшілерін отырысқа шақырып, Алтынбек Сәрсенбайұлы мен оның екі серігінің қазасына байланысты қылмыстық істі тергеу жұмыстары барысынан ақпар алу жөніндегі ұсыныс жасағандығы да кейбір басылымдардың басты назар аударған тақырыптарының біріне айналыпты.

• наурыз 15, 2006

  “Әділетті Қазақстан үшін” қозғалысы шеру өткізуге биліктен рұқсат алды

  18-наурыз күні Алматы қаласындағы “Сары-Арқа” кинотеатрының артындағы алаңқайда “Әділетті Қазақстан үшін” республикалық қозғалысы, белгілі саясаткер Алтынбек Сәрсенбайұлы мен оның екі көмекшісінің озбырлықпен өлтірілгендігіне қырық күн толуына орай “Құқық қорғау және арнайы қызмет орындарының озбырлығына қарсы, азаматтардың өмірі мен қауіпсіздігі үшін” атты рұқсат етілген шеру өткізбекші.

• наурыз 14, 2006

  WORLD WIDE MINERALS компаниясы Қазақстан үкіметі мен кейбір қазақстандық компаниялардың үстінен халықаралық арбитраждық сотқа шағымданбақшы

  14 наурыз күні “Қазатомөнеркәсіп” агенттігінің баспасөз қызметі кейбір ақпарат агенттіктері мен мерзімді басылымдардың WORLD WIDE MINERALS компаниясының “Қазатомөнеркәсіп” Ұлттық Атом компаниясын халықаралық арбитраждық сотқа бергендігі туралы мәліметте жаңсақтыққа жол берілгендігі туралы мәлімдеме таратты. Ал, канадалық WORLD WIDE MINERALS компаниясының ресми сайтында өздерінің Қазақстан Үкіметі мен кейбір қазақстандық компанияларды арбитраждық сотқа беретіндігі туралы ақпарат жарық көрген болатын.

• наурыз 09, 2006

  Баспасөзге шолу. 03.09.2006 жыл

  Бейсенбі күні жарық көрген басылымдарда Қазақстанда халықаралық әйелдер күнінің қалай өткендігі сөз болыпты. Ал, тәуелсіз басылымдар болса, белгілі саясаткер, әрі қоғам қайраткері Алтынбек Сәрсенбайұлы мен оның екі көмекшісінің өліміне байланысты түрлі жорамалдардың жасалып жатқандығына айрықша назар аударыпты.

• наурыз 03, 2006

  Қазақстанда заңсыз есірткі тасымалы неге қарқын алып барады?

  Орта Азия елдері, оның ішінде Қазақстан мемлекеті үшін де заңсыз есірткі тасымалымен күресу бүгінгі таңдағы ең өзекті мәселелердің біріне айналып отыр. Кейбір қазақстандық сарапшылар бұл індетке тосқауыл қою үшін, қолданыстағы заңға оған қарсы күрестің пәрменділігін күшейтетін толықтырулар енгізу қажеттілігін айтып келген еді. 2-наурыз күні Мемлекет басшысы “Есірткі бұйымдары, психатроптық заттар, прекусорлар және олардың заңсыз айналымы мен қолдануына тосқауыл қою жөніндегі Қазақстан Республикасының заңына толықтырулар мен өзгерутлер енгізу туралы” Заңға қол қойды.

• наурыз 02, 2006

  Баспасөзге шолу. 03.02.2006 жыл

  Бейсенбі күні жарық көрген мерзімді басылымдарда жексенбі күні Алматы қаласында Алтынбек Сәрсенбайұлы, Бауыржан Байбосын және Василий Журавлевті еске алуға арналған жиынға қатысқан оппозиция өкілдерінің жауапқа тартылып жатқандығы баяндалыпты. Ішкі Істер Министрі Бауыржан Мұхамеджановтың сенат аппаратының бұрынғы басшысы Ержан Өтембаев белгілі саясаткер Алтынбек Сәрсенбайұлы оны белгілі бір басылымның бетінде сынағаны үшін банктен несиеге ақша алып, өлтіруге тапсырыс берді деп тергеу жұмысын қорытындылағандығына байланысты мерзімді басылымдардың бетінде түрлі пікірлер айтылыпты.

• ақпан 28, 2006

  Жыр жампозы Жамбыл Жабаевтың туғанына 160 жыл

  Сейсенбі күні Алматы облысы, Ұзынағаш ауданы және Астана қаласында Жамбыл Жабаевтың 160 жылдығына арналған шаралар кеңінен аталып өте бастады. Аты аңызға айналған қазақ жырының дарабозы Жамбыл - бала кезінен-ақ ақын болуды армандап, көздеген мақсатына жету үшін үйінен кетіп қалады. Әдебиет зерттеушілерінің айтуынша, “Сұраншы батыр”, “Өтеген батыр”, “Хан мен ақын” сынды эпостық жырлардың жетуіне мұрындық болған бірден-бір ақын да Жамбыл Жабаев көрінеді. Жыр жампозы дүниеден өткеннен кейін оның сүйегі Алматыда жерленді.

• ақпан 25, 2006

  Қазақстандық оппозиция күштері ақпанның 26-күні Алматыда марқұм Алтынбек Сәрсенбайұлын еске алу шарасын өткізбекші

  Жексенбі, 26-ақпан күні сағат 12-де қазақстандық оппозиция күштері Алматы қаласындағы Ғылым Академиясының алдындағы Шоқан Уәлиханов ескерткіші маңында белгісіз қылмыскерлердің қолынан қаза тапқан танымал саясаткер әрі қоғам қайраткері Алтынбек Сәрсенбайұлын еске алу шарасын өткізбекші. Алайда, Алматы әкімшілігі мен қалалық прокуратура Қазақстан Коммунистік партиясының осы шараны өткізуге байланысты арызын қанағаттандырмай тастады.

• ақпан 24, 2006

  Сәбит Мұқанов туралы жаңа еңбек несімен құнды?

  24-ақпан күні Алматы қаласындағы Сәбит Мұқановтың мұражай-үйінде “Сәбит Мұқанов” атты әдеби-ғылыми ғұмырнама кітабының тұсаукесері өткізілді. Кітап тұсаукесеріне белгілі ғалымдар, жазушылар, мұражай қызметкерлері қатысты. Осы еңбекті жазған авторлар аталмыш туындының Сәбит Мұқановтың өмірі мен шығармашылығына жаңа көзқарасты, жаңа ғылыми бағалауды тұжырымдайтын еңбек екендігін айтып отыр.

• ақпан 23, 2006

  Баспасөзге шолу. 02.23.2006 жыл

  Бейсенбі күнгі жарық көрген мерзімді басылымдардың бетінде қылмыскерлердің қолынан қаза тапқан белгілі саясаткер, әрі қоғам қайраткері Алтынбек Сәрсенбайұлы және оның екі көмекшісі туралы мақалалар жарық көріпті. Ал, оппозиция болса құзырлы орындардың бұл оқиғаға байланысты Сыртқы Істер Министрінің бірінші орынбасары Рахат Әлиевтен, мәжіліс депутаты Дариға Назарбаевадан, “Қазақстан темір жолы” ұлттық компаниясы басшысының бірінші орынбасары Қайрат Сатыбалдыдан, белгілі кәсіпкерлер - Александр Машкевич, Патох Шадиев және Әлижан Ибрагимовтан да жауап алуын сұрап отыр.

• ақпан 20, 2006

  “Мәртебелі поэзия” кешіне қатысып жүрген ақындардың ахуалдары шынымен мәртебелі ме?

  Алматыда 20-ақпан күні сағат 17.00-де Қазақстан Жазушылар Одағының “Әдебиетшілер үйінде” сазды-поэтикалық кеш басталды. “Ерлік елдің мұраты” аталатын осы жыр кешінде сонау түркілер дәуірінен бастап бүгінге дейінгі ақындардың өлеңдері оқылды. Алматы қаласының төрінде осындай жыр кеші өтіп жатқанымен, кейбір сарапшылардың айтуынша, соңғы уақыттары жұртшылықтың әдебиетке, әсіресе поэзияға деген сұранысы тым төмендеп кеткен. Мұның себебі неліктен?

• ақпан 17, 2006

  “Мәдени мұра” бағдарламасының ахуалы қандай?

  17 ақпан күні Алматы қалалық әкімдігі ғимаратында “Мәдени мұра” мемлекеттік бағдарламасына жауапты адамдар бүгінгі уақытқа шейінгі кезеңде қандай жұмыстардың атқарылғандығын айтып, есеп берді. Әкімдіктің ғимаратында Мемлекеттік бағдарламаны жүзеге асыру жұмыстарының 2004-2006 жылдары қол жеткізген нәтижелері бойынша көрме ұйымдастырылды. Көрмеден кейінгі өткен “Мәдени мұра” мемлекеттік бағдарламасын іске асыру жөніндегі қоғамдық кеңестің отырысында 2005 жылғы дайындалған және басылып шыққан кітаптар, алыс-және дақын шетелдерге ұйымдастырылған ғылыми-зерттеу экспедицияның нәтижелері секілді өзекті мәселелер талқыланды.

Тағы