Амангелді КЕҢШІЛІКҰЛЫ

желтоқсан 13, 2005

Қазақстанның халық әншісі Мақпал Жүнісованың адвокаты әншінің үстінен қылмыстық іс қозғалуы мүмкін дейді

Белгілі оппозиционер Заманбек Нұрқаділовтың жұмбақ өліміне бір ай толса да, бұл қазаның төңірегінде құпиялар көп болып, әлі күнге дейін түрлі болжамдар жасалынып келеді. Ресми орындар белгілі оппозиционер Заманбек Нұрқаділов өзін-өзі өлтіруі ықтимал деген мағынадағы мәлімдеме жасағаннан кейін, оның артында қалған жары Мақпал Жүнісова бұқаралық ақпарат құралдары арқылы олардың келтіріп отырған уәждерімен келіспейтіндігін білдірген еді. Желтоқсанның 13-күні Заманбек Нұрқаділовпен соңғы уақыттары жақсы араласқан өнер адамдары заң орындары қызметкерлерінің жүргізіп жатқан тергеу барысымен өздерінің келіспейтіндерін айтып, Мемлекет басшысы Нұрсұлтан Назарбаевтың атына хат жазатындықтарын мәлімдеді.

желтоқсан 09, 2005

Қазақстанда коррупцияға қарсы күрес пәрменді жүргізіле ме?

Біріккен Ұлттар Ұйымының бас хатшысы Кофи Аннанның бастамасымен 9 желтоқсан халықаралық коррупцияға қарсы күн ретінде аталып келеді. Осыған орай сол күні қабылданған коррупцияға қарсы халықаралық конвенцияға бүгінгі таңда 134 ел қол қойды. Алайда, осы құжатқа қол қойған елдердің қатарында Қазақстан мемлекеті жоқ. Мұның себебін кейбір сарапшылар Қазақстандағы белең алған коррупцияның ресми билікпен тығыз байланыста екендігімен түсіндіріп жүр. “Транспаренси Қазақстан” атты халықаралық ұйымның жүргізген қорытындысына сүйенсек, Қазақстанда коррупция жайламаған саланы кездестіру мүмкін емес. Алайда бұл келеңсіз құбылысты тоқтатудың қандай жолдары бар.

желтоқсан 08, 2005

Баспасөзге шолу. 12.08.2005 жыл

Тәуелсіз газеттер мен интернет-басылымда белгілі оппозиционер Заманбек Нұрқаділовтың жесірі Мақпал Жүнісова туралы түрлі лақап сөздердің тарағандығына байланысты мақалалар жарық көріпті. Мақпал Жүнісова болса күйеуінің жұмбақ өлімінен кейін өзінің ұйықтай алмайтын жағдайға душар болғандығын әңгімелеп беріпті. Алайда осыған қарамастан Мақпал Жүнісова өзінің ауруханаға жатпай жүргендігінің себебін, ылғи да әкесін іздеп жылай беретін жалғыз қызы Мерейді жалғыз тастап кетуге қорқатындығымен түсіндіріпті. Оппозицияның президент сайлауында неге жеңіліске ұшырағандығы да бейсенбі күнгі жарық көрген басылымдардың басты назар аударған тақырыптарының біріне айналыпты.

желтоқсан 06, 2005

Қазақстан оппозициясы өз наразылықтарын тек заң шеңберінде ғана білдіреді

Желтоқсанның 5-күні ресми ақпарат құралдары “Қазақстан тудей” агенттігі таратқан, шет елдегі қазақстандық оппозициялық бюроның республикадағы сайлаудың әділ өткендігін мойындайтындығы туралы мәлімдемесін хабарлаған еді. Ал, келесі күні оппозициялық бағыттағы кейбір интернет-сайттарда шетелдегі қазақстандық оппозицияның атынан жазылған, “Қазақстан тудей” агенттігі таратқан ақпаратты жоққа шығарған, керісінше, бұл сайлауды қатты сынға алған үндеу жарияланды. Соңғы таратылған үндеуде, қайтадан сайланған президентке импичмент жариялау туралы ұсыныс түрінде, нақты іс-қимылдарға көшудің қажеттілігі айтылыпты.

желтоқсан 05, 2005

Қазақстанда өткен президент сайлауы нені көрсетті?

Қазақстанда президент сайлауы додасы басталғаннан бері оңтайлы қорытынды жасаған қазақстандық сарапшылар өзі мемлекет басшысы Нұрсұлтан Назарбаев әрі кетсе 70 процент дауыс алатындығы туралы болжам жасаған еді. Алайда Нұрсұлтан Назарбаевтың сайлау додасында үздік шығып, 91,02 процент дауысқа ие болуы көпшілік үшін күтпеген жаңалық болды.

желтоқсан 02, 2005

Алматыдағы “Шаңырақ” ауданындағы мыңдаған азаматтар дауыс беру құқығынан айырылып отыр

Бейресми деректерге жүгінсек, “Шаңырақ” ауданында 20 мыңнан астам адам тұрады. Алайда, алдағы жексенбі күні Қазақстанда өткелі отырған президент сайлауында осы азаматтардың басым көпшілігі өзі қалаған үміткеріне дауыс бере алмайды. Өйткені, сайлау комиссиясының мүшелері 4-желтоқсан күні ресми тіркеуі жоқ қазақстандық азаматтардың дауыс беруге құқысы жоқ дегенді айтып отыр.

желтоқсан 01, 2005

Баспасөзге шолу. 12.01.2005 жыл

Қазақстанда бейсенбі күні жарық көрген тәуелсіз басылымдарда Алматы қаласының ішкі істер департаментінің белгілі оппозиционер Заманбек Нұрқаділовтың қазасы төңірегіндегі тергеудің ресми қорытындысын алдын-ала жариялап үлгіргендігіне байланысты сараптама мақалалар жарық көріпті. Адвокат Серікқали Мусин бірнеше фактілерді жария етіпті. Оның айтуынша, тергеу жұмыстары дер кезінде жүргізілмеген, Заманбек Нұрқаділовтың денесі табылған сәтте қылмыскердің ізіне түсу үшін кинологтар шақырылмаған. Қылмыс болған жер мұқият тексерілмеген. Қанның жасырын іздерін анықтау Заманбек Нұрқаділовтың қазасынан екі жұма өткеннен соң ғана жүргізілген.

желтоқсан 01, 2005

Баспасөзге шолу. 11.30.2005 жыл

Сәрсенбі күнгі газеттер мен интернет-басылымдарда президент сайлауынан кейін Қазақстанның саяси өміріне елеулі өзгеріс әкелетін рефоралардың жасалатындығы туралы болжамдар айтылыпты. Кейбір сарапшылардың болжамына сүйенсек, 2006 жылдан кейін мемлекетте президенттік-парламенттік басқару жүйесіне көшудің жолдары қарастырылуы ықтимал.

қараша 26, 2005

Қазақстанда адам саудасы өршіп барады

Дүние жүзі бойынша, заңсыз адам саудасымен айналысатындардың табатын табысы миллиардтаған доллармен саналады екен. Соңғы жылдары Орта Азия елдерінде де заңсыз адам саудасының қатты белең алып кеткендігі жиі айтыла бастады. Сарапшылардың айтуынша, заңсыз адам саудасы Қазақстанда да мемлекеттегі ең өзекті пробелмалардың біріне айналып барады. Ал, бұл келеңсіз құбылысқа тосқауыл қоюдың қандай жолдары бар? Сенбі күні Еуропадағы ынтымақтастық пен қауіпсіздік ұйымының өкілдерінің ұйымдастыруымен өткізілген жаттығу-семинарда, Қазақстан аймақтарынан келген үкіметтік емес ұйымның өкілдері адам саудасына қалай тосқауыл қоюға болатындығына қатысты тәжірибе алмасты.

қараша 24, 2005

Баспасөзге шолу. 11.24.2005 жыл

Бейсенбі күнгі жарық көрген басылымдарда алдағы Президент сайлауының алдындағы саяси ахуалға байланысты сараптамалық мақалалар жарық көріпті. Кейбір тәуелсіз басылымдардың келтірген деректеріне жүгінсек, белгілі оппозиционер Заманбек Нұрқаділовтың өлімі Мемлекет басшысы Нұрсұлтан Назарбаевтың беделінің күрт төмендеп кетуіне өз әсерін тигізген. Олардың сараптамасына сүйенсек, Ұлттық Қауіпсіздік Комитетінің басшысы мен Ішкі Істер Министрінің Заманбек Нұрқаділовке байланысты таяуда жасаған мәлімдемелері де Нұрсұлтан Назарбаевтың беделіне кері әсерін тигізген. Бұл мәлімдемелер елдің арасындағы билікке деген наразылықты күшейтіп жіберген.

қараша 23, 2005

Баспасөзге шолу. 11.23.2005 жыл

Сәрсенбі күнгі басылымдарда Ішкі Істер Министрі Бауыржан Мұхамеджановтың белгілі оппозиционер Заманбек Нұрқаділовтың құпия өліміне байланысты тергеу жұмыстарының қалай жүріп жатқандығымен таныстырғандығы хабарланыпты. Тәуелсіз басылымдарда жарық көрген мақалаларда Заманбек Нұрқаділов өзіне-өзі қол салды немесе оны отбасы мүшелерінің бірі өлтірді деген сыңайдағы деректердің шындыққа сәйкеспейтіндігі туралы болжам жасалыныпты. Заманбек Нұрқаділовтың зайыбы Мақпал Жүнісова Мемлекет басшысы Нұрсұлтан Назарбаевтың атына ашық хат жазып, күйеуінің өлімінің артында саяси астар бар екендігін мәлімдепті.

қараша 22, 2005

“Благовесть” қорының Н.Назарбаевты қолдауға шақырған жарты миллион дана үнпарақшасы заң талабына сәйкес пе?

Қазақстанның қазіргі президенті Нұрсұлтан Назарбаевқа алдағы президент сайлауында дауыс беруге шақырған, жарты миллион дана үнпарақшаны Қазақстандағы орыс қауымдастығының ұлттық-мәдени “Благовесть” қоғамдық қоры шығарған. Алайда, қордың бұл үнпарақтарды шығаруы заңға қайшы әрекет ретінде бағалануы мүмкін дейді сарапшылар. Қор өкілдерінің айтуынша, бұл үнпарақшалар қордың қаржысына басылып шығып, Алматы қаласында таратылған екен. Қазақстан заңы бойынша үміткерге қолдау танытуға шақырған үгіт-насихат материалдардың бәріне де тек қана президенттікке кандидаттың сайлау қорының қаржысынан ғана төленуі тиіс.

қараша 18, 2005

ҚР Президенттігіне кандидаттардың арасындағы телепікірсайыс халықтың көңілінен шықты ма?

Қарашаның 17-сі күні кешкі сағат алтыдан жетіге шейін “Хабар” мемлекеттік телеарнасында Қазақстанның тарихында тұңғыш рет ҚР президенттігіне кандидаттардың телепікірсайысы болды. Телепікірсайысқа Мемлекет басшысы Нұрсұлтан Назарбаевтан басқа ҚР президенттігіне төрт кандидат: Жармахан Тұяқбай, Әлихан Бәйменов, Мэлс Елеусізов және Ерасыл Әбілқасымов қатысты.

қараша 17, 2005

Баспасөзге шолу. 11.17.2005 жыл

Бейсенбі күнгі жарық көрген басылымдарда белгілі оппозиционер Заманбек Нұрқаділовтың қазасына байланысты мақалалар жарық көріпті. Кейбір тәуелсіз басылымдар З.Нұрқаділовтың сүйегінің қай жерден шығарылатындығына байланысты, ресми билікке жақын телеарналар мен басылымдардың ешқандай ақпарат бермегендігіне қарамастан, белгілі оппозиционерді соңғы сапарға шығарып салуға нөпір халықтың жиналғандығын хабарлапты.

қараша 16, 2005

Баспасөзге шолу. 11.16.2005 жыл

Сәрсенбі күнгі басылымдарда Өзбекстан президенті Ислам Кәрімовтың Ресейге ресми сапарының аяқталғандығына орай сараптама мақалалар жарық көріпті. Сарапшылардың айтуынша, Әндіжандағы қанды оқиғадан кейін, Батыс пен АҚШ Кәрімов режиміне қарсылық білдірген соң, Өзбекстан президенті Кремльдің қалқасына тығылуға мәжбүр болып отыр. Сондай-ақ, Қазақстанда алдағы өтетін президент сайлауы да сәрсенбі күні жарық көрген мерзімді басылымдардың баса назар аударған тақырыптарының біріне айналыпты.

қараша 15, 2005

Заманбек Нұрқаділов Кеңсайдағы зиратқа жерленді

15 қараша күні Алматы қаласының жұртшылығы белгілі саясаткер Заманбек Нұрқаділовпен қоштасып, соңғы сапарға шығарып салды. Марқұммен қоштасу рәсімі Алматы қаласындағы Ғылым Академиясының ғимаратында өтті. Сейсенбі күні жарық көрген ресми басылымдардың ешқайсысында да көзінің тірісінде Алматы қаласы мен облысын басқарған және үкіметте лауазымды қызмет атқарған қоғам қайраткері Заманбек Нұрқаділов туралы қазанама да, оның денесінің қай жерден шығарылатындығы жайлы да ешқандай ақпарат берілген жоқ. Алайда, онымен қоштасуға қалың жұрт жиналды.

қараша 10, 2005

Баспасөзге шолу. 11.10.2005 жыл

Экс-премьер Нұрлан Балғымбаевтың қайтадан саясат алаңында пайда болуына тәуелсіз басылымдар баса назар аударыпты. Ал, Нұрлан Балғымбаев Ресейдің “Новые известия” газетіне берген сұхбатында ешқашан да Жармахан Тұяқбаймен туыс екендігін жасырмағандығын тілге тиек етіп, онымен қарым-қатынасын үзбегендігіне тоқталыпты. Белгілі оппозиция басшыларының бірі Ғалымжан Жақиянов та бейсенбі күні жарық көрген тәуелсіз басылымдардың басты қаһармандарының біріне айналыпты. Сенатор Зәуреш Батталова Қазақстан Республикасының Әділет Министрі Зағипа Бәлиеваның атына жолдаған ашық хатында Ғалымжан Жақияновқа қарсы Шідерті түрмесінде арандатушылық әрекеттерінің ұйымдастырылып жатқандығы туралы ақпараттың белгілі болғандығын хабарлап, осы мәселеге қатысты өз алаңдаушылығын білдіріпті.

қараша 09, 2005

Баспасөзге шолу. 11.09.2005 жыл

Сәрсенбі күнгі жарық көрген басылымдарда алдағы өтетін президенттік сайлауды 600-ден 1500-ға жуық шетелдік бақылаушылардың қадағалайтындығы айтылыпты. Бірқатар басылымдарда Жармахан Тұяқбайдың сенімді өкілдеріне қысым көрсетіліп жатқандығы баяндалыпты. Атап айтқанда, жұмыстан қуылу қаупі бар болғандықтан, бюджеттік мекемеде істейтіндер Жармахан Тұяқбайға қолдау көрсетуге бас тартыпты. Алматы облысы, Еңбекшіқазақ ауданы, Ақши ауылында оның сенімді өкілі болуға ниет білдірген екі мұғалім мен еден жуушының жұмыстан қуылып жатқандығы туралы Жармахан Тұяқбайдың қалалық штабына арыз түсіпті.

қараша 08, 2005

Сексуалдық сипаттағы қылмыспен күресу

8 қараша күні Алматы қаласында Еуропадағы Ынтымақтастық және қауіпсіздік ұйымының мұрындық болуымен сексуалдық сипаттағы қылмыстарға тергеу жұмыстарын жүргізуге байланысты тұңғыш рет аймақтық семинар-жаттығу өткізілді. Оған шетелдік және қазақстандық сарапшылар қатысып, бұл саладағы қылмыстарды ашу үшін, тергеу жұмысын жүргізуге байланысты жаңа әдістемелерді қолдану қажеттілігі туралы өз ойларын ортаға салды.

қараша 04, 2005

Қазақстанда Адам құқығы саласында халықаралық маңызы бар екі заң қабылданды

Қарашаның 3-күні парламент сенатының пленарлық отырысында депутаттар “Азаматтық және саяси құқықтар жөніндегі халықаралық пактіні бекіту” мен “Экономикалық, әлеуметтік және мәдени құқықтар туралы халықаралық пактіні бекіту” туралы қос заңды қабылдады. Бұл саяси құжатттардың қабылдануы Қазақстанда елеулі оқиға ретінде бағаланғанымен, кейбір сарапшылар республика бұл құжатты әлдеқайда бұрын қабылдауға болар еді деген ой айтып отыр.