Жұлдыз ТӨЛЕУ

желтоқсан 06, 2005

«Президент сайлауының нәтижесі Кеңес Одағы заманын еске түсірді»,– дейді американдық байқаушы Роберт Бэрри

Сайлау заңына сәйкес, президент сайлауы өткеннен кейін 10 күн ішінде Орталық сайлау комиссиясы дауыс берудің ресми қорытындысын айтады. Демек 14 желтоқсанғанға дейін сайлауға байланысты заңда көрсетілгендей «сайлау алдындағы үгіт жүргізу мерзімі аяқталған кезден бастап сайлау қорытындылары ресми жарияланғанға дейін сайлаушыларға немесе сайлау комиссиялары мүшелеріне әсер етуге ықпал тигізетін қоғамдық топтық немесе жеке мүдделерді білдірудің және қарсылықтың кез келген нысанына жол берілмейді». Бірақ президент сайлауы өтісімен ертесі күні Астанадан бастап, Қазақстанның барлық аймақтарында қазіргі президент Нұрсұлтан Назарбаевты қолдау шаралары, шерулері өтіп жатты.

желтоқсан 01, 2005

Нұрсұлтан Назарбаев жаңа жылдан бастап, елде үлкен саяси реформалар басталады дейді

Бейсенбі күні 19 - тамыздағы сенат сайлауының қорытындысы бойынша сайланған депутаттар жұмыстарына кірісті. Үшінші шақырылымдағы бірінші сессияның алғашқы отырысын Қазақстан Президенті Нұрсұлтан Назарбаев басқарды. Күн тәртібіндегі мәселе жаңадан спикер және оның орынбасарын тағайындау болды. Мемлекет басшысы спикерлікке Нұртай Әбіқаевтың кандидатурасын қайтадан ұсынды. Сенаторлар бір ауыздан қолдап дауыс берді. Қайтадан спикер болған Нұртай Әбіқаев өзінің орынбасарлығына бұрынғы Төтенше жағдайлар жөніндегі министр болған Мұхамбет Көпеевті ұсынды. Осыған дейін саяси сарапшылар арасында келесі спикер болып тағайындалған адамды қазіргі президенттің болашақ орнын басатын адам ретінде қарау керек деген пікірлер айтылған еді. Нұртай Әбіқаев шын мәнінде Нұрсұлтан Назарбаев өзінің орынтағына қалдырып кететін тұлға ма?

қараша 24, 2005

Қазақстанның Орталық сайлау комиссиясы осымен үшінші рет сотқа тартылып отыр

«Әділетті Қазақстан үшін» қозғалысының мүшесі, президенттікке үміткер Жармахан Тұяқбайдың сенімді өкілі Ораз Жандосов Орталық сайлау комиссиясының 18-қарашадағы қаулысына байланысты Жоғарғы сотқа арызданды. Жармахан Тұяқбайдың сенімді өкілі сайлаушыларға бюллетенді конверттің ішіне салып беруге қарсы. Өйткені, жергілікті сайлау учаскелерінде өткен жылғы Парламент сайлауындай лас технологиялар пайдаланылады дейді. Ал Орталық сайлау комиссиясының төрағасы Оңалсын Жұмабеков сайлау жәшігі шыныдан жасалғандықтан, сайлаушылардың құпия дауыс беру құқығы сақталуы қажет дейді.

қараша 02, 2005

Сенатор Уалихан Қайсар Орталық сайлау комиссиясын сот бермек

Президенттікке үміткер ретінде өз кандидатурасын ұсынған Парламент Сенатының депутаты Уалихан Қайсар Қазақстанның Орталық сайлау комиссиясының үстінен Жоғарғы сотқа арызданды. Ол соттан осы комиссияның өзіне қатысты шығарған шешімінің күшін жойып, өзін президенттікке үміткер ретінде тіркеуін сұрап отыр. Сенатор Қайсар, сайлаушылардың өзін қолдаған 100 мыңнан астам қолын Орталық сайлау комиссиясы дұрыс есептемеген деп санайды. Ал Орталық сайлау комиссиясының төрағасы Оңалсын Жұмабеков Уалихан Қайсар заңға сәйкес, тиісті қол жинай алмаған дейді.

қараша 01, 2005

Орталық сайлау комиссиясы сенатор Зәуреш Батталованы әкімшілік жазаға тартуға негіз бар деп ұйғарды

Орталық сайлау комиссиясы Қазақстан Парламенті Сенатының депутаты Зәуреш Батталованы әкімшілік жазаға тарту жөнінде қаулы қабылдап, оны Сенат төрағасы Нұртай Әбіқаевқа жолдады. Қазақстан Конституциясына сәйкес, сенаторды әкімшілік жазаға тарту керек пе, жоқ па - оны тек сенатордың әріптестері шешеді. Ал Орталық сайлау комиссиясының төрағасы Оңалсын Жұмабеков сенат депутаттары Зәуреш Батталоваға қатысты өзі жіберген хатқа қолдау білдіреді деген сенімде. Орталық сайлау комиссиясының қаулысына сәйкес, Зәуреш Батталова қазанн айының 8-күні Алматыда заңсыз шеру өткізді деп айыпталып отыр.

қазан 26, 2005

Президенттікке кандидат оппозициялық қайраткердің үгіт материалдары тиелген автокөлік жанып кетті

Қазақстанда президенттікке үміткер ретінде ресми тіркеуден өткен бес кандидат үгіт-насихат жұмыстарын бастап кетті. Ал елдің Орталық сайлау комиссиясының мәліметінше, үміткерлерді тіркеу барысында ең көп қол жинаған қазіргі президент Нұрсұлтан Назарбаев, екінші орында «Ақ жол» партиясының мүшесі Әлихан Бәйменов болса, үшінші орында «Әділетті Қазақстан үшін» қозғалысының жетекшісі Жармахан Тұяқбай тұр. Алайда Ж.Тұяқбайдың жақтастары Орталық сайлау комиссиясының мұндай ақпаратымен келіспейді.

қазан 17, 2005

Астанаға Елші Рольф Экеус келді

Дүйсенбі күні Қазақстан Парламенті Сенатының төрағасы Нұртай Әбіқаев Еуропадағы қауіпсіздік және ынтмақтастық ұйымының аз ұлттар жөніндегі Жоғарғы комиссары Елші Рольф Экеуспен кездесті.

қазан 13, 2005

«Әділетті Қазақстан үшін» қозғалысы сайлау штабының жетекшісі Төлен Тоқтасынов 8-қазан күнгі шеруді ұйымдастырды деп айыпталып отыр

Сәрсенбі күні кешкісін «Әділетті Қазақстан үшін» қозғалысының сайлау алды штап пәтерінен үйіне қайтып бара жатқанда сайлау штабының жетекшісі Төлен Тоқтасыновты жиырма шақты полиция қызметкерлері ұстап алып, машинаға салып әкеткен. Сол күні кешкісін сағат тоғыздар шамасында Алматы қаласы экономикалық соты Толен Тоқтасыновқа 8-қазан күнгі заңсыз ұйымдастырылған шеруді ұйымдастырушылардың бірі болған деп айып тағып, 50 мың теңге көлемінде айыппұл салған. 12-қазан күні кешкісін Төлен Мұхаммедияұлы АҚШ-тың мемлекеттік хатшысы Кондализа Райспен кездесу үшін Астанаға ұшпақшы болған екен.

қазан 13, 2005

АҚШ мемлекеттік хатшысы Кондализа Райс Қазақстанның жағдайы халықарлық ұйымдар арқылы маған жақсы таныс деді

Бейсенбі күні АҚШ-тың мемлекеттік хатшысы Кондализа Райс Астанадағы Еуразиялық ұлттық университетінде студенттермен, үкіметтік емес ұйымның өкілдерімен және саяси партиялардың жетекшілерімен кездесті. Кондализа Райс кездесуге келгендерге «АҚШ-тың Орталық Азия елдерімен сыртқы байланысы» деген тақырыпта лекция оқыды. Соңынан АҚШ-тың мемлекеттік хатшысы студенттер мен саяси партия жетекшілерінің сұрақтарына жауап берді.

қыркүйек 28, 2005

Қазақстан Парламентінің Мәжілісі «Азаматтық және саяси құқықтар туралы халықаралық пактіні бекіту» туралы заң жобасын мақұлдады

Сәрсенбі күні өткен Парламент Мәжілісінің жалпы отырысында депутаттар «Экономикалық, әлеуметтік және мәдени құқықтар туралы халықаралық пактіні бекіту» мен «Азаматтық және саяси құқықтар туралы халықаралық пактіні бекіту» жөніндегі заң жобаларын мақұлдады. Бұған дейін Қазақстан президенті Нұрсұлтан Назарбаев, парламент сессиясының ашылуы кезінде, 2009 жылы Еуропадағы қауіпсіздік және ынтмақтастық ұйымына төрағалыққа ұмтылу үшін жоғарыдағы пактілерді бекіту депутаттардың бастапқы міндеті деген еді. Бірақ Қазақстан аталған пактілерді заң жүзінде бекіткенімен Қазақстан азаматтары құқықтарын қорғау үшін халықаралық соттарға немесе БҰҰ-на шағымдана алмайды. Өйткені, Қазақстан қосымша құжат – факультативті мәжіліс хатты бекітпей отыр.

тамыз 19, 2005

Конституциялық кеңес Қазақстанда президент сайлауын 2005 жылдың желтоқсан айында өткізген жөн деп тапты

Тамыздың 19-күні Конституциялық кеңес Қазақстанда кезекті президент сайлауы 2005 жылдың желтоқсан айының алғашқы жексенбісінде өтіп, жаңадан сайланған президент 2006 жылғы қаңтардың 11-де ант қабылдағаны дұрыс деген ұйғарым жасады. Ендігі сөз - Парламент еншісінде. Егер олар Конституциялық кеңестің бұл сөзін құп көрсе, Мәжіліс депутаттары алдағы қыркүйек айында президент сайлауының күнін ресми түрде жария ететін болады.

тамыз 12, 2005

Конституциялық кеңес президент сайлауының мерзімін анықтауды тағы да келесі жолға қалдырды

Тамыздың 12-күні апта басында үзіліс жариялаған отырысын жалғастырған Қазақстан Республикасының Конституциялық Кеңесі елде президент сайлауының мерзіміне қатысты қорытынды шешім шығаруды тағы да келесі аптаға қалдырды.

тамыз 05, 2005

Қазақстанның қаржы полициясы оппозициялық саясаткер Болат Әбіловтің үстінен қылмыстық іс қозғалғанын жария етті

Тамыздың 5-күні Астанада, Қазақстан Республикасының экономикалық және сыбайлас жемқорлық қылмыспен күрес агенттігінің (Қаржы полициясы) төраға орынбасары Рүстем Ыбырайымов, оппозициялық «Әділетті Қазақстан үшін» қозғалысының мүшесі, бұрынғы кәсіпкер Болат Әбіловке қатысты және аталған қозғалыстың тағы бір мүшесі Асылбек Қожахметовтің туған бауыры, «Әсем» фирмасының директоры Талғат Қожахметовке қарсы бірнеше істер бойынша қылмыстық іс қозғалып, тергеу жұмыстары жүргізіліп жатқанын баяндады. Рүстем Ыбырайымовтың айтуынша, қаржы полициясы Болат Әбілов кәсіпкерлікпен шұғылданып жүргенде бірнеше алаяқтық әрекетке барып, мемлекетке млн.даған шығын әкелген деп тауып отыр. Ал, бұл іске қатысты «Азаттық» радиосына берген сұхбатында Болат Әбілов бұл істің саяси сипаты барын айтып, «менің ешқандай қылмысым жоқ, мен ешнәрседен қорықпаймын», деп жауап берді.

тамыз 03, 2005

Қазақстанда оппозициялық қозғалыс ресми тіркеуден өтті

Тамыздың 2-күні «Әділетті Қазақстан үшін!» қоғамдық қозғалысы Қазақстан Республикасының Әділет министрлігінен ресми тіркеуден өтті. Енді оппозициялық қозғалыстың өткізетін көпшілік жиындары мен іс-шаралары заңды сипатқа ие болмақ.

тамыз 02, 2005

АҚШ президенті Қазақстан басшысын елін демократиялық батыл реформалармен бекіте түсуге шақырды

Қазақстан президентінің баспасөз қызметі Нұрсұлтан Назарбаевтың атына АҚШ президенті Джордж Буштан хат келгенін мәлімдеді. Онда президент Джордж Буш екі елдің арасындағы стратегиялық қарым-қатынастың маңызы зор екенін айта келіп, Қазақстан президентіне Д.Буш «егер президент сайлауына түсуге бел байласаңыз халықаралық талаптарға сай келетін еркін және әділ президенттік сайлау өткізу арқылы ілгерілуіңізге болады», - деген. АҚШ президентінің бұл хатына қазақстандық саясаткерлер әртүрлі пікір білдіруде.

тамыз 01, 2005

Астана сотында Асылбек Қожахметовтің арызы қанағаттандырылмады

Дүйсенбі күні Астана қалалық Сарыарқа аудандық соты «Алға» халықтық партиясын ұйымдастырушы комитетінің төрағасы Асылбек Қожахметовтің «Аграрлық Қазақстан» партиясы жетекшілерінің үстінен түсірген шағым-арызын қанағаттандырған жоқ.

шілде 30, 2005

Жармахан ТҰЯҚБАЙ: «Н.Назарбаевтың елді басқарып отырғанына 15 жыл болды. Бірақ, 15 жыл ел басқару керек деген қай жерде жазылған?»

«Әділетті Қазақстан үшін!» қозғалысының жетекшісі, оппозициялық топтан президент сайлауына ортақ үміткер Жармахан Тұяқбай және Коммунистік партияның бірінші хатшысы Серікболсын Әбділдин мен «Нағыз Ақ жол», «Алға» партиясын ұйымдастырушы топтың серкелері жұма күні кешкісін Астана жұртшылығымен кездесті. Жиынға 500-ден аса астаналық қатысты.

маусым 30, 2005

Үшінші шақырылымдағы Парламенттің бірінші сессиясы аяқталды

Қазақстан Парламентінің үшінші шақырылымындағы бірінші сессиясы аяқталды. Сессия жұмысын қорытындылаған Мәжіліс төрағасы Орал Мұхамеджанов сегіз айдың ішінде парламенттің 80-ге жуық заң жобасын мақұлдағанын айтады. Оның 62-іне Қазақстан президенті қол қойған. Жалпы алғанда Мәжіліс төрағасы Орал Мұхамеджанов үшінші шақырылымдағы парламенттің жұмысы көңілінен шығатынын жасырмады. Оның айтуынша, депутаттар қоғамға қажетті заң жобаларын талқылаған. Бірақ, парламенттің жұмысын бақылап келген сарапшылар үшінші шақырылымдағы депутаттардың кәсіби төменділігін айтады.

маусым 25, 2005

Қытай мигранттары Қазақстанға қауіпті ме?

Қазақстан сыртқы істер министрлігінің мәліметінше, соңғы уақытта Қазақстанға Қытайдан заңсыз келушілер саны артқан. Министрлік деректері олардың арасында қытай ұлтының өкілдері көп екенін атап көрсетеді.

маусым 23, 2005

Зәуреш Батталова: «Мәжіліс депутаттары заңды бұзуға жол берді»

Парламент мәжілісі мақұлдаған «Халықаралық немесе шетелдік коммерциялық емес өкілдіктердің және филиалдардың қызметі туралы» заң жобасы Қазақстан қоғамында пікірталас туғызып отыр. Алдағы аптада даулы жоба сенатта қаралады.